06-03-2019
باکووری کوردستان
- لە شاری دێرسیم، سەمرا تورانسەمرا توران پەیامنێری ئاژانسی میزۆپۆتامیا لە کاتی سەردانی ماڵەوەیاندا لە لایەن هێزە ئەمنیەکانی تورکیاوە دەستگیر کرا. هێزە ئەمنیەکان دەستیان گرتووە بە سەر کامێرا و کەلوپەلە ڕۆژنامەوانیەکانیدا و شتومەکی ماڵەکەیان تێکداوە و سوکایەتیان بە بەخۆی و کەسوکارەی کردووە.[3]
- ئەمڕۆ هێزەئەمنییەکانی دەوڵەتی تورک لە شاری ئاگریئاگری ئەندامی ئەنجومەنی هەدەپەهەدەپە زەلال یەرلیکایازەلال یەرلیکایا-یان دەستگیر کرد. ناوبراو بە بیانووی گوتارێک کە لە ناوچەی بازید پێشکەشی کردبوو، دەستگیر کراوە و گواستراوەتەوە بۆ بەڕێوەبەرایەتیی ئاسایشی ئاگری.[3]
- پارێزەران ڕازیە توورگووت، سەربای کۆکلو، ئیبڕاهیم بیلمەز و مەزڵووم دینچ بەمەبەستی دیدار لەگەڵ عەبدوڵڵا ئۆجەلانعەبدوڵڵا ئۆجەلان دوێنێ داواکارییەکیان پێشکەشی سەرۆکایەتیی داواکاری گشتیی شاری بوورسا کرد. بەڵام ئەمڕۆ داواکارییەکەیان ڕەتکردەوە.[3]
رۆژهەڵاتی کوردستان
- ئیدارەی پەروەردە و بارهێنانی شاری سەقزسەقز، پاش مانگرتنی سەرتاسەری فەرهەنگییان، هەڕەشەی لە مامۆستایانی ئەو شارە کردووە و خستوویانییەتە ژێر گوشارەوە.[6]
- مامۆستایەکی کورد بە ناوی پەیمان نەقشبەندی پاش سازکردنی دۆسیەیەکی قەزایی بە تۆمەتی پڕۆپاگەندە دژی نیزام، لە لقی 5ی دادسەرای گشتیی شاری ورمێورمێ، بە دانانی بارمتەی 20 میلیۆن تەمەنی لە زیندانی ورمێ ئازاد کرا.[6]
- لە یادی بیست و هەشتەمین ساڵی دامەزراندنی ئەنجومەنی فەرهەنگی ئەدەبیی مەریوانمەریوان کۆڕێک لە ژێر ناونیشانی ئاوڕێک لە فەرهەنگی کوردەواری بەڕێوەچوو.[6]
باشووری کوردستان
- شەشەمین دیداری سلێمانیسلێمانی بە ناونیشانی (عیراق و وڵاتانی دراوسێ، بەرەو سیستمێکی نوێی هەرێمایەتی) بەبەشداری چەندین کەسایەتی جیهانی و عیراقی لەلایەن سەنتەری لێکۆڵینەوەی هەرێمی و نێودەوڵەتی لە زانکۆی ئەمریکی لە سلێمانی بەڕێوەدەچێت.[1]
- ئێوارەی ئەمڕۆ لە شارۆچکەی خورماتووخورماتوو دوو چەکدار لەسەر ماتۆڕسکیلێکەوە دەستڕێژی گوللەیان لە پۆلیسێکی تورکمان کرد و کوشتیان.[2]
- لە کەلارکەلار دیداری ژنان، کە بڕیاربوو لەلایەن پێنج ژنی پێنج ڕێکخراوی جیاوازی تایبەت بە ژنان بەڕێوەبچێت، بەڵام بە پێچەوانەوە پێنج پیاو دیدارەکەیان پێشکەشکرد، ئەوەش ناڕەزایی ژنانی لێکەوتەوە.[5]
- دوانیوەڕۆی ئەمڕۆ ماڵی مینا لە شاری سلێمانی بە مەراسیمێک کرایەوە، کە تێیدا ژمارەیەکی زۆر ژنان و گەنجان و هونەرمەند و ئەکتەرانی کورد بە جلی کوردییەوە ئامادەبوون.[5]
- ئەمشه و لەکاتی گەڕانەوەیان کاروانێکی هێزەکانی حەشدی شەعبیحەشدی شەعبی لەنزیک گوندێکی سنوری مەخموورمەخموور کەوتوونەتە بۆسەی داعشەوه و ژمارەیەک کوژراو برینداریان لێکەوتووەتەوە.[1]
رۆژئاوای کوردستان
- شەڕڤانانی قەسەدە 13 منداڵی دیکەیان لە دەستی چەتەکانی داعش ڕزگار کرد کە زۆرینەیان منداڵی ئێزدیین.[3]
- هێزەکانی سوریای دیموکراتیک-قەسەدە لە ئۆپەڕاسیۆنێکی تایبەتدا توانیان 3 شەڕڤانشەڕڤانی دیلی دەستی داعشداعش ئازاد بکەن.[3]
- د. زاهیر عەلیکۆ کە خەڵکی گوندی کەفەر سەفرەی سەر بە شارۆچکەی جندرێسە لە هەرێمی عەفرینعەفرین، لەلایەن چەکدارانی گرووپی زەنگی ڕفێندرا و بۆ ئازادکردنیشی داوای هەزار و 500 دۆلار دەکەن.[4]
دەرەوەی کوردستان
- وەزیری ناوخۆی تورکیا ڕایدەگەیەنێت: وڵاتەکەی بەنیازە لەگەڵ ئێران دژ بە پارتی کرێکارانی کوردستان (پەکەکەپەکەکە) ئۆپراسیۆنێکی هاوبەش ئەنجامبدات.[2]