$باشووری کوردستان$
- تێرمیناڵی نوێی فڕۆکەخانەی نێودەوڵەتی #سلێمانی# بە کۆمەڵێک گۆڕانکاری نوێ و دوای نۆژەنکردنەوە و فراوانکردنی لەلایەن کەرتی تایبەتەوە، ئەمڕۆ لەلایەن جێگری سەرۆکی حکومەتی هەرێمی کوردستانەوە دەکرێتەوە.[2]
- قوباد تاڵەبانی، دەربارەی بەردەوامی ڕاگرتنی گەشتە ئاسمانییەکانی تورکیا بۆ سلێمانی، ڕایگەیاند لەناو فڕۆکەخانەی سلێمانییەوە داوا لەحکومەتی تورکیا دەکەم ئاسمانی نێوان سلێمانی و تورکیا بکاتەوە.[4]
- بەبۆنەی تێپەڕبونی 32 ساڵ بەسەر سوتان و شەهیدبوونی نزیکەی 200 هاووڵاتی لە بینایەکی شارەدێی سیروانی سەر بە پارێزگای #هەڵەبجە# لە گەرمەی شەڕی نێوان عێراق و ئێراندا، بە دروشمی (شەهیدانی بیناسوتاوەکەی سیروان برینێکی دیکەی جەستەی هەڵەبجەن) لە مەراسیمێکی تایبەتدا لە شارەدێی سیروان بە ئامادە بوونی بەرپرسانی حزبی و حکومی یادی 32 ساڵەی ئه و کارەساتە کرایەوە.[4]
- سەرۆکی فراکسیۆنی #کۆمەڵی ئیسلامی# لە پەرلەمانی کوردستان ڕایدەگەیەنێت، نێردەی تایبەتی سەرۆکی ئەمریکا لە کۆبوونەوەی لەگەڵ لایەنە سیاسییەکانی هەرێم داوای کردوە، هەڵبژاردنی پەرلەمانی کوردستان دوابخرێت.[4]
$رۆژئاوای کوردستان$
- سەرچاوە خۆجێیەکانی ناو شاری #عەفرین# ڕایانگەیاند کە دەوڵەتی تورکیای داگیرکەر و چەتەکانیان، لە گوندی بادینای ناوچەی ماباتا لە عەفرین، 9 هاووڵاتیی مەدەنییان ڕفاند کە یەکێکیان ژنە. ناوی ئەو هاووڵاتییە مەدەنییانەی کە ڕفێندراون بەم شێوەیە: 1 - نیهاد عومەر تەمەن 40 ساڵ، 2 - حسێن شەعبان تەمەن 25 ساڵ، 3 - ڕەشید جبالی تەمەن 27 ساڵ، 4 - حەسەن جەعفەر تەمەن 45 ساڵ، 5 - مەولیدا تەمەن 50 ساڵ، 6 - حەمودا ئەشکیلە تەمەن 44 ساڵ، 7 - محەمەد تەمەن 26 ساڵ، 8 - خەسان دادۆ تەمەن 40 ساڵ، 9 - حەبەش حەبش تەمەن 25 ساڵ.[3]
- وتەبێژی #یەپەگە# وەڵامی ڕاپۆرتێکی هیومان ڕایتس وۆچی دایەوە و جەختیکردەوە، کە ئەوان دژی چەکدارکردنی منداڵانن، ئامادەیی خۆشیانی دەربڕی، هاوکاریی هەرکەسێک بکەن کە ڕاستییەکانی ناوچەکە تۆمار دەکەن.[5]
$دەرەوەی کوردستان$
- سەرۆک کۆماری عێراق ڕایدەگەیەنێت، بارودۆخی عێراق و سروشتی پەیوەندیی لەگەڵ ئێراندا، وادەکات قورسبێت بۆی پابەندی جێبەجێکردنی ئه و سزایانەبێت کە واشنتن بەسەر ئێراندا دەیسەپێنێت. [1]

ناوەندی ڕاگەیاندن و چاپەمەنیی #هەپەگە# ڕایگەیاند، کە گەریلاکانیان لە شرناخی باکوری کوردستان، فڕۆکەیەکی بێفڕۆکەوانی سەربازیی سوپای تورکیان خستووەتە خوارەوە، لە ناوچەی بارزانیش سەربازێکی تورک کوژراوە.
ئەمڕۆ، ناوەندی ڕاگەیاندن و چاپەمەنیی هێزەکانی پاراستنی گەل-هەپەگە، لەبارەی چالاکیی گەریلاکانیان لە باکور و باشوری کوردستان، ڕاگەیەندراوێکی بڵاوکردەوە.
بەگوێرەی ڕاگەیەندراوەکە، ڕۆژی 19ی حوزەیران لە شرناخ، هێزەکانمان لەدژی فڕۆکەیەکی بێفڕۆکەوانی سەربازیی سوپای تورک چالاکییان ئەنجامدا، کە دەیویس لە فڕۆکەخانەی شەرەفەدین ئەلچی بنیشێتەوە، فڕۆکەکە لە ناوچەی هۆسەر و شارۆچکەی هەزەخ کەوتووەتە خوارەوە، دوای ئەوەش سوپای تورک ئۆپەراسیۆنێکی لەو شوێنە دەستپێکرد، ڕۆژی 22ی حوزەیران ئۆپەراسیۆنەکە بەبێ ئەنجام کۆتاییهات و سەربازەکان بەناچاریی لە ناوچەکە کشاونەتەوە.
هەر لە ڕاگەیەندراوەکەدا، ئەوەش خراوەتەڕوو: ڕۆژی 6ی ئاب، هێزەکانمان لەچوارچێوەی هەنگاوی شۆڕشگێڕانەی شەهید پیرۆز و شەهید ئاگریدا، لە گردی بایراق-ی ناوچەی بارزان چالاکییان دژی سوپای تورک ئەنجامدا، لەو چالاکییەدا سەربازێکی تورک کوژرا.
لە کۆتایی ڕاگەیەندراوەکەی هەپەگەدا هاتووە: سوپای تورک ڕۆژی 27ی تەمموز، لە ناوچەی کۆرخۆلێ-ی چەولیک، بە فڕۆکەی بێفڕۆکەوان و کۆنتراگەریلا، ئۆپەراسیۆنێکی دەستپێکرد، سوپای تورک ناوچەکەی پشکینەوە و لە 4ی ئابدا هێزەکانی لەو ناوچەیە کشاندەوە، بەڵام یەکینە نهێنییەکانیان لە ناوچەکە ماون و بۆسە دادەنێن.[1]
#06-08-2018#