لە زمانی خۆیەوە:
ساڵی 1940 لە شاری سلێمانیسلێمانی لە دایک بووم، هەر لەو شارەشدا خۆێندنی سەرەتایی و ناوەندیم تەواوکردووە، دەرچووی خانەی مامۆستایانم لە سلێمانی ساڵی 960 1961 ئەندامم لە ڕێکخراوی هونەرمەندانی کوردستان، بەشداری خولی دەرهێنانی شانۆیی و تەلەفیزێۆنیم کردووە لە ساڵی 1979 لە شاری بەغدا وە بە پلەی دووەم دەرچووم لەسەر ئاستی ئێراق، ئەندامی کۆمەڵی هونەرە جوانەکان بووم لە ساڵی 1956 تا ساڵی 1963، ئەندامی دەستەی دامەزرێنەری تیپی نواندنی شورش بووم، لە ساڵی 1971 وە تا ئێستاش ئەندامی تیپی نواندنی سلێمانیم و چەند خولێکیشە لەسەر یەک سەرۆکی ئەو تیپەم، بەشداری هەردوو دیداری شانۆی کوردیم کردووە، بەشدار بووم لە یەکەم کۆنفڕانسی شانۆکارانی کورد، لە ساڵی 1976 ەوە لە چالاکی قوتابخانەکان فەرمانبەر بووم و یاریدەدەری بەڕێوەبەر بووم لە 1997 وە تا 2006 بەڕێوەبەری چالاکی قوتابخانەکان بووم، لێپرسراوی مەڵبەندی شانۆی کوردستان بووم لە وەزارەتی ڕۆشنبیری، یەکێکم لە دەستەی دامەزرێنەرانی تەلەفیزێۆنی پەروەردە لە ڕۆژی دامەزراندنییەوە تا خانەنشین کردنم لە کۆتایی 2006 دا، لە ساڵی 1972 بوومە ئەندامی یەکێتی نووسەرانی کورد..
بەرهەمەکانم / لە ساڵی هەزار و نۆسەدو پەنجاو شەشەوە دەستم کردووە بە بەشداربوون لە شانۆدا و یەکەم بەشداریم لە شانۆیی (پیسکەی تەرپیر) بوو، ئامادەکردن و دەرهێنانی خوالێخۆشبوو ڕەفیق چالاک بوو لەسەر شانۆی هۆڵی ئامادەیی سلێمانی کوڕان نمایش کرا بەشداریم کرد وەک کاری هونەری ساڵی 1957 لە هەمان شانۆیی ڕۆڵی گەلاوێژم گیڕاو لە شاری هەڵەبجەش لە هەمان شانۆیدا دەوری پرشنگم بینی، بەم شێوەیە ماوەی پەنجاو یەک ساڵە بە بەردەوامی لە شانۆ و تەلەفیزێۆن و زنجیرە دراما و سینەمادا وەک ئەکتەرو نووسەری دەق و تێکستی شانۆیی و سینارێۆی زنجیرەی درامی و فیلم بەشداریم کردووە لە بەرهەمەکانی ئەو تیپ و دام دەزگا هونەریانەی کە کارم تێدا کردون ساڵی 2006 یش زنجیرە درامای وەسێتنامەمان بۆ کەناڵی ئاسمانی کوردسات تەواوکرد و هەر لە کوردساتیش دوو جار پەخش کرا کە پێک هاتبوو لە شانزە ئەلقە، ئەم زنجیرەیە ئامادەکردن و سینارێۆی خۆم بوو جگە لەوەی کە دەوری میرزا کەریمم بەرجەستە ئەکرد کە ڕۆڵێکی سەرەکی بوو، دوا بەرهەمیشم زنجیرەی درامی (ژیلەمۆ) یە کە نووسین و سینارێۆی خۆمە و بەرهەمی کەناڵی ئاسمانی کوردساتە.
ئەمەش ناوی ئەو بەرهەمە شانۆی و تەلەفیزێۆنانەو زنجیرە دراما و فیلمانەیە کە بەشداریم تێدا کردووە چ وەک ئەکتەر یا نووسەر یا وەرگیڕان یا سینارێۆ و کارە هونەریەکان..
بەرهەمە شانۆیەکان (پیسکەی تەڕ پیر ساڵی 1957، تاوان و تۆڵە 1957، شەڕی کۆتایی 1959، لە ڕێ نیشمانا 1959، تاوانێک لە ئاسماندا 1960، ئوتومبیلچی 1960، شەش پەنجایی 1960، داربڕ 1967، نەخۆێندەواری 1967، نرخی ئازادی 1971، داوی مەرگ 1972، کۆتایی زۆردار 1973، نیو کاتژمێر 1973، چاوی کوردستان 1973، ورچ 1973، شاخەوانی مەزن 1974، پەیکەر 1974، مانگرتن 1975، ڕێڕەوی گەل 1975، ئۆپەریتی شادی 1977، ئۆپەریتی خۆشەویستی زەوی 1977، لەخۆبایی 1977، منداