ناو: عەبدولکەریم
نازناو: کەریم سنجاری - کەریم شنگالی - حەسەن- حەسەن شنگالی
ناوی باوک: سوڵتان عەبدوڵڵا
ساڵی لەدایکبوون: 1950
شوێنی لەدایکبوون: شارۆچکەی شنگالشنگال
ژیاننامە
یاساناس و سیاسەتمەدار عەبدولکەریم سوڵتان عەبدوڵڵا، ناسراو بە (کەریم شنگالی، حەسەن، حەسەن شنگالی) ، ساڵی 1968 پەیوەندی بە ڕیزەکانی پارتییەوە کردووە، ساڵی 1976 لە کۆنفڕانسی بەرلین بووەتە ئەندامی سەرکردایەتی کاتیی پارتی دیموکراتی کوردستانپارتی دیموکراتی کوردستان، ساڵی 1979 ئەندامی لێژنەی ئامادەکاری کۆنگرەی نۆیەمی پارتی دیموکراتی کوردستان لە ڕۆژهەڵاتی کوردستان بووە، ساڵی 1993 لە کۆنگرەی یازدەیە‌مدا بە‌ ئەندامی کۆمیتەی ناوەندیی پارتی دیموکراتی کوردستان_یەکگرتوو هەڵبژێردراوە، ساڵانی( 1993-1994) بەڕێوەبەری ئاساییشی گشتی حکومەتی هەرێمی کوردستان بووە، ساڵی 1999 و لە کۆنگرەی دوازدەیەمدا ئەندامی کۆمیتەی ناوەندی پارتی دیموکراتی کوردستان هەڵبژێردراوە، لە ساڵەکانی( 2001، 2006، 2009، 2012، 2014) و لە کابینەکانی چوارەم، پێنجەم، شەشەم، حەوتەم و هەشتەم بە وەزیری ناوخۆی حکومەتی هەرێمی کوردستان هەڵبژێردراوە، سالی2010 لە کۆنگرەی سێزدەیە‌م بە ئەندامی ئەنجومەنی سەرکردایەتی و دواتر مەکتەبی سیاسی پارتی دیموکراتی کوردستان هەڵبژێردراوه، دوای دامەزراندنی کابینەی نۆیەمی حکومەتی هەرێم بە ڕاویژکار لەسەرۆکایەتی هەرێمی کوردستان دەست نیشان کراوە.
ساڵی 1950 لە شاری موسڵ لەدایکبووە‌. ساڵی 1971 بەکالۆریۆسی لە بەشی یاسا لە کۆلێژی یاسا و ڕامیاری زانکۆی بەغدا وەرگرتووە‌‌. ساڵانی 1971_1973 لە شاری بەغدا بە پیشەی پارێزەرییەوە سەرقاڵ بووە. ساڵی 1975 لە دوای نسکۆی شۆڕشی ئەیلوول وەک پەنابەر ڕووی کردووەتە‌ و‌ڵاتی ئێران و بووەتە ئەندامی لێژنەی سەرپەرشتی ئاوارەکانی باشووری کوردستان لە وڵاتی ئێران و ساڵی 1976 وەک پەنابەر ڕووی لە‌ ئەوروپا کردووە.
لە ساڵەکانی (2001، 2006، 2009، 2012، 2014) و لە کابینەکانی چوارەم، پێنجەم، شەشەم، حەوتەم و هەشتەم بە وەزیری ناوخۆی حکومەتی هەرێمی کوردستان هەڵبژێردراوە و دوای دامەزراندنی کابینەی نۆیەمی حکومەتی هەرێم بە ڕاویژکار لەسەرۆکایەتی هەرێمی کوردستان دەستنیشان کراوە. شارەزای زمانەکانی کوردی، عەرەبی، فارسی و ئینگلیزییە.
