$باکووری کوردستان$
- #هەپەگە# کوژرانی 18 سەربازی تورکیای لە برادۆست ڕاگەیاند.[3]
- گەریلاکانی هەپەگە لە بایەزیدی سەربە #ئاگری#، لە دژی هێزەکانی سوپای تورک چالاکییان ئەنجامدا، لەو چالاکییەدا چوار سەرباز کوژران و دووانیش برینداربوون.[3]
- هێزەکانی پۆلیسی تورک لە شارۆچکەی یەنیشەهری سەربە #ئامەد# چوار هاوڵاتییان دەستگیرکرد.[3]
-لە ناوچەی ئیپەک کۆیی #وان#، جەردەوانێک بە ناوی فوئاد کلاغوس کوژرا.[5]
$باشووری کوردستان$
- کاتژمێر 10:15 خولەک، ڕێکخراوی #ژنانی ئازادی کوردستان# (ڕژاک)، لە هۆڵی بتوێن-ی شارۆچکەی #ڕانیە#ی ناوەندی ئیدارەی ڕاپەڕین کۆنفرانسێکی بە دروشمی =KTML_Bold=❞نا بۆ کۆمەڵکوژیی ژنان، بەڵێ بۆ چارەسەری ڕیشەیی❝=KTML_End= دەستپێکرد. لە کۆنفرانسەکەدا زیاتر لە 100 ژن ئامادەن و بڕیارە لە چوارچێوەی هەڵمەتی ئازادیی #عەبدوڵڵا ئۆجەلان# و چارەسەری به فکرییدا، چارەسەریی دەستنیشان بکرێت.[3]
- ئەنجومەنی سەرکردایەتی یەکێتی کۆبوەوە و بڕیاریدا کە مەکتەبی سیاسی بە هەمان ئەندامانی پێشوەوە کارابکرێتەوە.[4]
- بەڕێوەبەری شارۆچکەی ڕۆڤیای سەر بە شارۆچکەی #بەردەڕەش#ی دهۆک ڕایگەیاند، لە گوندێکی سنوورەکەیان، پیاوێک ژن و کوڕێکی خۆی دەکوژێ‌ بۆ شوێنێکی نادیاریش هەڵهاتووە.[2]
- لە 24 کاژێری ڕابردوودا لە #سلێمانی# 5 کەس بەهۆی کۆمەڵێک ڕووداوی هاتووچۆوە گیانیان لەدەستداوە، 15 کەسیش برینداربوون.[2]
- لەناو بازاڕی ناحیەی #حاجیاوا# کەسێک کوژرا و کەسێکی تریش برینداربوو، پۆلیسیش هۆکاری ڕووداوەکە بۆ کێشەیەکی کۆمەڵایەتی دەگەڕێنێتەوە.[4] پاشان ئەم کێشەیە پەرەیسەند و بەهۆیەوە کوژراوی تری لێکەوتەوە و ژمارەی کوژراوان گەییشتە 8 کەس.[1]
- ئێوارەی ئەمڕۆ، بەدروشمی شەهیدان نامرن، بۆ یادی پێنج هەزار شەهیدانی کیمیابارانی #هەڵەبجە#، هەزار و 200 مۆم لەسەر مەزاری شەهیدانی هەڵەبجە داگیرسێندرا.[3]
- لە #چەمچەماڵ# چەند کەسێک هێرشیان کردە سەر #شاسوار عەبدولواحید# و ئوتومبیلەکەیان بەرد و تەماتەبارانکرد.[1]
- #وەزارەتی ئەوقاف# و کاروباری ئایینی حکومەتی هەرێم ڕایدەگەیەنێت بەهۆی گوێنەدانی بە ڕێنماییەکانی وەزارەتی ئەوقاف و کاروباری ئایینی، بەڕێوەبەری نوێنەرایەتی جووەکان لە کارەکەی دوورخراوەتەوە.[4]
$رۆژئاوای کوردستان$
- سوپای تورک ئەو هاوڵاتیانەی کردە ئامانج، کە بەهۆی هێرشی سوپای تورکەوە لە ڕێگادابوون بەرەو #شەهبا#، لە ئەنجامدا دەیان هاوڵاتی مەدەنی شەهید و بریندار بوون.[3]=KTML_Quote_Begin==KTML_Style=width:30%;float:left;=KTML_Quote_Icon=❞=KTML_Quote_Content==KTML_Red=ئەمڕۆش لە عەفرین دەیان هاووڵاتی شەهید و برینداربوون!=KTML_End==KTML_Quote_End=
