باکووری کوردستان
- عومەر یلدرم هاوسەرۆکی پارتی دیموکراتیکی گەلان - هەدەپەهەدەپە، لەناوچەی هەواگێ-ی ڕەحا لەلایەن پۆلیسی تورکەوە دەستگیرکرا و ڕەوانەی بەندیخانەکرا.[4]
رۆژهەڵاتی کوردستان
- کۆڵبەرێکی کورد بە ناوی بەختیار حەسەنی کوڕی ئەحمەد، خەڵکی گوندی بلەسەن سەر بە شاری بانەبانە، بە تەقەی ڕاستەوخۆی هێزە نیزامییە حکوومەتییەکان لە سنووری هەنگەژاڵ گیانی لە دەست دا.[2]
- سەحەر کازمیسەحەر کازمی، چالاکی مەدەنیی خەڵکی شاری سنەسنە، لە لایەن دادگای ئینقلابی ئەم شارەوە بە 5 ساڵ زیندان مەحکووم کرا.[2]
- شەپۆلێکی نوێی سەرماوسۆڵە و بەفربارین لە ڕۆژی هەینییەوە جارێکی دیکە ڕۆژهەڵاتی کوردستانی گرتووەتەوە و بەفرێکی زۆر بەتایبەت دوو پارێزگەی ورمێورمێ و سنەی سپیپۆش کردووە. بەهۆی بەرفربارینەوە ئەمڕۆ قوتابخانەکانی زۆربەی شار و گوندەکانی ئەو دوو پارێزگەیە داخراون. بەگوێرەی ڕاگەیاندنی پەروەردەی پارێزگای سنە ئەمڕۆ شەممە 16-02-2019 هەموو قوتابخانەکانی شار و گوندەکان لە بانە، سەقزسەقز و دیواندەرەدیواندەرە هەروەها ناوچەکانی زێویە، کەڵاتەرزان، سەرشیو، کۆماسی و جانەوەرەش داخراون. ڕێگای پەیوەندیی زیاتر لە 150 گوند لە ناوچەکانی مەریوانمەریوان، بانە و سەقزیش داخراون.[3]
باشووری کوردستان
- گوتەبێژی میحوەری (باکووری عێراق)ی حەشدی شەعبیحەشدی شەعبی ڕایگەیاند، تاوەکو ئێستا حەشدی شەعبی لە سنووری خورماتووخورماتوو و هیچ ناوچەیەکی دیکە نەکشاوەتەوە و هیچ گفتوگۆیەکیشی لەوبارەوە نەکردووە.[3]
- ئاستی ئاوی بەنداوی دوکانبەنداوی دوکان گەیشتووەتە زیاتر لە 505 مەتر لەئاستی ڕووی دەریا، بەڕێوەبەری بەنداوەکەش دڵنیایی دەدات کە زۆربوونی ئاوەکە زیانی بۆ ناوچە گەشتیارییەکان نابێت.[5]
- ئەنجومەنی سەرکردایەتی یەکێتیی بە کۆی دەنگ بڕیاریداوە بە دوورخستنەوەی نەجمەدین کەریمنەجمەدین کەریم، ئەندامی مەکتەبی سیاسی یەکێتی لە حیزبەکە.[5]
- ئەنجومەنی سەرکردایەتی یەکێتیی بڕیاریداوە بە دانانی لەتیف شێخ عومەرلەتیف شێخ عومەر، وەک وتەبێژی نوێی یەکێتیی.[5]
- دوای وەرگرتنی مۆڵەت لە لایەنە پەیوەندیدارەکانی شاری خانەقینخانەقین و پارێزگاری دیالە، تەڤگەری ئازادیی کۆمەڵگەی کوردستانتەڤگەری ئازادیی کۆمەڵگەی کوردستان بە ئامادەبوونی هاوسەرۆکی گشتی و ئەندامان ولایەنگرانی بەفەرمی بارەگای خۆی لە خانەقین کردەوە.[4]
رۆژئاوای کوردستان
- شەڕڤانشەڕڤانانی هێزەکانی سوریای دیموکرات دوا پێگەی داعشداعشیان کۆنترۆڵکردەوە و هەسەدەش ڕایدەگەیەنێت: لەنزیکترین کاتدا مژدەی سەرکەوتن ڕادەگەیەنن.[1]
