[1]

بە خۆشحاڵييەوە پێشوازى لە ڕێککەوتنى‌ ئەمڕۆ 04-04-202304-04-2023 نێوان حکوومەتى فيدراڵيى عێراق و حکوومەتى هەرێمى کوردستان دەکەم بۆ دەستپێکردنەوەى هەناردەکردنى نەوتى هەرێمى کوردستان.
ستايشى ڕۆڵى بەڕێزان سەرۆک وەزيرانى عێراقى فيدراڵ و سەرۆک وەزيرانى هەرێمى کوردستان دەکەم کە بە گيانێکى ئەرێنى بۆ چارەسەرى، توانييان بگەنە لێکگەيشتن‌ و ڕێککەوتن، دەستخۆشييان لێدەکەم.
سوپاس و پێزانين بۆ تيمەکانى هەردوولا کە گفتوگۆيەکى سەرکەوتوويان بەڕێوە برد و ئەم ڕێککەوتنەى لێکەوتەوە. هيوادارين وەک خۆى جێبەجێ بکرێت و ببێتە دەستپێکى چارەسەرکردنى کێشەکانى ديکەش.
دووپاتى دەکەينەوە هەرێمى کوردستان وەک هەميشە ئامادەيە بۆ چارەسەر بە گفتوگۆ و لێکگەيشتن لەسەر بنەماى دەستوور کە لە بەرژەوەنديى تەواوى عێراقدايه و دەبێتە هۆى سەقامگيريى سياسى و ئابووريى وڵات‌. [1]
نێچيرڤان بارزانىنێچيرڤان بارزانى
سەرۆکی هەرێمى کوردستان
04-04-202304-04-2023

تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

ئەمڕۆ 04-04-202304-04-2023 ڕێککەوتنێکمان لەگەڵ سەرۆک وەزیرانی فیدرال بەڕێز محەمەد شیاع سوودانی واژۆکرد بۆ هەناردەکردنەوەی نەوت، کە دەبێتە بنەمایەک بۆ سەردەمێکی نوێی هاوکاریی بەهێز و بەردەوام لە نێوان هەولێرهەولێر و بەغدابەغدا.

لە کۆبوونەوەکەماندا لە بەغدا، سوپاسی سەرۆک وەزیرانم کرد بۆ سەرکردایەتیەکەی و ڕۆڵە سەرەکییەکەی لە نوێبوونەوەی هاوکاری لە نێوانماندا. ئەم ڕێککەوتنە، خزمەت بە بەرژەوەندی هەموو وڵات دەکات بە هەرێمی کوردستانیشەوە. هەردوولامان هاوڕاین کە ئێستا چوارچێوەیەکمان هەیە بۆ ڕەشنووسی یاسای بودجەی فیدراڵ، هەروەها دەکرێ لە داهاتوویەکی نزیکدا، گفتوگۆکان لەسەر یاسایەکی نوێی فیدراڵی تایبەت بە نەوت و گاز دەست پێبکەن.

کێشە و ئاستەنگەکانی ئەم دواییانەی بەردەم هەناردەکردنی نەوتی هەرێمی کوردستان، زیانی بە کۆی وڵات گەیاندووە. بەڵام ئەم ڕێککەوتنە، دەبێتە هۆی ئەوەی داهاتی زۆر پێویست دەستەبەر بکات. هەڵوێستی ئێمه هەمیشه کارکردن بووه لەگه ڵ عێراق بۆ گەیشتن بە ڕێککەوتنێک که لە چوارچێوەی دەستووردا، ڕێز له مافەکانمان بگیرێت. بێگومان ڕۆڵی دیار و گرنگی سەرۆک وەزیرانی فیدراڵ، هێزێکی تایبەت بەم ڕێککەوتنە دەبەخشێت.

لە ئەمڕۆوە 04-04-2023، پەیوەندیمان لەگەڵ بەغدا پتەوتر دەبێت و دەتوانین دەست بە سەردەمێکی نوێی متمانە و هاوکاری بکەین. هەروەک بەڕێز سەرۆکوەزیرانی فیدراڵ ڕایگەیاند، ئێستا دەبێت جەختمان لەسەر فراوانکردنی دەرفەتەکانی هاوکاری و هەماهەنگیی نێوان بەغدا و هەولێر بێت بە شێوەیەک، کە سوودی بۆ هەموو گەلی عێراق هەبێت.
سوپاسی جەنابی سەرۆک مەسعود بارزانیمەسعود بارزانی دەکەم بۆ ڕۆڵی گرنگی و پشتیوانی بەردەوامی، هەروەها سوپاسی سەرۆکی هەرێمی کوردستان بەڕێز نێچیرڤان بارزانینێچیرڤان بارزانی دەکەم بۆ پاڵپشتیکردنی. سوپاسی شاندی تەکنیکی هەردوولاش دەکەم بۆ ئەرک و ماندووبوونیان لە چەند هەفتەی ڕابردوودا، کە بە شێوەیەکی زۆر چڕ کاریان کرد بۆ ئەوەی ئەم گفتوگۆیانە بە ئەنجام بگەیەنن و هیوادارم لە بەرژەوەندی خەڵکی هەرێمی کوردستان و هەموو خەڵکی عێراقدا بێت. [1]

