$باکووری کوردستان$
- ئەمڕۆ پارێزگاری تورک-ی #جولەمێرگ#، 30 ناوچەی لەو پارێزگایەدا وەک ناوچەی تایبەتی ئاساییش ڕاگەیاند و بۆ ماوەی 14 ڕۆژ هەموو جۆرە هاتوچۆیەکی تێیاندا قەدەغەکرد.[2]
- وتەبێژی ئەنجوومەنی پەیوەندییەکانی دەرەوەی پەکەکە ڕایدەگەیەنێت، ئێمە بێ منەتین و تورکیا لە هەر کوێ هێرش دەکات با بیکات، ئەمەش وەک وەڵامێک بۆ لێدوانێکی تەلەڤزیۆنی ڕەجەب تەیب ئەردۆغان، سەرۆک کۆماری تورکیا کە ڕایگەیاندبوو، سوپاکەی هێرشدەکاتە سەر قەندیل و شەنگال و مەخمور-یش.[3]
$باشووری کوردستان$
- فراکسیۆنی #پارتی دیموکراتی کوردستان# لە پەڕڵەمانی کوردستان پێیوایە لەو هەوڵانەی بۆ ڕەواندنەوەی گومانەکان لە ئەنجامی هەڵبژاردن دراون هەرێمی کوردستان کراوەتە ئامانج. هەروەها ڕایدەگەیێنێت، هەر هەوڵێک بۆ ڕەتکردنەوەی دەنگەکانی دەنگدانی تایبەت ڕەتدەکەینەوه و دژی هەر هەوڵێکیشین کە بۆ ئه و مەبەستە بدرێت و بە دژایەتی ڕاستەوخۆی هەرێمی کوردستان و هێزی پێشمەرگەی کوردستانی دەزانین.[1]
- سەرۆکی لیژنەی داکۆکی کردن لە مافەکانی ئافرەت ڕایدەگەیەنێت، وەزارەتی ئەوقاف بەرپرسە له و بێ ڕێزيانەی هەندێک مەلا لە کەناڵەکانی ڕاگەیاندنەوە بەرانبەر ئافرەتی کورد دەیکەن.[3]
- پۆلیسی #سلێمانی# ڕایدەگەیێنێت، شەوی ڕابردوو لە دوو ڕووداوی تەقەکردندا دوو کەس کوژران و دوو کەسی دیکەش برینداربوون.[1]
- #موراد قەرەیلان# ئەندامی کۆنسەی سەرۆکایەتی پەکەکە و فەرماندەی ناوەندی بڕیارگەی ناوەندی پاراستنی گەل 'نەپەگە' ڕایدەگەیەنێت، لە ماوەی دوو مانگدا گەریلاکانیان زیاتر لە 200 سەربازی تورکیایان لە سنووری #سیدەکان# کوشتوە، دەشڵێت حکومەتی هەرێم هەڵوێستی ئەرێنی نەبووە بەرانبەر هاتنی سوپای تورکیا بۆ سیدەکان.[3]
- فڕۆکەجەنگییەکانی سوپای تورکیای داگیرکەر بۆردومانی سنووری #ئاکرێ#یان کرد لە پارێزگەی دهۆکی باشووری کوردستان.[2]
- لە گوندێکی شارۆچکەی #خورماتوو# بەهۆی تەقینەوەی بۆمبێکی چێندارو بە ئۆتۆمبیلێکی سەربازیدا، سەربازێک بریندربوو، سەرچاوەیەکیش دەڵێت جموجۆڵی #داعش# لە ناوچەکە دەرکەوتووەتەوە.[3]
- ئەمشەو، دوو تەقینەوە لە دوو گەڕەکی جیاوازی #کەرکووک# ڕویانداوە و بەهۆیەوە کەسێک گیانی لەدەست دا و 18 کەسیش برینداربوون.[3]
$رۆژئاوای کوردستان$
- لە کاتژمێر18:00 لە ناوچەی تەل ڕەفعەت-ی کانتۆن-ی #شەهبا# مینێک-ی چەتەکانی سوپای تورکیای داگیرکەر بە بنەمالەیەکی #عەفرین#-یدا تەقییەوە و لە ئەنجامدا 6 هاووڵاتی شەهید بوون و 4 هووڵاتی دیکەش برینداربوون.[2]
$دەرەوەی کوردستان$
- کۆمەلیک لە چالاکوانانی سیاسی، مەدەنی، ڕۆشنبیر، مامۆستای زانکۆ، ئەندامانی ڕێکخراوەمەدەنییەکان کە لە نەتەوەکانی ئێران پێک دێن هەستاون بە ڕاگەیاندنی کەمپەینێک بە ناوی نا بۆ سێدرارە لە ئێران، و داوا لە تەواوی چین و تۆێژەکان بە هەر بیر و باوەڕی سیاسی جیاوازەوە دەکەن کە خاوەنداریەتی لەم کەمپەینە بکەن و بەشداری چالاکانەی تێدا بکەن.[2]
- سەرۆک کۆماری تورکیا ڕایدەگەیەنێت، ئەگەر بەغدا چارەسەری #پەکەکە#ی پێنەکرێت، ئەوا مۆڵەت لە کەس وەرناگرن و هێرشدەکەنە سەر #شەنگال# و #قەندیل# و #مەخمور#.[3]
