$باکووری کوردستان$
- ئۆپراسیۆنەکانی سوپای تورکیای داگیرکەر لە گابار، #جودی#، بەستا و کاتۆی ژیرکا لە پارێزگای #شرناخ# بەرفراوان کران و بەردەوامییان هەیە. سوپای تورکیا لە چەندین ناوچە ئاگری بەرداوەتە دارستانەکان.[2]
- دادگای سزای قورسی #ئامەد#، کە پێشتر بڕیاری ئازادکردنی #لەیلا گوڤەن#، هاوسەرۆکی کۆنگرەی کۆمەڵگەی دیموکرات- کەجەدە و پەرلەمانتاری #هەدەپە#-ی دابوو، بڕیارەکەی گۆڕی و ماوەی مانەوەی لە زیندانی درێژکردەوە.[2]
$رۆژهەڵاتی کوردستان$=KTML_Photo_Begin=https://www.kurdipedia.org/files/relatedfiles/2018/151186/0011.JPG=KTML_Photo_Alt=سنە: تانکەرێکی نەوت بووە هۆی گیانلەدەستدانی 13 کەس=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/151186/0011.JPG=KTML_Photo_End=
- درەنگانی شەوی ڕابردوو لە نزیک ترمیناڵی #سنە#، تەنکەرێکی نەوت هەڵگری باشووری کوردستان و پاسێک تامپۆنیان کرد و بەهۆیەوە زۆرتر لە 13 کەس گیانیان لەدەستدا. پارێزگای سنە 3 ڕۆژ ماتەمینیی ڕاگەیاند.[1]
- سەرچاوەیەک لە #پیرانشار#ی ڕاگەیاند، کاژێر 20:30 لە پیرانشار تەقە لە کەسێک بەناوی #حوسێن شوانکارە#، ئەندامێکی ناسراوی سوپای پاسدارانی ئێران کراوە و بەهۆی سەختی برینەکەیەوە گیانی لەدەستداوە.[5]
- سێ هاووڵاتیی کورد، بە ناوەکانی عەتا فەتاحی کوڕی محەممەد، خەڵکی گوندی سەردۆش، وریا فەرەجی تەمەن 31 ساڵ، کوڕی عەبدوڵڵا، خەڵکی گوندی نێ و هوشیاری کەسرایی تەمەن 41 ساڵ، کوڕی ڕەشید خەڵکی گوندی نێ، لە لایەن هێزە ئیتلاعاتییەکانی شاری #مەریوان#ەوە دەسبەسەر کران.[6]
$باشووری کوردستان$
- لە کۆنگرەیەکی ڕۆژنامەوانیدا بەڕێوەبەری گشتی ئۆفیسی #هەڵەبجە#ی کۆمسیۆنی هەڵبژاردنەکان و ڕاپرسی هەرێمی کوردسان ئاشکرایکرد، بۆ هەڵبژاردنەکانی 30ی ئەیلول سنوری پارێزگای هەڵەبجە وەک پارێزگایەکی سەربەخۆ بەشداری هەڵبژاردنەکان دەکات و هەر لە هەڵەبجە پڕۆسەی جیاکردنەوه و ژماردنی دەنگەکان ئەنجامدەدرێت.[3]
- بەپێی ماددەی یەکەم و دووەمی پرۆژەیاسای سەرۆکایەتی هەرێم کە بەشێک لە ماددەکانی لەدانیشتنی ئەمڕۆی پەرلەمانی کوردستان پەسەندکرا، هەڵبژاردنی سەرۆکایەتی هەرێم ئەنجامنادرێت.[3]
- وەکو پەیامێک بۆ پەرلەمان و حکومەتی هەرێمی کوردستان، ئەمڕۆ ژمارەیەک خاوەن پێداویستیی تایبەت لەبەردەم لقی پەرلەمانی #سلێمانی#، کورسییەکانی کەمئەندامی و گۆچانەکانیان سووتاند.[4]=KTML_Photo_Begin=https://www.kurdipedia.org/files/relatedfiles/2018/151186/0013.JPG=KTML_Photo_Alt=خاوەن پێداویستییە تایبەتەکان لە سلێمانی کورسی و گۆچانەکانیان سووتاند=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/151186/0013.JPG=KTML_Photo_End=
- وتەبێژی نوسینگەی سەرۆک وەزیرانی عێراق ڕایدەگەیەنێت، حکومەتی فیدڕاڵی پابەند دەبێت بە ناردنی موچەی مانگانەی فەرمانبەرانی هەرێمی کوردستان، دەڵێت لە مانگی ئازارەوە مانگانە بڕە پارەکەی بۆ هەرێم دەنێرن.[3]
- ئەندامێکی ئەنجومەنی نوێنەرانی عێراق ڕایدەگەیەنێت، کە دەوڵەتی تورک هێزێکی 500 چەکداریی بۆ تورکمانەکانی کەرکووک دورستکردووە و سەرجەم چەکدارەکانیش لەلایەن ئەو دەوڵەتەوە ڕاهێنانیان پێ دەکرێت.[4]