خەباتنامە
عەبدولکەریم سوڵتان عەبدوڵڵا ساڵی 1967 پەیوەندی بە ڕیزەکانی یەکێتی قوتابیانی کوردستانەوە کردووە و ساڵی 1968 پەیوەندی بە ڕیزەکانی پارتییەوە کردووە. ساڵی 1969 ئەندام ناوچە بووە‌ لە لێژنەی ناوچەی بەغداى سەر بە لێژنەی لقی پێنجی پارتی دیموکراتی کوردستان‌، لە ئاداری 1973 پەیوەندی بە ڕیزەکانی هێزی پێشمەرگەوە کردووه.‌
لە مانگی نیسانی ساڵی 1975 لەلایەن مەسعود بارزانیمەسعود بارزانییەوە ڕاسپێردراوە بۆ ئامادەکاریی شۆڕشی گوڵان و لە کۆتایی هەمان مانگدا لەلایەن مەسعود بارزانییەوە لەگەڵ چوار کەسایەتی تردا بانگهێشت کراوە تا لە یەکەمین کۆبوونەوەی سەرکردایەتی کاتیی پارتی دیموکراتی کوردستاندا لەدەرەوەی شارەدێی نەغەدەنەغەدە لە ڕۆژهەڵاتی کوردستان بە مەبەستی بەردەوامبوون لە بەرگری و بەرخودان بەشدار بن‌.
ساڵی 1975 لەبەر ئاشکرابوونی لەلایەن دەزگای ساواکی ئێران (سازمان اتلاعات و امنیت کشور) بە هاوڕێیەتی پارێزەر جەوهەر نامیق سالم (1946_ 2011) بە قاچاخ خۆی گەیاندووەتە‌ باکووری کوردستان و لەوێشەوە بۆ باشووری کوردستان.
ساڵی 1976 لە کۆنفڕانسی بەرلین بووەتە ئەندامی سەرکردایەتی کاتیی پارتی دیموکراتی کوردستان، هەمان ساڵ لە ڕێی باکووری کوردستانەوە و بە هاوکاری کوردانی باکوور بە تایبەتی پارتی دیموکراتی کوردستان_تورکیا خۆی گەیاندووەتە بنکەکانی هێزی پێشمەرگەی سەرکردایەتی کاتیی پارتی دیموکراتی کو‌ردستان لە باشووری کوردستان. ساڵی 1977 بە ناوی نهێنی حەسەن و حەسەن شنگالییەوە بەشداری لە ڕیزەکانی هێزەکانی پێشمەرگەی شۆڕشی گوڵاندا کردووە و کراوەتە جێگری بەرپرسی هەرێمی یەکی سەرکردایەتی کاتی پارتی دیموکراتی کوردستان. ساڵی 1978 بەشداری شەڕی هەکاریی لە دژی هێزە هێرشبەرەکانی یەکێتیی نیشتمانیی کوردستانیەکێتیی نیشتمانیی کوردستان کردووه.
ساڵی 1979 وازی لە کاری پارتایەتی هێناوە و ساڵی 1981 پەیوەندی بە ڕیزەکانی پارتی دیموکراتی گەلی کوردستان کردووە.
ساڵی 1990 و دوای گەڕانەوەی بۆ نێو ڕیزەکانی پارتی، بە ئەندامی لێژنەی ڕێکخستنی ناوەندیی پارتی دیموکراتی کوردستان دەستنیشان کراوە و ساڵی 1991 بۆ مەکتەبی سەرۆکی پارتی دیموکراتی کوردستان گواستراوەتەوه.
لە ئاداری 1992 بە نوێنەرایەتی پارتی دیموکراتی کوردستان لەلایەن بەرەی کوردستانییەوە بە ئەندامی لێژنەی باڵای هەڵبژاردنی ئەنجوومەنی نیشتمانیی کوردستان دەستنیشانکراوە‌.
لە کۆنگرەی یازدەیە‌م (1993) و کۆنگرەی دوازدەیەم (1999) بە‌ ئەندامی کۆمیتەی ناوەندیی پارتی دیموکراتی کوردستان_یەکگرتوو هەڵبژێردراوە. ساڵانی 1993_1994 بەڕێوەبەری ئاساییشی گشتی حکومەتی هەرێمی کوردستان بووە.‌
ساڵی 2010 و لە کۆنگرەی سێزدەیە‌مدا بە ئەندامی ئەنجومەنی سەرکردایەتی هەڵبژێردراوە و لە یەکەمین کۆبوونەوەی ئەنجومەنی سەرکردایەتی بووەتە ئەندامی مەکتەبی سیاسی پارتی دیموکراتی کوردستان. [1]