- چیا فوراتچیا فورات، فەرماندەیەکی هێزەکانی سوریای دیموکرات- قەسەدە، لەسەر کۆتا قۆناغی شەڕی کۆتایی هێنان بە تیرۆر لە هەنگاوی گەردەلوولی جزیرە، لە دێرەزۆر کۆنگرەیەکی ڕۆژنامەنووسیی بەڕێوەبرد. چیا فرات ڕایگەیاند: لە باخۆزی سەروو چەتەکانی داعش گەمارۆ دراون و لە مەودایەکی 600 بۆ 700 مەتر ماونەتەوە، بەهۆی ئەوەی چەتەکان خەڵکی سڤیل وەک قەڵغان بەکار دێنن، هێزەکانمان بە ئارامی پێشڕەوی دەکەن.[5]
- لەناوچەی باغوزی ڕۆژهەڵاتی فورات لەسوریا، لەلایەن شەڕڤانان 10 شەڕڤان کەلەلایەن داعشەوە بەدیلگیرابوون ڕزگارکران.[7]
دەرەوەی کوردستان
- زۆرینەی سەرچاوە کوردییەکان بڵاویانکردەوە کە دکتۆر کەمال مەزهەر ئەحمەدکەمال مەزهەر ئەحمەد، مێژوونوسی ناوداری کورد، لە شاری بۆن ئەڵمانیا کۆچی دواییکردووە، بەڵام پاشتر ئەم هەواڵە بەدرۆ خرایەوە.[1]
- لە زۆریک لە شارەکانی ئەوروپاوەپاوە دەیان هەزار کەس ڕوویان لە ستراسبۆرگ کرد. جەماوەری گەل دروشمەکانی ئازادی بۆ ئۆجالان و لەیلا گیوڤەنلەیلا گیوڤەن شکۆ و کەرامەتمانە دەڵێنەوە.[4]
- دەیان سیناتۆر و پەرلەمانتاری فەرەنسی داوایانکرد، حکومەتی فەرەنسا بە خێرایی لە ئەنجوومەنی ئاسایشی نەتەوە یەکگرتووەکاننەتەوە یەکگرتووەکان خاوەنداری لە ڕۆژئاوا بکات، کە تورکیا کردوویەتییە ئامانج و خاوەنداریش لە بەرخودانی ژنانی کوردی مانگرتوو بکات.[4]
- ئەنگێلا مێرکڵ ڕاوێژکاری ئەڵمانیا لەسەر کشانەوەی هێزەکانی ئەمریکا لە سوریا هۆشداریی داوە و ڕایگەیاندووە: کشانەوەی هێزەکانی ئەمریکا لە سوریا دەبێتە هۆی بەهێز بوونی ئێران و ڕوسیا لە ناوچەکە، هاوکات جێگری سەرۆکی ئەمریکا ڕایگەیاند، ئەمریکا هەروا دەستبەرداری چەتەکانی داعش نابێت.[6]
- ئەردۆگانئەردۆگان ڕایگەیاند: بەهیچ شێوەیەک لە بڕیاری کڕینی سیستمی موشەکی ئێس 400ی ڕوسی ناکشێینەوه و هیچ فشارێکیش له و بارەیەوە کاریگەری نابێت.[7]
- لە لێدوانێکی هاوبەشدا، 12 تۆڕ و هاوپەیمانیی عێراقیی، داوای ئازادکردنی چالاکوانانی بادینان دەکەن و دەڵێن، پێمانوایە خودی دەستگیرکردنە، پێشلکارییە بۆ مافێکی دەستووریی، کە بریتییە لە مافی ڕێکخستنی خۆپیشاندان.[6]

ئەمڕۆ (16ی شوبات) بەسەرپەرشتی هەڤاڵ کۆسرەت ڕەسوڵ عەلیکۆسرەت ڕەسوڵ عەلی جێگری سکرتێری گشتی و بەئامادەبوونی د.بەرهەم ئەحمەد ساڵح جێگری دووەمی سکرتێری گشتی، کۆبونەوەی ئاسایی ئەنجومەنی سەرکردایەتی یەکێتیی نیشتمانیی کوردستانیەکێتیی نیشتمانیی کوردستان، لە شاری سلێمانیسلێمانی بەڕێوەچوو.