- هاوپەیمانی فەتح، سەرۆکایەتی هادی عامری ڕایدەگەیەنێت، ئەژمارکردنەوەی دەنگەکان بە دەست، ئەنجامەکانی هەڵبژاردنی پەڕڵەمان هەڵدەگێڕێتەوە، بەتایبەت لە پارێزگای #کەرکووک# و هەرێمی کوردستان.[3]
- کۆبوونەوەی چوارقۆڵی نێوان ئێراق و ئێران و سووریا و ڕووسیا بە سەرپەرشتی بەڕێوەبەری دەزگای سیخوڕی سەربای ئێراق لە شاری بەغدا بەڕێوەچوو و تێیدا چەندین پرسی تایبەتی ئاساییش تاوتوێکران.[3]

ناوەندی ڕاگەیاندنی هێزەکانی پاراستنی گەل - #هەپەگە# ڕاگەیەندراوێکی بڵاوکردەوە و دەربارەی دوایین چالاکییەکانی گەریلا زانیاری دا:
هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، 6ی حوزەیران\16ی جۆزەردان لەسەر ڕێگەی جۆلەمێرگ - چەلێ لە دژی سوپای کۆماری تورکیای داگیرکەر چالاکییەکی بەرفرەوانیان ئەنجامدا. لە چالاکییەکەدا زۆر سەرباز کوژران:
لە ئەنجامی چالاکییەکانی بەرفرەوان لە جۆلەمێرگ 15 سەرباز کوژران
هێزەکانمان کاتژمێر 21:30 لە مەیدانی کانی ئۆرێی نێوان جۆلەمێرگ و چەلێ، لە دژی کاروانێکی سەربازیی داگیرکەران چالاکییەکیان ئەنجامدا. هێزەکانمان سەرەتا لە دژی ئۆتۆمبێلێکی زرێپۆشی جۆری کیرپی کە لەنێو کاروانەکە بوو، چالاکییەکیان ئەنجامدا و ئۆتۆمبێلەکەیان بەتەواوی تێکشکاند. بەهۆی کاریگەری تەقینەوەکە، ئۆتۆمبێلەکانی دیکە کۆنتڕۆڵیان لەدەستدا و لە ڕێگە لایاندا. هێزەکانمان لە شوێنێکی نزیکەوە گورزیان لە هەموو ئۆتۆمبێلەکان دا. لەم چالاکییە بەرفرەوانەدا، 15 سەربازی دوژمن کوژران و زۆر سەربازیش بریندار بوون. هێزەکانی داگیرکەر لە دوای چالاکییەکە بە کۆپتەری جۆری کۆبرا بۆمبارانی دەوروبەریان کرد. هێزەکانی داگیرکەر کە لە هەرێمەکە دەستیان بە ئۆپەراسیۆن کرد، بەیانیی 7ی حوزەیران\17ی جۆزەردان پاشماوەی ئۆتۆمبێلە تێکشکاوەکان و تەرمەکان و بریندارەکانی خۆیان گواستەوە. ئۆپەراسیۆن هەمان ڕۆژ بەبێ ئەنجام کۆتایی پێهات.
لە قابلجەوزێ 2 سەرباز کوژران و 4 کۆنترا بریندار بوون
سوپای کۆماری تورکیای داگیرکەر ماوەیەکە لە مەیدانی قابلجەوزێی سەر بە ئێلیح بە پشتیوانی یەکینە نهێنییەکان کەمین دادەنێت. هێزەکانمان ڕۆژی 4ی حوزەیران لە دەوروبەری گوندی سێبەنە چاودێریی یەکینەیەکی نهێنیی دوژمنیان کرد. دوای ماوەیەک، کاتژمێر 19:30 لەنزیکەوە لە یەکینەکەی دوژمنیان دا. لە ئەنجامدا 2 سەرباز کوژران و 4 کۆنترا (دژە گەریلا)ش بریندار بوون. هێزەکانی داگیرکەر لە دوای چالاکییەکە، دەستیان بە ئۆپەراسیۆن کرد و تا ئێستاش بەردەوامە.
کۆنترایەک سزا درا
کەسێک بە ناوی موستەفا گونەر کە ماوەیەکی درێژە لەگەڵ هێزەکانی داگیرکەر کاری کۆنترا (دژە گەریلا) دەکات، 6ی حوزەیران کاتژمێر 23 لە مەیدانی دۆڵی ماسیرۆ-ی ناوچەی ئەلباکی وان لە لایەن هێزەکانمانەوە سزا درا.
بۆردومانی فڕۆکەجەنگییەکان
فڕۆکەجەنگییەکانی سوپای کۆماری تورکیای داگیرکەر، 7ی حوزەیران لەنێوان کاتژمێر 17:00 - 18:00 بۆردومانی هەرێمەکانی پاراستنی مەدیایان کرد. فڕۆکەجەنگییەکانی تورکیا دەوروبەری گوندی بێپالای هەرێمی قەندیل، دەوروبەری گردی کارکەر لە هەرێمی زاپ و هەرێمی خواکورکیان بۆردومان کرد. بەهۆی بۆردومانەکە لە هەرێمی خواکورک ئاگر کەوتەوە.[1]
#08-06-2018#