ساڵی 1946 لە شاری سلێمانیسلێمانی لەدایکبووەو هەر لە منداڵییەوە لەسەر نیشتمانپەروەری پەروەردە بووەو گۆشکراوە.
لە قۆناغی ناوەندییەوە تێکەڵاوی کاروانی کوردایەتی بووەو لە ڕیزی بزاڤی قوتابییاندا کاری کردووە، ساڵی 1968 کۆلیژی مافی لەبەغدا تەواوکردووە و دەستی بەپارێزەری کردووە، لەم پێناوەشدا دیفاعی لەزۆرلێکراوان کردووە، لەپاڵ کارەکەی خۆیدا درێژەیداوە بەخەباتی سیاسی، هەروەک لە ساڵی (1969-1970) سەرنووسەری گۆڤاری ڕزگاری بووە.
ساڵانی (1970-1975) کاکە شازاد بەدڵسۆزی و لەخۆبردنەوە لە ڕیزەکانی کۆمەڵەی ڕەنجدەرانی کوردستانکۆمەڵەی ڕەنجدەرانی کوردستاندا کاری کردووە، دوای شکستی 1975 و دامەزراندنی یەکێتیی نیشتمانی کوردستانیەکێتیی نیشتمانی کوردستان وەکوو کادیرێکی بەئەمەک و ماندوونەناس ڕۆڵێکی دیاری لەگەیاندنی ڕێنمایی و ڕاسپاردەکانی سەرکردایەتی لەنێوان دەرەوەو ناوەوەی وڵاتدا گێڕاوە، ساڵی 1980 چۆتە شاخ و بۆتەوە پێشمەرگە، لەو ماوەیەشدا لێزانانە دادگاکانی شۆڕشی ڕێکخستووە.
ساڵانی (1978-1983) بووەتە نوێنەری یەکێتی لە سووریا و لوبنان، لە ساڵی (1988) یشدا نوێنەری یەکێتیی نیشتمانی کوردستان بووە لە ئەوروپا و ساڵی 1994 لە ئەنقەرە بووەتە نوێنەری یەکێتیی لە تورکیا، لەم بوارەشدا وەکوو دیبلۆماتێکی سەرکەتوو و بەتوانا خزمەتی مەسەلەی گەلەکەی کردووە.
کاکە شازاد سائیب خۆشەویستی ناو هاوڕێ و هەڤاڵانی بوو هەر لەبەر لەخۆبردووی حەزی بە پلەوپایە نەکردووە، ساڵی 2001 پۆستی وەزیری کشتوکاڵوەزیری کشتوکاڵی لە کابینەی سێیەمی حکومەتی هەرێمی کوردستاندا قبووڵکرد و زۆر دڵسۆزانە ئەرکەکانی سەرشانی بۆ خزمەتی گەلەکەی جێبەجێدەکرد، بەڵام مەخابن ڕۆژی 21-05-200121-05-2001 بەرووداوێکی دڵتەزێن لەنزیک شارۆچکەی پیرەمەگرونپیرەمەگرون گیانی سپارد.