رۆژهەڵاتی کوردستان
- ئارام زەندی، چالاکێکی کرێکاری خەڵکی شاری سنەسنە، لە لایەن قەراگای فەرماندەیی هێزە ئینتزامییەکان لەو شارە بانگهێشت کرا.[6]
- چوار مامۆستای کورد بە ناوەکانی سوویلا سەعیدی، مامۆستای زمانی عەرەبی، حەمید ئاریانا، مامۆستای زمانی ئینگلیسی، ئەسعەد ئەولیایی بەڕێوەبەری نووسیگەی کۆمەڵایەتی و عەتا ئیسفەندیاری مامۆستای وێژەیی زمانی فارسی، بانگهێشتی ئیدارەی ئیتلاعاتی شاری دیواندەرەدیواندەرە کران. بە وتەی سەرچاوەیەکی ئاگادار، ئەم چوار مامۆستا کوردە بە هۆی بەشداری کردن لە مانگرتنی سەرەتاسەری فەرهەنگییان، بانگهێشتی ئیدارەی ئیتلاعاتی شاری دیواندەرە کراون.[6]
- چالاکێکی کرێکاری کورد بە ناوی ئومید ئەسەدی، بانگهێشتی لقی دووی پرسکەر و دادسەرای گشتیی و ئینقلابی شاری کامیارانکامیاران کرا.[6]
باشووری کوردستان
- تەرمی میر تەحسین بەگمیر تەحسین بەگ لە ئەڵمانیاوە دەگاتەوە باشووری کوردستان و لە فڕۆکەخانەی هەولێرهەولێر هەشت پێکهاتەی ئایینی لە هەرێمی کوردستان بە جلوبەرگی تایبەتی خۆیان لە پێشوازیییدا بەشداربوون و تاجەگوڵینەیان لەسەر تەرمی میر تەحسین بەگ، میری ئێزدیانی کوردستان و جیهان دانا. بڕیارە سبەینێ لە لە کۆشکی میری لە پەرستگای لالش بە خاکبسپێردرێت.[1]
- درەنگانی شەوی ڕابردوو بەهۆی تەقینەوە مینەوە دوو کۆڵبەرکۆڵبەر بە سەختی برینداربوون و گەیەندرانە نەخۆشخانەی شارۆچکەی چۆمانچۆمان-ی سەربە پارێزگای هەولێر. یەکێک لە بریندارەکان قاچێکی لە دەستداوە، دوای وەرگرتنی چارەسەریی سەرەتایی ڕەوانەی نەخۆشخانەی فریاکەوتنی هەولێر کراون.[3]
- لە نزیک سایلۆی ناوەندی شاری شەنگالشەنگال لە کاتی دروستکردنی ڕێگەدا، ئێسک و پروسکی چەندین کەس دۆزرایەوە. ڕاگەیەنرا له و شوێنە گۆڕێکی بەکۆمەڵ هەیە و لە کاتی هێرشی چەتەکانی داعش کۆمەڵکوژی لێ کراوە. بەهۆی ئەوەی تا ئێستا لێکۆڵینەوەی پێویست نەکراوە، نازانرێت تەرمی چەند کەس له و گۆڕە بەکۆمەڵەدا هەیە.[5]
- دوای 13 ڕۆژ لە داخستنی، ئەمڕۆ دەروازەی سەرزێرێ لەنێوان تورکیا و هەرێمی کوردستان لەسنوری شارەدێی کانی ماسێ سەر بە شارۆچکەی ئامێدیئامێدی کرایەوە.[2]
- بەپێی زانیارییەکان، سوپای تورک ژمارەیەک سەربازی ناردووەتە گەلیی باڵندە، کە ناوچەیەکی گەشتیارییە لە سنووری شارۆچکەی ئامێدی سەربە پارێزگای دهۆکدهۆک.[3]
- هێزەکانی بەرێوەبەرایەتی ئاسایشی گەرمیانگەرمیان دوو ئەمیر و چەکدارێکی داعشداعش دەستگیردەکەن و لە ڕاگەیێندراوێکیشدا ئاماژە بەوە دەکەن، چەکدارەکان لە سنووری ئیدارەی گەرمیان و سلێمانیسلێمانی دەستگیرکراون.[4]
- کۆپتەرە جەنگییەکانی سوپای تورکی داگیرکەر لە کاتژمێر 8:30 بۆ 9:00 دەورووبەری گوندی خەلیفان و چیادێل-یان بۆردومانکرد.[5]