- هێرش و بۆردومانی سوپای تورکیا بۆ سەر شاری #عەفرین# و هاووڵاتیانی ئەو شارە بەردەوامیی هەیە.[1]
- #ئانجێلا ڕەشۆ#، هاوسەرۆکی ئەنجوومەنی تەندروستی عەفرین ئەو هەواڵانەی ڕەتکردەوە، کە لە میدیاکانی تورکیا لەبارەی چۆڵکردنی نەخۆشخانەی ئاڤرین لە عەفرین بڵاویانکردووەتەوەو ڕایگەیاند، تا ئێستا ژمارەیەکی زۆری بریندار لە نەخۆشخانەکەدا چارەسەری پزیشکییان بۆ دەکرێت.[2]
- بەهۆی هێرشەکانی حکومەتی تورک بۆ سەر عەفرین هێڵی تەلەفۆن و ئینتێرنێت بڕاون، سوپای تورک بورجە تەلەفۆنییەکانی کردە ئامانج.[3]
- فڕۆکە جەنگییەکانی تورک، گەڕەکی ئەشرەفییەیان لە ناوەندی عەفرین بۆردوومانکرد، بەهۆیەوە 3 هاوڵاتی کەوتنە ژێر داروپەردووی خانووە ڕووخاوەکەیانەوە.[3]
- مانگی سووری کوردی ڕایگەیاند، لە ماوەی سێ ڕۆژی ڕابردوودا 300 هەزار کەس عەفرینی جێهێشتووە.[1]
$دەرەوەی کوردستان$
- پارتی سۆسیالیستی ئەوروپا بانگەوازیی حکومەتی تورکی کرد، کە هێرشی بۆ سەر عەفرین بوەستێنێت و لە خاکی عەفرین بکشێتەوە.[3]
- هاوڵاتیانی کورد لە کەنەداوە تا ڕوسیا بۆ پشتگیریکردنی عەفرین لە سەر شەقامەکانن و هێرشی سوپای تورک شەرمەزاردەکەن.[1]
- سەرۆکی پەرلەمانی عێراق ڕایگەیاند: بۆ هێرشکردنە سەر #پەکەکە# هاوکاریی تورکیا دەکەین.[2]

‎ڕاگەیەنراوی کۆتایی کۆبوونەوەی ئەنجومەنی سەرکردایەتی (ی. ن. ک)
‎کەسوکاری سەربەرزی شەهیدان
‎جەماوەری خۆڕاگری گەلەکەمان
‎ئەندام و لایەنگرو تێکۆشەرە نەبەزو دلێرەکانی (ی.ن.ک)
‎هاوکات لەگەڵ هاتنی وەرزی بوژاندنەوه و بەرزبوونەوەی کڵپه و بڵێسەی مەشخەڵی نەورۆزی مژدەبەخشی ڕۆژێکی نوێ و پێخستنە ناو ساڵێکی تازە و بەهارێکی نوێ ی تێکۆشانەوە , ئەمڕۆ شەممە ڕێکەوتی 17-03-2018 , ئەنجومەنی سەرکردایەتی یەکێتی نیشتمانی کوردستان بە سەرپەرشتی هەڤاڵ کۆسرەت ڕەسوڵ عەلی جێگری یەکەمی سکرتێری گشتی و بەئامادەبوونی زۆرینەی ئەندامانی سەرکردایەتی وەرزێکی نوێ ی لە ئەنجامدانی زنجیرە کۆبوونەوە فەرمیەکانی بەمەبەستی تەواوکاری بۆ بریاروڕاسپاردەکانی پێشووی خۆی و هەنگاونان بەئاراستەی تێپەڕاندنی گرفت و ئاستەنگەکانی سەر ڕێگای هەڵسانەوه و گەشەکردن و بوژاندنەوەی ژیانی ڕێکخراوەییمان و ڕاپەڕاندنی ئەرکە مێژوویەکانی سەرشانی لەم قۆناغە هەستیارەی گەلەکەمان کە سەرجەم دۆستەکانی کورد و یەکێتیش چاوی ئومێدیان لەسەریەتی دەستپێکرد.
