$رۆژهەڵاتی کوردستان$
- لە ماوەی ڕۆژانی ڕابردوودا لانیکەم 26 چالاکی مەزهەبیی کورد لەشاری #بۆکان# لەلایەن ناوەندە ئەمنییەکانی حکوومەتی ئێرانەوە دەستبەسەر کراون.[4]
$باشووری کوردستان$
- شەوی ڕابردوو سوپای پاسدارانی ئێران لە سنوورەکانی شارۆچکەی #سیدەکان# لە کوێستانی سەقەر، تەقەیان لە دوو شوانی باشووری کوردستان کردوو دواتر لەنێو خاکی هەرێمی کوردستان ڕانەمەڕی شوانکارەکانیان دزیوە.[2]
- بەیانیی ئەمڕۆ پێنج فڕۆکەی بێفڕۆکەوانی تورک لە نزیک دوو گوندی سنووری شارەدێی #شیلادزێ# لە پارێزگای #دهۆک# کەوتنە خوارەوە. فڕۆکە بێفڕۆکەوانەکان یەکێکیان لە گوندی باوان و ئەوەی دیکە لە گوندی دێوکێ کەوتوون، سێی دیکەیان لەنزیک گوندی دێوکێ کەوتوون.[3]
- شەوی ڕابردوو، فڕۆکەکانی تورک چیای شێخ ناسر لە ناوچەی #باڵەکایەتی# و گوندی بێرکم-یان لە ناوچەی #برادۆست# بۆردومانکرد.[1]
- لە پیربولای حەفتانین شەڕێکی قورس ڕوودەدات. بەپێی زانیارییە سەرەتاییەکان لەو شەڕەدا چەندین سەربازی داگیرکەری تورک کوژراون و چەندانی تریش بریندار بوون. هاوکات فڕۆکەی بێفڕۆکەوان بە ئاسمانی ناوچەکەدا دەسوڕێتەوە.[1]
- وەزیری تەندروستی هەرێمی کوردستان ڕایگەیاند، لە ماوەی 24 کاژێری ڕابردوودا زیاتر لە پێنج هەزار پشکنین کراوە و 483 تووشبوو تۆمارکراوە و 24 کەسیش گیانیان لەدەستداوە.[5]=KTML_Photo_Begin=https://www.kurdipedia.org/files/relatedfiles/2020/385280/0011.JPG=KTML_Photo_Alt=لە مانشێتەکانی ئەمڕۆ: 20-08-2020=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/385280/0011.JPG=KTML_Photo_End=
- فراکسیۆنی #بزووتنەوەی گۆڕان# لەئەنجوومەنی نوینەرانی عێراق، دژایەتی خۆیان بۆ مانەوەی بزووتنەوەکەیان لە حکومەتی هەرێم ڕاگەیاند.[7]
- سەرۆکی گروپی کۆمپانیاکانی قەیوان کە جێبەجێکاری پرۆژەی دروستکردنی شەقامی 100 مەتری #سلێمانی#یە دەڵێت، کارکردن لەپرۆژەکەدا بەردەوامە، ئه و کێشە و گرفتانەشی لەبەردەم پرۆژەکەبوون چارەسەرکراون.[6]
- گەشتە ئاسمانییەکانی نێوان هەرێمی کوردستان و نەمسا لەڕێگەی فڕۆکەخانەی نێودەوڵەتیی #هەولێر#ەوە دەستیان پێکردەوە، بەڕێوەبەری گشتیی فڕۆکەخانەی نێودەوڵەتیی هەولێریش دەڵێت هەفتانە سێ گەشت دەکرێن.[2]
- بەڕێوەبەری پۆلیسی پارێزگای دهۆک ئاشکرای دەکات 61 ئەندامی هێزە ئەمنییەکان لە خۆپیشاندانەکەی دوێنێ شەوی زاخۆ بریندار بوون، دەشڵێ ئەمە پیلان بووە و دەستێکی دەرەکیی لەپشت بووە.[3]
- هێزە ئەمنییەکان لە شاری هەولێر چونە سەر نوسینگەی کەناڵی ئێن ئاڕ تی و دایانخست.[7]
- بەڕێوەبەرایەتی هەواڵگریی سەربازی عیراق، ئەمڕۆ پێنجشەممە، کوژرانی دوو تیرۆرستی #داعش#ی لەباشووری چیای قەرەچوغ لە #مەخموور# ڕاگەیاند.[6]
