[1]

يەکى ئايار، ڕۆژى جيهانيى کرێکاران، بە گەرمى لە کرێکارانى کوردستان، عێراق و جيهان و سەنديکا و ڕێکخراوەکانيان پيرۆز دەکەم. بەشدارى و قوربانيدانى کرێکارانى کوردستان لە شۆڕش و ڕۆڵى ديار و ڕەنجى زۆريان لە پرۆسەى بنياتنان و ئاوەدانکردنەوەى کوردستاندا بەرز دەنرخێنم و هيواى سەرکەوتنيان بۆ دەخوازم.
لەم يادەدا وێڕاى دەربڕينى هەموو پشتگيرييەک بۆ ماف و داوا ڕەواکانى کرێکاران، جەخت لە پێويستيى هەبوونی یاسایەکی سەردەمیانەی کار بۆ پاراستنی مافەکانی کرێکاران و ڕەخساندنى زەمينەى سەلامەت و ژينگەى لەبار و ڕێکخستنى دروستى کاژێرەکانى کار و يەکسانى لە دەرفەتى کاردا دەکەينەوە، هەروەها دەبێ گرنگيى زياتر بە ژيان و گوزەرانى کرێکاران و خێزانەکانيان بدرێت‌ و سەندیکا و ڕێکخراوەکانی کرێکارانیش کاراتر بۆ مافەکانیان کار بکەن.
سڵاو و ڕێز بۆ خێزان و کەسوکارى ئه و کرێکارانە دەنێرين کە لە کاتى کاردا گيانيان لەدەستداوە و لەسەر لايەنە پەيوەندارەکانه لە هەموو ڕوويەکەوە چاودێرييان بکەن و يارمەتى بدرێن.
يەکى ئايار لە هەمووان پيرۆز بێت و پشوويەکى ئارام و ئاسوودە بۆ کرێکاران دەخوازم. [1]

#نێچيرڤان بارزانى#
سەرۆکى هەرێمى کوردستان
#01-05-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

لە یەکی ئایار جەژنی جیهانیی کرێکاراندا، پیرۆزبایی گەرم لە کرێکارانی کوردستان و عێراق وجیهان دەکەین.
کرێکاران لە گەشە و بونیادنانی وڵاتەکەماندا ، لە کەرتی گشتی وکەرتی تایبەتدا ڕەنجی بازوییان بۆ ڕۆڵگێڕانی بەرچاوی ئاوەدانی خستۆتەگەڕ. وەک توێژێکی کارای کۆمەڵایەتیش هەمیشە لە سەنگەری پێشەوەی خەباتی نیشتمانیی و نەتەوەیی بۆ ڕزگاری و ئازادی ئامادەیی مەیدانییان هەبووە. خەباتی چینایەتی و نیشتمانیی کرێکارانی کوردستان و عێراق هوشیاری سیاسیی و سەندیکایی ئەوانی پێشخستووە و بۆ داکۆکی لەسەر ماف و داخوازییەکانیان شیلگیری کردون. بەڵام هێشتا هەلومەرجی کار و سەلامەتی ژیان و ئاستی گوزەرانیان بە ئەندازەی کۆششی ئاوەدانی و بارتەقای ڕەنجی خەباتی سیاسییان نییە.

لەساڵی 2012 وە یاسای (بیمەی کار) و لە سەرەتای ساڵی 2023 شەوە بەکۆششی تیمی حکومیی یەکێتیی نیشتمانی کوردستان و فراکسیۆنەکەی یاسای کار لە پەرلەمانی کوردستان دەرچوون و ماوە بکەوێتە بواری جێبەجێکرددنەوە.
وەک #یەکێتیی نیشتمانیی کوردستان# لە سونگەی باوەڕبوون بە دادپەروەری کومەڵایەتی و چینایەتی، پێداگری دەکەین لە بەدەستهێنانی مافەکانی کرێکاران و هەرچی زووە ئەو دوو یاسایە جێبەجێبکرێت و شوێنەواری یاساکانی ڕژێمی بەعسی ڕووخاو بە تایبەتی یاسای ناسراو بە (150) کە مافی خۆرێکخستن و بیمەی کرێکارانی هەڵوەشاندبۆوە نەهێڵڕێت ، هەموو ئەمانە لە پێناوی باشکردنی بژێو و ژینگەی کاری کرێکاراندایە.
داواش دەکەین سەندیکاکانی کرێکاران شیلگیرانەتر بن لە خەباتیان بۆ بەدیهێنانی گشت مافەکانی کرێکاران.
هەر لەم بۆنەیەدا درود بۆ گیانی پاکی ئەو کرێکارانەی لە مەیدانی کار وتێکۆشاندا گیانیان بەخشی، دەنێرین.
سڵاو لە ڕەنجدەرانی بیرو بازووی کوردستان. [1]