کۆبونەوەکە، کە بە دەقیقەیەک وەستان بۆ ڕێزگرتن لە گیانی پاکی شەهیدانی کوردستان دەستیپێکرد، بارودۆخی سیاسی کوردستان و عێراق و پارێزگای کەرکوککەرکوک و ناوچە کوردستانییە دابرێنراوەکان و ناوچەکە تاوتوێکرا و دواپێشهاتەکانی پرۆسەی گفتوگۆکان لەبارەی ڕێکەوتنی سیاسی لە نێوان یەکێتی و پارتی بۆ پرسەکانی هەرێمی کوردستان و بەغدا و کەرکوک و پرسە نەتەوەیی و نیشتمانیەکان بەوردی هەڵسەنگێندرا و ڕاو بۆچوونی لەبارەوە گۆڕدرایەوە.
ئەنجومەنی سەرکردایەتی، سیاسەتی یەکێتی دووپات دەکاتەوە، کە پابەندە بە بنەماکانی ڕێکەوتنی سیاسی نێوان مەکتەبی سیاسی یەکێتی و پارتی کە لە ڕۆژی (5ی شوباتی 2019) ئیمزاکراوە کە بەستنی کۆبونەوەی ئەنجومەنی پارێزگای کەرکوک بۆ دانانی پارێزگار و ئاسایی کردنەوەی دۆخی پارێزگاکە هاوکاتی دانیشتنی پەرلەمانی کوردستان بێت.
بۆیە یەکێتیی نیشتمانیی کوردستان جەختدەکاتەوە، ئامادەیە بۆ ڕێکەوتنێکی سیاسی گشتگیر کە پرسەکانی کوردستان و کەرکوک و عێراق وەک یەک پاکێچ ڕێککەوتنی سیاسی لەگەڵ پارتی لەسەر بکرێ، بەهاوکاری و هاوبەشی هێزە سیاسیەکانی کوردستان، لەپێناوی بەدیهێنانی یەکڕیزی لایەنەکانی کوردستان و شەراکەتی ڕاستەقینە کە لە خزمەتی بەرژەوەندییە باڵاکانی گەلی کوردستان بێت.
لەم ڕوانگەیەوە هەر هەنگاوێک بەبێ ڕێککەوتنی سیاسی لایەنەکان، بەتایبەتی یەکێتی و پارتی خزمەت بە بەرژەوەندییە باڵاکانی گەلەکەمان و پرۆسەی سیاسی ناکات، لەکاتێکدا، کە ناوچەکە لەبەردەم گۆڕانکاریدایە و بەرژەوەندی گەلەکەمان ئەوەمان لێدەخوازێت هەموو لایەنەکان یەکڕیز و یەکدەنگ بن بۆ ڕووبەڕووبوونەوەی مەترسییەکان و بۆ پاراستنی بەرژەوەندییەکانی گەلەکەمان.
ئەنجومەنی سەرکردایەتی
یەکێتیی نیشتمانیی کوردستان
16-02-201916-02-2019

ڕۆژی 16 /2 /2019 شاندی باڵای پارتی دیموکراتی کوردستان و بزوتنەوەی گۆڕان لە شاری سلێمانی، کۆبوونەوەو لە کەشوهەوایەکی دۆستانەدا، گفتوگۆیەکی ڕاشکاوانەی بەرپرسیارانە کرا، پەیوەندیی هەردوولا و گفتوگۆی پێکهێنانی کابینەی نۆیەمی حکومەتی هەرێم و ڕێککەوتنی سیاسیی نێوان هەردوولا خرایەڕوو.
لەکۆبوونەوەکەدا هەردوو شاند، ڕێککەوتن لەسەر ئەم خاڵانە:
1 - ڕێککەوتنی سیاسیی نێوان پارتی و بزوتنەوەی گۆڕان پەسەند کرا.
2- لە کۆبوونەوەکەی 18ی 2ی پەرلەمانی کوردستاندا فراکسیۆنی پارتی و فراکسیۆنی گۆڕان بەشداردەبن.
3- لەسەر شێوازی پێکهێنانی حکومەت گەیشتوونەتە قۆناغی کۆتایی و بەرەوپێشچوونی بەخۆیەوە بینیوە.
4- پڕۆژەی ڕێککەوتن دەبرێتەوە بۆ سەرکرادایەتیی هەدوولا بۆ پەسەندکردنی.
16-02-201916-02-2019