$باکووری کوردستان$
- #کەجەکە# دەربارەی هێرشە داگیرکارانەکەی سوپای تورکیا بۆسەرباشووری کوردستان لێدوانێکی نوسراویان بڵاوکردەوە و تێیدا داوای لە حکومەتی هەرێم، هەموو هێزە کوردیەکان بە گشتیی و داوای لە #پارتی دیموکراتی کوردستان# - پەدەکە کرد کە دژبەو داگیرکارییە هەڵوێست بگرێت.[2]
- #سەڵاحەدین دەمیرتاش#، کاندیدی #هەدەپە# بۆ هەڵبژاردنی سەرۆکایەتی تورکیا لەرێگەی تویتەرەوە هێرشێکی توندی کردەسەر نەیارەکانی و نوسیوێتی خەڵک تەوالێتەکان پاک دەکەنەوە، خەم مەخۆن دەچن بۆ شوێنی شیاوی خۆتان.[1]
$رۆژهەڵاتی کوردستان$
- ڕێوڕەسمێک بۆ یادکردنەوەی دوکتور محەمەد ساڵح ئیبراهیمی ناسراو بە شەپۆل لە شاری #سنە# بەڕێوە چوو.[6]
$باشووری کوردستان$
- بەرەبەیانی ئەمڕۆچەکدارانی #داعش# هێرشیانکردوەتە سەر هەردوو لیوای ئیمام عەلی و لیوای 16ی حەشد لە گوندی قەرەتەپە لەنزیک ناحیەی یایچی. بەهۆی هێرشەکەوە 2 چەکداری #حەشدی شەعبی# کوژراون و 4ی دیکەش برینداربوون.[1]
- بەرەبەیانی ئەمڕۆ چەکدارانی داعش هەڵیانکوتاوەتە سەر گوندێکی کاکەیی لەسنوری قەزای #داقوق# و هاووڵاتیەکیان بەناوی (فەرهاد ئاغا) ڕفاندووە.[1]
- #ڕێباز حەملان#، وەزیری دارایی و ئابووری حکومەتی هەرێمی کوردستان ڕایگەیاند پێش جەژنی ڕەمەزان تەواوی مووچەی مووچەخۆران بە پێشمەرگەشەوە دابەش دەکەین.[3]
- تەلەڤزیۆنەکەی #مەلا مەزهەر خۆراسانی# دوای پڕکردنەوەی بەڵێننامە، کرایەوە.[4]
- ژمارەیەک گەنجی شاری هەولێر، دژی لێدوانێکی #ئایدن مەعروف#، پەرلەمانتاری بەرەی تورکمانی لە پەرلەمانی هەرێم، کە لە پایتەختی هەرێمی کوردستانەوە #پەکەکە#ی بە تیرۆریست ناوبردووە، هەڵمەتێکیان لە تۆڕە کۆمەڵایەتییەکان دەستپێکردووە.[5]
$رۆژئاوای کوردستان$
- ئاژانسی هاوار بڵاوی کردەوە، کە سوپای تورک و چەتەکانی سەربە سوپای تورک لە گوندەکانی کانتۆنی #عەفرین# نۆ هاوڵاتیان ڕفاندوە، بەرامبەر بەردانی چوار هاوڵاتیان داوای پارە دەکەن، بەڵام چارەنوسی پێنج هاوڵاتییەکەی دیکە دیار نییە.[5]
$دەرەوەی کوردستان$
- نوێنەری کەندا لە هاوپەیمانی نێودەوڵەتی دژ بە داعش ڕەتیدەکاتەوە بڕیاری کشانەوەی هێزەکانیان لە هەرێمی کوردستاندا بێت.[1]

ناوەندی ڕاگەیاندنی هێزەکانی پاراستنی گەل - #هەپەگە# ڕاگەیەندراوێکی بڵاوکردەوە و ئاشکرای کرد کە هێزەکانی گەریلا لە هەرێمی برادۆستی سیدەکان هێرشیان کردۆتە سەر یەکەیەکی شاراوەی هێزەکانی تورکیای داگیرکەر. هەپەگە ئاماژەی بۆ ئەوەش کردووە، هێزەکانی گەریلا لە چەولیک دژی 2 بنکەی سەربازیی سوپای تورکیا چالاکییان ئەنجامداوە.
هاوکات هەپەگە ڕایگەیاند، سوپای تورکیای داگیرکەر لە دژی قەندیل هێرشێکی بەرفرەوانی ئاسمانی ئەنجامداوە و بەم هێرشە ئاسمانییانە دەیانەوێت خەڵک ناچار بکەن ئه و هەرێمانە چۆڵ بکەن، بەڵام هێرشەکانی داگیرکاری بە ئەنجام ناگەن.