مەسرور بارزانیمەسرور بارزانی
سەرۆکی حکومەتی هەرێمی کوردستان
04-04-2023
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

ڕێککەوتنی نێوان حکومەتی فیدڕاڵی عێراق و حکومەتی هەرێمی کوردستان لەبارەی هەناردەکردنی نەوت هەنگاوێکی گرنگ و مێژوویی و جێگەی خۆشحاڵییە. بەو بۆنەوە پێزانینمان بۆ ڕۆڵ و پەرۆشیی بەڕێز محەمەد شیاع سوودانی سەرۆکی حکوومەتی عێراقی فیدڕاڵ و بەڕێز مەسرور بارزانیمەسرور بارزانی سەرۆکی حکوومەتی هەرێمی کوردستان هەیە و دەستخۆشیان لێ دەکەین، هەروەها دەستخۆشی لە لیژنەی تایبەتی گفتوگۆ و هونەری هەردوو حکومەت دەکەین کە لە گشت قۆناغەکاندا بەوردی و بەرپرسیارانە کاریان کردووە.
هیوادارین ئەو ڕێککەوتنە کۆتایی بە سەرجەم کێشەکان بهێنێت و لە بەرژەوەندی هەموو خەڵکی عێراق و کوردستاندا بێت. ئێمە لە مەکتەبی سیاسیی پارتی دیموکراتی کوردستانپارتی دیموکراتی کوردستان پشتگیری لە هەوڵ و کۆششەکانی هەڤاڵی بەڕێزمان مەسرور بارزانی دەکەین لە چارەسەرکردنی کێشەکان لەگەڵ حکومەتی فیدڕاڵ، ئەم هەنگاوە و چارەسەرکردنی کێشەکان سەقامگیری و پێشکەوتنی عێراق بەدوای خۆیدا دەهێنێت لە هەموو بوارەکاندا. [1]

مەکتەبی سیاسیی
پارتی دیموکراتی کوردستان
04-04-202304-04-2023
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

سەرۆکی پەڕڵەمانی کوردستان لە پەیامێکدا بە بۆنەی چارەسەرکردنی دۆسیەی نەوت و غازی هەرێم ڕایگەیاند: بەگەرمی پیرۆزبایی لە گەلی کوردستان و ئێراق دەکەین و هیوادارین ببێتە سەرەتای لێکتێگەیشتنی باش و هاوبەش

د.ڕێواز فایەقڕێواز فایەق، سەرۆکی پەڕڵەمانی کوردستان ڕایگەیاند: دوابەدوای چارەسەرکردنی دۆسیەی نەوت و غازی هەرێم لەنێوان حکومەتی ئیتیحادی و حکومەتی هەرێمی کوردستان، پەڕڵەمانی کوردستان پێشوازی لە ڕێکەوتنەکە دەکات و بەگەرمی پیرۆزبایی لە گەلی کوردستان و ئێراق دەکەین ، و هیوادارین ببێتە سەرەتای لێکتێگەیشتنی باش و هاوبەش سەبارەت بە هەموو دۆسیە هەڵپەسێردراوەکانی دیکە لەنێوان هەولێرهەولێر و بەغدابەغدا.
لە پەیامەکەدا هاتووە: گەلی کوردستان ساڵانێکی سەختی لە قەیرانی تاقەتپڕووکێن بەهۆی ململانێکانی تایبەت بە دۆسیەی نەوت تێپەڕاند، بۆیە میللەتەکەمان چاوەڕوانی ئەوەی لە هەموو لایەکمان هەیە کە قۆناغێکی نوێی دڵنیایی و ئارامی بەرقەرار بکەین و دادپەروەریی لەنێوان چین و توێژەکانی کۆمەڵگە و تەواوی شار و شارۆچکەکاندا بێتەدی..
سەرۆکی پەڕڵەمانی کوردستان دەشڵێت: بۆ ئەو مەبەستە و دوای دڵنیابوون لە سەرچاوەکانی داهاتی هەرێم، وەک چۆن پێداگری لەسەر شایستەییەکانی هەرێمەکەمان لەناو بودجەی دەوڵەتی ئێراق دەکەین و وەک سەنەدی دەستووری و یاسایی بۆ بەدەستهێنانیان پشت بە یاساکەی دەبەستین، دەبێت بە هەمان لۆژیک و بنەما پێداگر بین لەسەر ئەوەی کە حکومەتی هەرێم پێویستە پڕۆژە یاسای بودجە لە ئێستا و داهاتووشدا بنێرێتە پەڕڵەمان و هەموومان پابەندییە یاساییەکانی خۆمان لەو ڕووەوە جێبەجێ بکەین. [1]