‎ کۆبوونەوەکە بە ساتێک وەستان بۆ گیانی پاکی سەرجەم شەهیدانی ڕێگای ڕزگاری کوردوکوردستان و قوربانیانی کارەساتی کیمیا بارانی هەڵەبجەی شەهید دەستی پێکرد , کە چەندین تەوەر و بابەتی ستراتیژی و گرنگی لەخۆگرتبوو , سەرەتا کۆبوونەوە لەسەر یادەکانی ڕاپەڕینە مەزنەکەی بەهاری 1991 ی گەلەکەمان هەڵوێستەی کرد وستایشی ڕۆڵی جوامێرانەی دانیشتوانی شاروشارۆچکەکانی کوردستانی کرد بۆ هاوکاری و هەماهەنگیکردنی هێزی پێشمەرگه و مەفرەزە نهیًنیەکانی لە بەئەنجامگەیاندنو سەرخستنی بەرنامەی ڕاپەڕینی سەرتاسەری کە لەلایەن یەکێتی نیشتمانی کوردستانەوە داڕێژراو پاشان بە هەماهەنگی سەرکردایەتی سیاسی بەرەی کوردستانی و هێزە کوردستانیەکانی سەر گۆڕەپانی سیاسی ئه و سەردەمە جێبەجێکرا , هەروەهاجەختیشی لەسەر زیندوو ڕاگرتنی گیانی ڕاپەڕینی لە ناخی کۆمەڵانی خەڵکی کوردستان و کادروئەندامانی یەکێتی و هێزی پێشمەرگەی قارەمان و دڵسۆزانی میللەتەکەمان وکارکردن بۆ ئامانجە بەدینەهاتووەکانی کردەوە و ئەوەی سەلماند کە هێشتا ئامانجگەلێکی زۆرمان ماوە کە ئەرکی بەدیهێنانیان کەوتۆتە ئەستۆی نەوەکانی ئێستای پاش ڕاپەڕین , کە هەموویان ئەرکی گەوره و هەستیاری قۆناغی تەواوکاری بەدیهێنانی کۆمەڵگایەکی دیموکراسی و مۆدێرنی سەردەمیانه و سیکولارن , کە لە سەرەتای سەرهەڵدانی شۆڕشی نوێ ی گەلەکەمانەوە چ وەک دروشم و چ بە کردارکار بۆ بەدیهێنانیان دەکەین و قوربانیمان لەپێناودا بەخشیون.پاشان کۆبونەوە سەرلەنوێ کارەساتی کیمیای بارانی هەڵەبجە‌ و شەهیدکردنی بەکۆمەڵی خەڵکی بێدیفاعی مەدەنی ئه و شارە خۆڕاگرەی ئیدانه و مەحکوم کردەوە ڕێزی لە قوربانیەکانی نایەوه و جەختی لەوە کردەوە کە پێویستە حکومەتی فیدراڵی عێراق وەک ئەرکی ئەخلاقی و یاسایی خۆی قەرەبووی تەواوی خەڵکەکەی بکاتەوە و کاری جدی و بەپەلە بۆ چارەسەری بریندارەکانی بکات. سەبارەت بە ناوچە جێناکۆکەکانیش کە بەهۆی ڕوداوەکانی ئۆکتۆبەری ساڵی ڕابوردووەوە لەلایەن سوپای عێراق و هێزە چەکدارەکانی حەشدی شەعبی لەشکرکێشیان کرایەسەر و بووبەهۆی پاشەکشەی هێزەکانی پێشمەرگە له و ناوچە کوردستانیانه و کەوتنەوەی گرژی و ئاڵۆزی و تێکچونی ڕەوشی ئاسایی تیایاندا , کۆبوونەوە جەختی لەسەر ئەوە کردەوە کە پێویستە تەواوی ئاوارەکان بگەڕێنرێنەوە سەر ماڵوحاڵی خۆیان و قەرەبووی زەرەروزیانەکانیشیان بۆ بکرێتەوە و لێکۆڵینەوەی یاسایش له و کارو کردەوە نابەجێیانە بکرێت کە دەرهەقیان ئەنجام دراوە.هەروەک چۆن پێویستە کە بەپێی مادەی سەدوچلی دەستووری هەمیشەیی عێراقی هەتا یەکلایی کردنەوەی چارەنوسیان بەپێ ی ئه و مادە دەستوریە , ئەرکی بەڕێوەبردنی تەواوی ئه و ناوچانە ش بە هاوبەشی دەبێت لەلایەن هەردوو حکومەتی فیدراڵی عێراق و حکومەتی هەرێمی کوردستانەوە و بە هیچ شێوەیەک باری سەپێندراو قبوڵ ناکرێت.