مەکتەبی سیاسی
یەکێتیی نیشتمانیی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە بۆنەی ڕۆژی جیهانیی کرێکاران، گەرمترین پیرۆزبایی ئاراستەی کرێکارانی کوردستان و عێراق و جیهان دەکەم. بەڕێز و پێزانینەوە لە ئەرک و ماندووبوون و ڕۆڵی گرنگی کرێکارانی کوردستان دەڕوانین لە ئاوەدانکردنەوە و گەشەپێدانی کوردستاندا.
حکومەتی هەرێمی کوردستان، بەردەوام دبێت لە پرۆسەی چاکسازییەکانی لە پێناو باشترکردنی گوزەرانی کرێکارانی کوردستان، لەم ڕووەوە، پەسەندکردنی یاسای کار لە هەرێمی کوردستان لە ماوەی ڕابردوودا، بەشێکە لە چاکسازییەکانی کابینەی نۆیەم لە بواری باشترکردنی ژیان و مسۆگەرکردنی مافەکانی کرێکاران لە ڕووی تەندروستی و سەلامەتی پیشەیی و دابینکردنی مافە یاساییەکانیان و سنووردانان بۆ هەموو جۆرە ستەم و چەوساندنەوەیەکی کرێکاران.
ڕۆژی کرێکاران پیرۆز بێت و هیوای ژیانێکی باشتریان بۆ دەخوازم. [1]

#مەسرور بارزانی#
سەرۆکی حکومەتی هەرێمی کوردستان
#01-05-2023#

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دەقی پەیامەکە...
کرێکاران و ڕەنجدەران و جوتیارانی کوردستان لە ڕۆژی یەکی ئایار جەژنی جیهانی کرێکاراندا، دەستی ماندووتان دەگوشم و ئەم ڕۆژەتان لێ پیرۆز دەکەن، کرێکارانی کوردستان ڕۆڵی گرنکیان گێڕاوە لە بنیاتنانی کوردستان، سەرەڕای ئەوەش زۆرینەی کاتەکان چینێکی چەوساوە و بەشخوراو بوون، تاوەکو ئێستاش هەنگاوی پێویست بۆ خزمەتکردنی تەواوی کرێکاران لەکەرتی گشتی و تایبەتدا لە ئاستی کۆشش و ماندووبوونیان نەنراوە، سەرەڕای بوونی یاسایەکی تایبەت بە (بیمەی کار)، بۆیە هیواخوازین سەندیکای کرێکاران و تەواوی دەستە و ڕێکخراوەکان هەنگاوی جددی بگرنە بەر بۆ دابینکردنی ژیانێکی شایستە بۆ تەواوی چینی کرێکاران بێ جیاواز، ی.ن.ک هەمیشە خۆی بەپشت و پەنای چینی کرێکاران زانیوە و هەرواش بەردەوام دەبێت لە پشتگیریکردنی داوا ڕەواکانی کرێکاران. دووبارە پیرۆزە جەژنی جیهانی کرێکاران. [1]
#هێرۆ ئیبراهیم ئەحمەد#
ئەحمەد ئەندامی ئەنجومەنی باڵای سیاسی و بەرژەوەندی ی.ن.ک

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

‎لە ڕۆژی جیهانی کرێکاراندا #بافڵ تاڵەبانی# پەیامێکی بڵاوکردەوە و ڕایگەیاند: #یەکێتیی نیشتمانیی کوردستان# لە هەناوی ئەم چینە شۆڕشگێڕە ماندوونەناسەوە گەشەیکرد. هەر بۆیە خۆی بە بەشێکی دانەبڕاوی ئەم هێزە کاریگەرە دەزانێت و مێژوو و قوربانییەکانیان لە یاد ناکات.

=KTML_Bold=دەقی پەیامەکەی بافڵ تاڵەبانی:=KTML_End=
ڕۆژی جیهانیی کرێکاران لە هەموو کرێکاران و بونیادنەرانی کوردستان پیرۆزبێت و دەستی ماندووبوونیان دەگووشم.
کرێکاران و ڕەنجدەران پایەیەکی سەرەکیی کۆمەڵگە و بزوێنەری شۆڕشەکانی گەلەکەمانن، یەکێتیی نیشتمانیی کوردستانیش لە هەناوی ئەم چینە شۆڕشگێڕە ماندوونەناسەوە گەشەیکرد. هەر بۆیە خۆی بە بەشێکی دانەبڕاوی ئەم هێزە کاریگەرە دەزانێت و مێژوو و قوربانییەکانیان لە یاد ناکات.

یەکێتیی نیشتمانیی کوردستان هەمیشە لە خەمی بەدیهێنانی ماف و داوا ڕەواکانی کرێکاران بووە و هەوڵیداوە لەپێناو دەستەبەرکردنی ژیانێکی شایستە و ڕەخساندنی دەرفەتی کار. ئەمەش بە ئەرکی خۆمان دەزانین و وەفادارییەکی بچووکە بەرامبەر گەورەیی و کاریگەریی ئەو هێزە خۆڕاگرە.
دووبارە ئەم ڕۆژەتان پیرۆزبێت و کوردستان قەرزاری دەستە ماندووەکانی ئێوەیه. [1]

دڵسۆزتان
بافڵ تاڵەبانی
سەرۆکی یەکێتیی نیشتمانیی کوردستان

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=