$رۆژهەڵاتی کوردستان$
- #سیامەند موعینی# هاوسەرۆکی پارتی ژیانی ئازادی کوردستان (#پژاک#) ڕایگەیاند، #پارتی دیموکراتی کوردستان# و بنەماڵەی بارزانی ماوەی 70 ساڵە ڕەوتی شۆڕشگێڕی خەباتی کوردیان بەلاڕێدا بردووە.[3]
- ژمارەیەک لە کاسبکارانی کورد لە ناوچەی مێرگە چەکۆ لە نزیک گوندی زێوکە و ماشکان سەر بە شاری #پیرانشار# دەکەونە بۆسەی هێزە نیزامییەکانی حکوومەتی ئێران و لە ئەنجامی دەسڕێژی تەقەی هێزە نیزامییەکان، کاسبکاریکی کورد بە ناوی ئەسعەد حەسەن‌زادە کوڕی خەلیل خەڵکی پیرانشار دەسبەجێ گیانی لە دەست دەدات.[4]
- هێزەکانی حکوومەتی ئێران جێگیر لە پاسگای کەپرانی شاری #سەردەشت#، دەسڕێژیان لە ژمارەیەک لە کۆڵبەرانی ئەو ناوچەیە کردووە و لە ئاکامدا یەکێک لە کۆڵبەرانی کورد بە ناوی ئەسکەندەر.ف کوڕی حەمزە، گیانی لە دەست دا.[4]
$باشووری کوردستان$
- درەنگانی شەوی ڕابردوو چەکدارانی #داعش# هێرشیانکردە سەر گوندەکانی گڵابات و ئاشتۆکان لە سنووری شارۆچکەی #قەرەتەپە#، لەو شەڕەدا بۆمبێک بە هاونیشتمانییەک بە ناوی محەمەد حەمید لە گوندی گڵابات تەقیوەتەوە، بەهۆیەوە گیانیلەدەستداوە. هەروەها کەسێکی دیکە بە ناوی لوقمان حەمید برینداربووە..[1]
- کونسوڵی گشتیی تورکیا سەردانی یەکێتی دەکات و تاوتوێی چەند پرسێک دەکەن. سەعدی پیرە سەرسوڕمان و نیگەرانی حیزبەکەی نیشانداوە بەرامبەر لێدوانەکانی وەزیری دەرەوەی تورکیا کە یەکێتی تۆمەتباردەکات بە یارمەتیدانی #پەکەکە#.[1]=KTML_Photo_Begin=https://www.kurdipedia.org/files/relatedfiles/2018/150080/0004.JPG=KTML_Photo_Alt=کۆبوونەوەی لێپرسراوی مەکتەبی پەیوەندییە گشتییەکانی یەکێتی و کونسوڵی گشتیی تورکیا=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/150080/0004.JPG=KTML_Photo_End=
- #خەسرەو گۆران# دەڵێت، ئەوەی دوێنێ لە پەرلەمانی عێراق کرا پێشێلکاری دەستوور و یاسا بووە. دەشڵێت، پارتی دژی بڕیاری بە دەست ژماردنەوەی دەنگەکان نییە بەڵام دژی هەڵوەشاندنەوەی دەنگدانی تایبەت و دەنگی ئاوارەکانی نەینەوایە.[1]
- سەنتەری ڕاگەیاندنی جەنگی عێراق ڕایگەیاند بەهاوئاهەنگی لەگەڵ هێزەکانی پێشمەرگە توانیمانە سێ تیرۆریست لە پارێزگای #سلێمانی# دەستگیربکەن.[2]
- فڕۆکەجەنگییەکانی سوپای تورکیای داگیرکەر ئێوارەی ئەمڕۆ دەوروبەری کاتژمێر 17:40 جارێکی دیکە دەستیان بە بۆردومانکردنی گوندەکانی بناری #قەندیل# کردەوە.[3]
- یەکێتی و پارتی هەڵوەشاندنەی دەنگدانی تایبەتی لە هەرێمی کوردستان ڕەتدەکەنەوه و جەخت لەوەدەکەنەوە کە بەپێی دەستوور هەر هاوڵاتییەک مافی دەنگدانی هەیه و ناتوانرێ ئه و مافەی لێ زەوت بکرێت.[2]
$دەرەوەی کوردستان$
- ئەنجومەنی باڵای دادوەری ڕەزامەندی لەسەر جێبەجێکردنی ناوەرۆکی هەمواری سێیەمی یاسای هەڵبژاردنەکان دەردەبڕێت و ڕێوشوێنەکانیش بۆ ئه و مەبەستە دەگرێتەبەر.[2]