- دادگای سلێمانی بڕیاریدا سزای توندی ئەو #سواڵکەر#انە بدرێت کە لەسەر شەقامەکان بەناوی سواڵکردنەوە کاری نەشیاویان کردوە و نیگەرانی خەڵکی لێکەوتوەتەوە.[6]
$رۆژئاوای کوردستان$
- دەستەی تەندروستی لە بەڕێوەبەرایەتیی خۆسەر لە ڕۆژئاوای کوردستان ڕایگەیاند، 27 کەسی دیکە لە ڕۆژئاوای کوردستان تووشی ڤایرۆسی #کۆرۆنا# بوون و دوو کەسیش گیانیان لەدەستدا.[2]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2020/385280/0013.JPG=KTML_Photo_Alt=لە تۆڕە کۆمەڵایەتییەکانەوە: 20-08-2020=KTML_Style=width:25%;height:20%;float:left;=KTML_Photo_Target_Link=https://www.kurdipedia.org/files/relatedfiles/2020/385280/0013.JPG=KTML_Photo_End=
- #یوسرا ڕەجەب# ئەندام پەرلەمانی عێڕاق داوای دانیشتنی ئاوارتە دەکات لە سەرۆکایەتی پەرلەمانی عێراق بۆ گفتوگۆ کردن لەسەر دوایین گۆڕانکارییەکان و بە تایبەتی ئەو خۆپیشاندانەی دوێنێی #زاخۆ#، کە لایەنە ئەمنیەکان بە فیشەک ڕوبەڕوی خەڵکی مەدەنی بوونەتەوە.[1]
- دەستەی دەستپاکی فیدراڵیی عێراق لە بەیاننامەیەکدا ڕایگەیاند، دادوەری لێکۆڵینەوەی تایبەت فەرمانی دەستگیرکردنی بۆ جاڕوڵڵا حەمەد، سەرۆکی دەستەی وەبەرهێنانی پارێزگای #کەرکووک# دەرکرد، لەسەر ئەو سەرپێچیانەی کراوە لە پرۆژە نیشتەجێبوونی تەئەخی، ئەمەش پاڵپشت بە ماددی 340 لە یاسای سزادانی عێراقی.[2]
- وەزارەتی تەندروستی و ژینگەی عێراق ئاماری نوێی کۆرۆنای بڵاوکردەوە و دەڵێت، لە ماوەی 24 کاژێری ڕابردوودا سێ هەزار و 995 کەس تووشی کۆرۆنا بوون 87 کەسیش گیانیان لەدەستداوە.[2]
- سەردانەکەی شاندی عێراق بۆ ئەمریکا چەندین گرێبەستی لەنێوان حکومەتی عێراق و کۆمپانیا ئەمریکییەکان لێکەتووتەوە. پرسی نەوت و وزە یەکێکە مژارە لە گرنگەکانی نێوان بەغدا و واشنتن. بەپێی وەزارەتی وزەی ئەمریکا، بەهای گرێبەستەکان تاوەکو هەشت ملیار دۆلارە.[2]
- سەرۆکی فەرەنسا ئیمانۆێل ماکرۆن لە گفتوگۆیەکیدا لەگەڵ گۆڤاریباری ماتش ڕەخنەی لە سیاسەتی فراوانخوازی تورکیا گرت و گووتی: لەگەڵ بەرژەوەندییەکانی ئەورووپا ناگونجێت و دەبێتە مایەی نائارامی و تێکدانی سەقامگیری لە ناوچەکەدا.[3]

هاونیشتیمانییانی ئازیز..
وا بۆ جارێکی تر دەسەڵاتی هەرێمی کوردستان سەرەڕای ناردنی 320 ملیار دینار لە بەغدا و سەرباری فرۆشتنی نەوت و داهاتی ناوخۆ بێ ناردنی یەک دینار و یەک بەرمیل نەوت بۆ بەغدا، جارێکی تر دوای دواکەوتنی زیاتر لە چل ڕۆژ، دەستی بردەوە بۆ بڕینی موچەی موچەخۆرانی هەرێم.
هەمو ئەمانەش لە کاتێکدایە کە تا ئێستا نە داهاتی نەوت، نە داهاتی ناوخۆی هەرێم (داهاتی دەروازە سنورییەکان و باج و ڕسومات) شەفاف نین و، بەپێی زانیارییەکانمان هەریەک لەم داهاتانە زۆر زیاترن لەو بڕەی ڕاگەیەنراوە.
