بافڵ جەلال تاڵەبانی سەرۆکی #یەکێتیی نیشتمانیی کوردستان# پەیامێک ئاڕاستەی هاووڵاتیانی دەڤەری ڕاپەڕین دەکات و وێڕای سوپاسگوزاری زۆر، داوای لیبوردنیان لێدەکات کە بەهۆی قەرەباڵغی بێشومار و گرفتی تەکنیکییەوە نەیانتوانیوە گوێبیستی وتەکانی ببن و پێیان دەڵێت: ئەوەی وتومانە جێبەجێی دەکەین.
سەرۆکی یەکێتیی نیشتمانیی کوردستان ڕایدەگەیەنێت: لەهیچ وێستگەیەکدا جێتانناهێڵم و پێکەوە کۆتایی بە خۆسەپێنی دەهێنین، وەکچۆن ئێستا جۆشوخرۆشتان نەیارانی تۆقاندووە و دەنگی زوڵاڵی ئێوە ترسی لەدڵی هەموویاندا چاندووە.
=KTML_Bold=دەقی پەیامەکە=KTML_End=
هاوڵاتییانی خۆشەویست و سەربەرزی دەڤەری ڕاپەڕین. لە قووڵایی دڵمەوە سوپاسگوزاری دڵسۆزی و جۆشوخرۆشی یەکێتییانەتانم، هاتن و ئامادەبوونتان گەورەیی بوو بۆ ئێمە و شانازی بەهەمووتانەوە دەکەم.
نزیکی و قسەکردن لەگەڵ ئێوە شەرەفێکی گەورەیە و دەمویست زیاتر لەگەڵتاندابم، بابەتی جیاوازتر باسبکەم و زۆرتر لەگەڵتاندا بمێنمەوە. بەڵام بەهۆی قەرەباڵغیی بێشومار و جۆشوخرۆشی ئێوەی خۆشەویستەوە، ژمارەیەک لە ئازیزانمان ئازاریان پێگەیشت و لەبەر سەلامەتیی هەموولایەک، وتارەکەمان کورتکردەوە تاوەکو هیچ ئازیزێکیترمان تووشی نارەحەتی نەبێت.
سەلامەتی و تەندروستیی ئێوە بۆ ئێمە هەمووشتێکە، بۆیە دەستبەجێ تیمەکانی خۆم ڕاسپارد تاوەکو لەنزیکەوە ئاگاداری دۆخی تەندروستیی ئەو ئازیزانە بن و لەگەڵیان بمێننەوە تاوەکو لە تەندروستییان دڵنیا دەبین.
هەروەها داوای لێبوردن لە هەموو ئەو خۆشەویستانە دەکەین کە بەهۆی گرفتی تەکنیکییەوە نەیانتوانی گوێبیستی وتەکانمانبن، بەڵام دڵنیاییان دەدەینێ ئەوەی وتومانە و دەیڵێین، جێبەجێی دەکەین.
=KTML_Bold=جەماوەری خۆشەویست و سەربەرز=KTML_End=
پەرۆشی و هەوڵی دڵسۆزانەتان بۆ سەرخستنی لیستی یەکێتیی نیشتمانیی کوردستان لەبیرناکرێت، سوپاسی ئامادەیی و پشتیوانیتان دەکەین. دەیڵێمەوە و دڵنیاتان دەکەم من برای ئێوەم و بۆ هەمیشە پاڵپشت و پشتیوانتان دەبم، لەهیچ وێستگەیەکدا جێتانناهێڵم و پێکەوە کۆتایی بە خۆسەپێنی دەهێنین، وەکچۆن ئێستا جۆشوخرۆشتان نەیارانی تۆقاندووە و دەنگی زوڵاڵی ئێوە ترسی لەدڵی هەموویاندا چاندووە. [1]
دڵسۆزتان
#بافڵ تاڵەبانی#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=