- لە ناو بازاڕی شارۆچکەی سەیدسادق-ی سەر بە پارێزگای سلێمانی، گردبوونەوەیەک لەلایەن چالاکوانان و ڕۆژنامەنووسانی سەیدسادق-ەوە ڕێکخرا دژی بەرتەستکردنەوەی ئازادیی و دەستگیرکردنی چالاکوانان و ڕۆژنامەنووسان لە بادینان.[3]
- ژمارەیەک لە شۆفێر و خاوەن تەکسییەکان لە سلێمانی خۆپیشاندانێکی ناڕەزایەتیان دژ بە بڕیارێکی وەزارەتی ناوخۆوەزارەتی ناوخۆی حکومەتی هەرێم ئەنجامدا و شەقامێکی سەرەکیشیان داخست.[2]
- لیژنەی هاوبەشی وەزارەتی پێشمەرگەوەزارەتی پێشمەرگەی هەرێمی کوردستان و وەزارەتی بەرگریی عێراق لە هەولێر کۆبوونەوه. ئاساییکردنەوەی پەیوەندی نێوان هەردوولا و بارودۆخی ناوچە کوردستانییەکانی دەرەوەی ئیدارەی هەرێمی کوردستان گفتوگۆیان لەبارەوە کراوە.[4]
- جێگری یەکەمی سکرتێری گشتی یەکێتیی نیشتمانیی کوردستانیەکێتیی نیشتمانیی کوردستان سەردانی کەرکووککەرکووکی کرد و ڕایگەیاند، کەرکووک هێڵی سوورە و بەهیچ شێوەیەک سازش لەسەر کوردستانیبوونی ناکەین.[4]
دەرەوەی کوردستان
- بە مەڕاسیمێک تەرمی هونەرمەندی ناوداری کورد عەگیدێ جمۆعەگیدێ جمۆ کە بە (میری باڵەبان) ناسراوە، لە شاری ئەریڤانی ئەرمەنستان بەخاک سپێردرا.[5]
- لەسەر داوای دانیەل سیمۆنێت ئەندامی ئەنجوومەنی شارەوانیی پاریس، لەیلا گیوڤەنلەیلا گیوڤەن هاووڵاتیبوونی فەخریی شاری پاریسی پایتەختی فەرەنسای پێبەخشرا.[5]
- حسێن سەلامی، جێگری فەرماندەی گشتی سوپای پاسداران لە دیمانەیەکیدا لەگەڵ تەلەفزیۆنی ئێران ڕایگەیاند: داوادەکەین وڵاتانی ئەوروپا دەست لە کاروباری ئێمە وەرنەدەن، بە پێچەوانەشەوە ئەو بابەتە ناچارمان دەکات گۆڕانکاری لە ڕەوتی سیاسی، ستراتیژی و بەرگریکارانەمان بکەین.[2]
- بەرهەم ساڵحبەرهەم ساڵح، سەرۆککۆماری عێراق وەڵامی لێدوانەکەی دۆناڵد ترەمپ، سەرۆکی ئەمریکای دایەوە و ڕایگەیاند، ئەمریکا داوای مۆڵەتی نەکردووە و مافی ئەوەی نییە لە عێراقەوە چاودێری ئێران بکات.[4]

هێزەکانی ڕزگاریی عەفرینعەفرین ڕایگەیاند، چالاکییەکانیان لە دژی سوپای تورکی داگیرکەر و گروپە چەتەکانی بەردەوامیی هەیە.
لە ڕاگەیاندراوی هێزەکانی ڕزگاریی عەفرین دا لەبارەی ئەو چالاکییەوە هاتووە ڕۆژی 2ی شوباتی 2019 / 13ی ڕێبەندان لە گوندی تەل مەلاد لە شارۆچکەی مارعی حەلەب شەڕڤانشەڕڤانەکانمان لە گروپە چەتەکانیان دا.
لە ڕاگەیاندراوەکەی هێزەکانی ڕزگاریی عەفریندا ئەوەش هاتووە، چالاکییەکە لە قوڵەوە لە دژی چەتەکان ئەنجامدراوە و بەو هۆیەوە شەڕ لە نێوان شەڕڤانان و چەتەکاندا ڕوویداوە.
بەپێی ڕاگەیاندراوەکە، لە چالاکییەکەدا 5 چەتە کوژراون و 2 سەنگەری چەتەکان تێکشکێنراوە و دەستیش گیراوە بەسەر چەکێکی جۆری کڵاشینکۆفی چەتەکاندا.[1]
04-02-201904-02-2019