- وەزیری دارستان و ئاوی تورکیا ڕایدەگەیەنێت، سەرۆک کۆمار بڕیاریداوە بە دواخستنی وادەی پڕکردنەوەی #بەنداوی ئەلیسۆ# بۆ تەمووزی داهاتوو و دەشڵێت لەئێستادا ئاو بۆ عێراق بەردەدەینەوە.[2]
- باڵیۆزی تورکیا لە عێراق جارێکی دیکە دڵنیایی دایە هاوڵاتیان عێراق و ڕایگەیاند، هەماهەنگی دەکەن لەگەڵ حکومەتی عێراق تاوەکو بڕە ئاوی پێویست لە #بەنداوی ئەلیسۆ#وە بۆ ئه و وڵاتە بەربدرێتەوە.[2]
- کەنەدا مەشق و ڕاهێنانەکانی بە هێزەکانی پێشمەرگە ڕادەگرێت. سوپاسالاری ئەو وڵاتە دەڵێت، بۆ ئێستا تەنیا مەشق و ڕاهێنان بە سوپای عێراق دەکەین.[1]

ناوەندی ڕاگەیاند و چاپەمەنی هێزەکانی پاراستنی گەل-#هەپەگە#، ڕایگەیاند: لە 6-7ی حوزەیراندا، لە چوارچێوەی هەڵمەتی شۆڕشگێڕی شەهیدان پیرۆز و ئاگری، گەریلاکانیان لە پارێزگای جۆلەمێرگی باکوری کوردستان و بارزانی باشوری کوردستان چالاکیان قورسیان لە دژی هێزە داگیرکەرەکانی ئەرتەشی تورکیا ئەنجام داوە و بەهۆیانەوە لانی کەم 6سەربازی دوژمن کوژراون.
لە بارزان و جۆلەمێرگ گورزی قورس لە دوژمن دراوە و 5 سەرباز کوژراون
هەپەگە، ئاشکرای کردوە: لە ڕێککەوتی 6ی حوزەیراندا، سەعات 16:00ی پاشنیوەڕۆ، لە دژی سەربازانی داگیرکەر لە ماواتای سەر بە دەڤەری گۆڤەندی ناوچەی شەمزینانی جۆلەمێرگ، گەریلا چالاکیان ئەنجام داوە. بە هێندەی زانراوە، لە ئاکامی چالاکییەکەدا سەربازێک کوژراوە و یەکێکی دیکەش بریندار بووە. هەمان ڕۆژ لە سەعات 18:00ی ئێورەدا، لە دژی سەربازنی داگیرکەر لە گردی مەرگانیشی ناوچەی گەڤەری جۆلەمێرگ گەریلا چالاکیان ئەنجام داوە و تێیدا، سەنگەرەکانی دوژمن خاپور کراون و لانی کەم 4 سەرباز کوژراون.
لە برادۆست و بارزان باشوری کوردستان سەربازێک کوژراوە
لە سەعات :06:30ی سەرلەبەیانی 7ی حوزەیرانیشدا، هێزەکانی گەریلا لە گردی بەیراکی سەر بە دەڤەری برادۆست و بارزانی باشوری کوردستان، چالاکیان لە دژی هێزەکانی دوژمن ئەنجام داوە و بەهۆیەوە سەربازێک کوژراوە.
لە کەربۆران سەربازگەیەک کراوەتە ئامانجی چالاکی
هەپەگە بڵاویکردوەتەوە، لە سەعات 08:00ی شەوی 5ی حوزەیراندا، لە ناوچەی کەربۆرانی مێردین، گەریلا لە دژی سەربازیەکی ئەرتەشی تورک لە گوندی خەلیلا چالاکی ئەنجام داوە و بەهۆیەوە بارەگاکان و سەنگەرەکانی ناو سەربازگەکە گوزری زۆر قورسیان لێ دراوە و بەشێکیان خاپور کراون. بەڵام لە بارەی کوژراو و بریندارەکانی دوژمنەوە زانیاریەکی تەواو بە دەستنەخراوە. لە پاش چالاکییەکە ئەرتەشی تورکیا ئۆپەراسیۆنی ئەنجام داوە، بەڵام بێ ئەنجام کۆتایی هاتووە.
لە سەمسور ناوەندێکی وزەی کارەی ئەرتەش خاپور کراوە
هەپەگە درێژەی دەداتێ و ڕایدەگەیەنێت: لە ڕێککەوتی 30ی ئایاری ڕابردوو، لە گوندی کرۆڤای دەڤەری ئۆسمان سەبری پارێزگای سەمسور، گەریلا لە دژی سەنتراڵێکی وزەی کارەبا کە تایبەتە بە ئەرتەشی تورک چالاکییەکی مەزنی ئەنجام داوە و بەهۆیەوە سەنتراڵەکە بە تەواوەتی خاپور کراوە.[1]
#07-06-2018#