دەقی ڕاگەیەندراوی هەپەگە:
لە برادۆست هێرشکرایە سەر یەکەیەکی شاراوە
لە چوارچێوەی هەڵمەتی شۆڕشگێڕیی شەهید ئاگری و شەهید پیرۆزدا، هێزەکانمان 10ی حوزەیران\20ی جۆزەردان کاتژمێر 9:30 لە دۆڵی عەلی درێژ-ی هەرێمی برادۆستی سەر بە دەڤەری سیدەکانی باشووری کوردستان، لە دژی یەکەیەکی شاراوەی سوپای تورکیای داگیرکەر چالاکییەکیان ئەنجامدا. لەم چالاکییەدا ژمارەی کوژراو و بریندارەکان ڕوون نەبوویەوە.
لە ناوچەی چەرمێی چەولیک 4 سەرباز کوژران و 2ی دیکەش بریندار بوون
ڕۆژی 8ی حوزەیران\18ی جۆزەردان کاتژمێر 16:20 هێزەکانمان لە سەربازگەی فەمێی ناوچەی چەرمێی چەولیک لە دژی گرووپێکی سەربازی چالاکییەکیان ئەنجامدا. لەنزیکەوە لە یەکەکەی دوژمن درا و 4 سەرباز کوژران و 2ی دیکەش بریندار بوون. سوپای تورکیای داگیرکەر لە دوای چالاکییەدا کوژراو و بریندارەکانی خۆی بە کۆپتەری سکۆرسکی و کۆبرا لە هەرێمەکە گواستەوە و ئۆپەراسیۆنێکی دەستپێکرد. ئەم ئۆپەراسیۆنە ڕۆژی 9ی حوزەیران کاتژمێر 14:00 بەبێ ئەنجام پاشەکشەی کرد.
بەسەرکەوتوویی لە سەربازگەی ئانیتەپە درا
ڕۆژی 9ی حوزەیران\19ی جۆزەردان کاتژمێر 21:45 هێزەکانمان لە دژی سەربازگەی ئانیتەپەی ناوەندی چەولیک چالاکییەکیان ئەنجامدا. بەسەرکەوتوویی لە سەنگەرەکانی دوژمن درا و ئەوەندەی ڕوون بوویەوە سەربازێک کوژرا. سوپای تورکیای داگیرکەر ڕۆژی 10ی حوزەیران کاتژمێر 5:30 لە هەرێمەکە ئۆپەراسیۆنێکی دەستپێکرد و لە هەمان ڕۆژ و شەودا بەبێ ئەنجامی پاشەکشەی کرد.
هێرشی ئاسمانی لە دژی قەندیل
ڕۆژی 10ی حوزەیران\20ی جۆزەردان لەنێوان کاتژمێر 11 و 12، فڕۆکەجەنگییەکانی سوپای تورکیای داگیرکەر هێرشێکی بەرفرەوانی ئاسمانییان لە دژی هەرێمەکانی پاراستنی مەدیا لە قەندیل ئەنجامدا. فڕۆکە جەنگییەکان بۆردومانی گوندی بێتالا، دۆڵی بەدران، سورەدێ و دەرەشێی سەر بە دەڤەری قەڵاتووکان، گردی شێخ ناسری سەر بە دۆڵی باڵەییان، گردی شەهید جیهان، گوندی کۆزینە، گوندی بۆکریسکان، دۆڵی زارگەلی و ناوچەی تەپێ هیوایان کرد.
سوپای تورکیای داگیرکەر دەیەوێت به بابەتی داگیرکردنی هەرێمی قەندیل گوندنشینانی هەرێمەکە بترسێنێت و وایان لێ بکات هەرێمەکە چۆڵ بکەن. لە ئەنجامی ئەم هێرشانەدا چەندین ڕەز و باخی گوندنشینان زیانیان پێگەیشتووە.
لە لایەکی دیکەوە هێزەکانی داگیرکەر کە لە بەرانبەر گەریلاکان ناتوانن شەڕ بکەن، بە هێرشی ئاسمانی پیشانی خەڵکی دەدەن کە ئەوان ئەنجامیان بەدەستهێناوە و لە چوارچێوەی شەڕی تایبەت و دەروونیدا بە هەواڵی درۆ پڕوپاگەندە دەکەن. داگیرکاریی سەر باشووری کوردستان لە 14ی کانوونی یەکەمی 2017 لە هەرێمی برادۆستی دەڤەری سیدەکان دەستیپێکرد. لەم هەرێمە گەریلاکانمان لە ڕۆژی سەرەتاوە بەرخۆدان دەکەن و گورزی توندیان لە داگیرکەران داوە. ئه و دیمەنانەی کە لە گەریلا تی ڤی بڵاودەکرێنەوە، زیندووترین بەڵگەی بەرخۆدانی گەریلاکانە. لە بەرانبەر بەرخۆدانی گەریلا، داگیرکەران هەرگیز سەرناکەون و تێکدەشکێن.[1]
#11-06-2018#