دەسەڵاتی هەرێم بە هۆی بەردەوام بونی لە هەنگاوە چەوتەکانی ڕابردوی نەک هەر ناتوانێ ئەرکەکانی بەرامبەر هاونیشتیمانیان جێبەجێ بکات، بەڵکو پێگەی سیاسی و دەستوریی هەرێمی لە عێراق و بەرامبەر دراوسێکانی تا ئاستی وابەستەیی لاواز کردوە. دڵنیاشین بەم شێوەی ئێستای و بێ ڕاست کردنەوەی هەڵە کوشندەکانی، هەرێم ناتوانێ ڕێکەوتنێکی دور مەودا و یەکجاری لەگەڵ بەغدا بکات کە لە بەرژەوەندیی خەڵک دابێ.
ئەوەی جێگای نیگەرانیی قوڵی ئێمە و جەماوەرە دڵسۆزەکەمانە، ئەو بەشدارییە شەرمنانەیەی ئێستای گۆڕانە لەم دەسەڵاتە شکستخواردوەی هەرێم و، دەستەوەستان و بێدەنگیی نوێنەرەکانێتی لەناو حکومەتدا لە بەرامبەر ئەجێندا دژە خەڵکەکەی دەسەڵاتی هەرێم.
ئەم دۆخەی ئێستای گۆڕان جا چ لە تەقلیدی کردنەوەی کەرەستەکانی حیزبایەتی و گوتارە ڕەسمییەکەی و، چ لە شێوازی بەشداریی لە دەسەڵات، بوەتە مایەی نیگەرانی و توڕەییەکی گەورەی جەماوەری ناڕازی کە جاران پشتیوانی سەرەکی بون لێی. هەمو ئەمانەش بونەتە هۆی ئیحراجییەکی گەورەی ئێمە بەرامبەر بە دەنگدەرانمان.
ئەمانە هاوکاتن لەگەڵ داخورانی شەرعییەتی دامەزراوەکانی بڕیاردانی گۆڕان لە ئەنجامی دواخستنی بەردەوامی هەڵبژاردنە ناوخۆییەکان و کۆنفڕانسی نیشتیمانیی گۆڕان.
لێرەوە و لە ڕوانگەی بەرپرسیارێتیمان بەرامبەر خەڵکی کوردستان و جەماوەری ناڕازی و گۆڕانخوازان، داوا دەکەین کە:
1. بە زوترین کات گۆڕان لەم بەشدارییە بێکاریگەریەی لە دەسەڵات بکشێتەوە و ڕوبکاتەوە جەماوەرەکەی و، لەگەڵ سەرجەم هێز و کەسایەتییە چاکسازیخوازەکانی دیکەی هەرێم، دژی بێدادی و بەردەوامیی گەندەڵی و سەروەرنەبونی یاسا فشاری جدی دروست بکەنەوە.
2. بە زوترین کات لەڕێی ئەنجامدانی هەڵبژاردنی ناوخۆیی، شەرعییەت بۆ سەرجەم ئۆرگانەکانی گۆڕان بگەڕێنرێتەوە و نوێ بکرێنەوە. هەروەها لەڕێی ئەنجامدانی کۆنفڕانسی نیشتیمانی دوای ئەنجامدانی هەڵبژاردنە ناوخۆییەکان، گۆڕان کێشە گشتی و تایبەتییەکان بخاتە ناو گفتوگۆی ئەندام و دڵسۆزانی و، جارێکی تر بە گوڕوتینێکی نوێوە درێژە بە ئەرکە سەختەکانی لە هەرێمی کوردستان بدات.
بەپێچەوانەوە و گوێنەگرتن لەو داواکاریانە کە بە دیدی ئێمە داواکاریی زۆرینەی هەرە زۆری بنکەی جەماوەریی گۆڕان و شەقامە، لەگەڵ بڕیاربەدەستانی ئێستای گۆڕان دەمانگەیەنێتە بنبەست.
جەماوەر ی گۆڕانخوازی خۆشەویست..
ئێمە لە فراکسیۆنی گۆڕان هەمومان بەردەوامین لەسەر ئەو بەڵێنانەی لە هەڵبژاردنەکانی 2018 بۆ بەدەستهێنانی متمانەتان داومانە و، دژی هەر لادانێک دەبین لە پرەنسیپە بنچینەییەکانی گۆڕان بۆ بەدیهێنانی ژیانێکی کەرامەتمەندانە بۆ هاوڵاتیانی هەرێم و، بەردەوامین لەسەر ئەو ئامانج و بەڵێنانەی کە لە سەرەتاوە گۆڕان بە خەڵکی کوردستانی داوە.
فراکسیۆنی گۆڕان لە ئەنجومەنی نوێنەرانی عێراق
#20-08-2020#