بەهۆی تەقینەوەی تانکییەکی غاز لە شاری
سلێمانیسلێمانی لە گەڕەکی کازیوە (15) هاووڵاتی گیانیان لەدەستداوە و ژمارەیەکی زۆری هاووڵاتی دیکەش بریندارن، تەقینەوەکە لە ماڵیک بووە بەپێی زانیارییەکان لەو ماڵەی تەقینەوەکەی تێیدا ڕوویداوە ئاهەنگی یادی لەدایکبوونی تێدا ئەنجامدراوە و بەهۆکاری تەقینەوەکەش سێ خانوو ڕووخاوە.
سەرۆکی ئەنجوومەنی پارێزگای سلێمانی ڕایگەیاند
یەک تەرم گەیەندراوەتە نەخۆشخانەی شار و ئەویش دەگەڕێندرێتەوە بۆ پزیشکی دادوەری و 4 کەس گیانیان لەدەستداوە و بریندارەکانیش بەگشتیی لەژێر چارەسەردان.
گوتیشی: بەهۆی تەقینی بتڵی غازی سیستمی شۆڤاژ ڕووداوەکە ڕوویداوە.
هەروەها گوتی: هەرچی پێویست بێت بۆ بریندارەکان کراوە.
ڕوونیکردەوە، بەشێک لە بریندارەکان برینی سووتاوییان هەیە.
هەر لەو چوارچێوەیەدا وتەبێژی تەندرووستی، ڕایگەیاند، 11 بریندار لە نەخۆشخانەی شار چارەسەر وەردەگرن.
گوتیشی: 15 هاووڵاتی گیانیان لەدەستداوە.
هەروەها گوتی: بریندارەکان یەکێکیان نەشتەرگەری بۆ دەکرێت و سیانیشیان ڕەوشی تەندرووستیان ناجێگیرە.
ئاماژەی بەوەشدا، تیمەکانی تەندرووستی لە شوێنی ڕووداوەکەن، لە کاتی دەرهێنانی هەر هاووڵاتییەکی دیکە بە زووترین کات چارەسەری بۆ دەکرێت و دەگوازرێتەوە بۆ نەخۆشخانە.
[1]
کلیک بکە بۆ بینینی چرکە ساتی تەقینەوەکەی گەرەکی کازیوەی شاری سلێمانی 17-11-2022
کلیک بکە بۆ بینینی یەکەم پەیامی ڤیدیۆیی حاجی مەزهەری سیرێ لە نەخۆشخانەوە، حاجی مەزهەر خاوەنی ئەو خانووە بوو کە لە سلێمانی تەقییەوە