- بەهۆی بەهەڵە داڕشتنەوەی پرسیارەکانی وانەیەکی پۆلی شەشەمی زانستی خوێندنی کوردی لە #کەرکووک# بۆ ماوەی کاتژمێر و نیوێک خوێندکاران هۆڵەکانی تاقیکردنەوەیان بەجێهێشت، بەڕێوەبەری خوێندنی کوردیش دەڵێت لەئێستادا پرسیارەکان چارەسەرکراون و هەر خوێندکارێکیش نەگەڕاوەتەوە هۆڵەکانی خوێندن بە دواخستنی ماددەکە بۆی هەژماردەکرێت.[3]
- کاتژمێر 11ی شەو تەرمی کچێکی تەمەن 15 ساڵ بەناوی (ڕ.ز.ق) دانیشتوی شارەدێی #چوارقوڕنە# سەربە شرۆچکەی #ڕانیە#، کە پیشەی خوێندکارە بە سوتاویی گەیەندراوەتە نەخۆشخانەی گشیی ڕانیە.[2]
- شەوی ڕابردوو چەکدارانی #داعش# لەسەر ڕێگەی دووبز - کەرکووک، هێرشیانکردە سەر چەند پاسەوانێکی بۆری نەوت و بەو هۆیەشەوە سێ پاسەوان کوژراون و‌ سێی دیکەش برینداربوون.[3]=KTML_Photo_Begin=https://www.kurdipedia.org/files/relatedfiles/2018/151186/0017.JPG=KTML_Photo_Alt=کەمپەینی سەگەکان مەکوژن لە سلێمانی=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/151186/0017.JPG=KTML_Photo_End=
- ڕێکخراوی سرووشتی کوردستان لەپارکی ئازادی سلێمانی گردبوونەیەکی ناڕەزایی دژی کوشتن و لەناوبردنی سەگەکان ئەنجامدا، داوا دەکەن لەمەودوا سەگە بەڕەڵاکان نەکوژرێن و لەنێو نەبرێن، بەڵکو شوێنی پارێزراویان بۆ دابینبکرێت.[5]
$رۆژئاوای کوردستان$
- چەتەکانی سوپای تورکیای داگیرکەر 10 هاووڵاتیی گوندی کۆباکای ناوچەی ماباتای کانتۆی #عەفرین#یان بە پاساوی ئەوەی کاری خراپیان کردووە و ماڵی هاووڵاتییانیان تاڵانکردووە، ڕفاند. ناوی هاووڵاتییە ڕفێندراوەکان بریتین لە: 1 – محەمەد نور ئیبراهیم تەمەن 55 ساڵ، 2- عینایەت حەمۆ کوڕی حەنان تەمەن 55 ساڵ، 3 – مەنان عینایەت حەمۆ تەمەن 30 ساڵ، 4 - حەسەن حەمۆ کوڕی ڕەشید تەمەن 46 ساڵ، 5 – مستەفا محەمەد سلێمان تەمەن 43 ساڵ، 6 – فازیل حەسەن یاسین تەمەن 31 ساڵ، 7 - کەنجۆ حەسەن کوری موختار تەمەن 55 ساڵ، 8 – مستەفا حەسەن کوڕێ شێخۆ تەمەن 30 ساڵ، 9 – عابدین حەسەن کوڕی موختار تەمەن 58 ساڵ، 10 – گیولگیول حەمۆ کوڕی حەنان تەمەن 51 ساڵ.[2]=KTML_Photo_Begin=https://www.kurdipedia.org/files/relatedfiles/2018/151186/0015.JPG=KTML_Photo_Alt=سوپای تورکیای داگیرکەر گوندەکانی عەفرین تۆبباران دەکات=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/151186/0015.JPG=KTML_Photo_End=
- سوپای تورکیای داگیرکەر وچەتەکانی لە دەورووبەری کاتژمێر 16:42 خولەکدا گوندی بەینێ-ی ناوچەی شێراوای عەفرین-یان تۆپباران کردووە. بە هۆی ئەو تۆپبارانانەوە زەوییە کشتووکاڵییەکانی هاووڵاتیان سووتاوە.[2]
$دەرەوەی کوردستان$
- ناڕەزایەتییەکان لە دژی ڕادەستکردنی #گولیزار تاشدەمیر# چالاکوانی کورد بە تورکیا بەردەوامیی هەیە. لە دژی حکومەتی ئۆسلۆ بۆ پشتیوانیکردن لە تاشدەمیر تێکۆشانی یاسای و خۆپیشاندانی ناڕەزایەتی و کەمپەینی واژۆ کۆکردنەوە دەستیان پێکردووە.[2]
- عەلی موتەهەری، جێگری سەرۆکی پەرلەمانی ئێران ڕایگەیاند، تاران بە داخستنی گەرووی هۆرمۆز وەڵامی گوشارەکانی ئەمریکا دەداتەوە و ڕێگە نادات لەوێوە نەوت هەناردە بکرێت.[3]