‎سەبارەت بە ئاڵۆزیەکانی ڕۆژئاواش ئەنجومەنی سەرکردایەتی (ی ن ک) بە دڵگرانیەوە لە هێرشەکانی دەوڵەتی تورکیا بۆ سەر شاری عەفرین و دەوروبەری دەڕوانێت و هاوسۆزی خۆی بۆ خەڵکی سڤیل و بێدیفاعی شارەکە دەربڕی و خوازیارە کە دەوڵەتی تورکیا هەرچی زووترە هێرش و پەلاماردانەکانی بۆسەر ناوچەکە بوەستێنێت و کار بە بڕیاری ژمارە (2401) ی ئەم دواییەی ئەنجومەنی ئاسایشی نێودەوڵەتی بکات , کە تایبەتە بە جێبەجێکردنی ئاگربڕ لە تەواوی خاکی سوریادا.
‎سەبارەت بەم قۆناغە هەستیار و چارەنوسسازەی کە یەکێتی و گەلەکەمانیشی پێدا تێپەڕدەبێت کۆبوونەوە موکوڕبوونی خۆی لەسەر چارەسەرکردنی گرفتە ناوخۆییەکانی خۆی و گرنگی تێپەڕاندنی جیاوازیەکان کردەوه و گەیشتە ئه و باوەڕەی کە پێویستە هەمووان بە گیانێکی هەڤاڵانەوە لە خزمەت بە هێزکردنەوەی باسی یەکێتیدابین و بە تێڕوانینێکی ووردو دووربینانە تواناکانمان چڕ بکەینەوە لە مەسەلە ستراتیژیەکانی پەیوەست بە دۆزی ڕەوای گەلەکەمان و داهاتووی یەکێتی نیشتمانی کوردستان.
‎هەربۆیە دوابەدوای زنجیرەیەک کۆبوونەوەی بەردەوام لەگەڵ کادیرو فەرمانده و سەرکرده و کەسایەتیە دلسۆزەکانی گەلەکەمان و تاوتوێکردنی پێشنیارەکان و نەخشە ڕێگاکانی چاکسازی لەناو (ی.ن.ک) و سیستەمی حوکمرانی هەرێمی کوردستان و سەرلەنوێ ڕێکخستنەوەی پەیوەندیەکانی یەکێتی لەگەڵ جەماوەری گەلەکەمان و لایەنگرانی یەکێتی و حزبە کوردستانی و عێراقیە.
‎هەربۆیە دوابەدوای زنجیرەیەک کۆبوونەوەی بەردەوام لەگەڵ کادیرو فەرمانده و سەرکرده و کەسایەتیە دلسۆزەکانی گەلەکەمان و تاوتوێکردنی پێشنیارەکان و نەخشە ڕێگاکانی چاکسازی لەناو (ی.ن.ک) و سیستەمی حوکمرانی هەرێمی کوردستان و سەرلەنوێ ڕێکخستنەوەی پەیوەندیەکانی یەکێتی لەگەڵ جەماوەری گەلەکەمان و لایەنگرانی یەکێتی و حزبە کوردستانی و عێراقیە.
یەکێتی نیشتمانی کوردستان
#17-03-2018#