03-10-2020
باکووری کوردستان
- ئەردۆگانئەردۆگان لە ڕێوڕەسمی کردنەوەی بەنداوی ڕەیحانلی لە شاری هاتای بەشێوەی ئۆنلاین گوتاری دا و ئاماژەی به دەستپێکردنی ئۆپەراسیۆنێکی نوێ لە ڕۆژئاوای کوردستان دا.[1]
رۆژهەڵاتی کوردستان
- کۆڵبەرکۆڵبەرێکی کورد بە ناوی مەهدی زارعیمەهدی زارعی خەڵکی گوندی کۆڵەسەی خواروو سەر بە سەردەشتسەردەشت بەهۆی تەقەی هێزە نیزامییەکانی حکوومەت لە سنووری بانەبانە کوژرا. ئەو کۆڵبەرە لە کاروانی کۆڵبەراندا بێ ئاگادارکردنەوەی پێشوو تەقەی ڕاستەوخۆی لێکراوە. مەهدی خێزاندار و خاوەنی سێ منداڵە.[4]
- ئۆفیسی یاسایی موختار زارعی لە شاری سنەسنە بە هۆی هەڵنەواسینی وێنەی خومەینی و خامنەیی داخرا.[6](بڕوانە فایلی پەیوەندیدار)
باشووری کوردستان
- وەزارەتی تەندروستیی حکومەتی هەرێمی کوردستان ئاماری 24 کاژێری ڕابردووی تایبەت بە ڤایرۆسی کۆرۆنای بڵاوکردەوە و ڕایگەیاند، 16 تووشبووی دیکەی ڤایرۆسەکە مردوون و بەوەیش کۆی گشتیی مردووان گەیشتە هەزار و 807 کەس.[1]
- لە سێهەمین ساڵیادی کۆچی دوایی سەرۆک مام جەلالمام جەلال-دا، کونسوڵخانەی گشتی ئەمریکا لە هەولێرهەولێر پەیامێکی بڵاوکردەوە و ڕایگەیاند، تاڵەبانی بەردەوامی و ئازایەتی و دانایی و گشتگیری پێشاندا لە ڕابەرایەتی کردنی عیراق لە کاتە پڕ ئاڵنگاری و سەختەکاندا.[2]
- لە مەراسیمێکدا خەڵاتی ڕێزلێنان بەخشرایە بنەماڵەی مێژوونووس و سیاسەتمەداری کورد ڕەفیق حیلمیڕەفیق حیلمی، کچەکەی ڕەفیق حیلمیش لەگەڵ دەربڕینی دڵخۆشی بۆ بەخشینی ڕێزلێنان بە بنەماڵەکەیان، نیگەرانی دەربڕی لەبارەی ئەوەی وەک پێویست ڕێز لەو خزمەتە نەگیراوە کە باوکی پێشکەشی گەلی کوردی کردووە.[5]
- ئاگرێک لە نەخۆشخانەی ڕۆیاڵی تایبەت لە سلێمانیسلێمانی دەکەوێتەوە و زیانی ماڵیی لێدەکەوێتەوە.[2]
دەرەوەی کوردستان
- قوتابخانە، کتێبخانە، مزگەوت و دامەزراوە گشتییەکان لە تارانی پایتەختی ئێران بۆ ماوەی یەک هەفتە داخران ئەمەش بەهۆی زیادبوونی حاڵەتەکانی کۆرۆنا لەو شارە.[3]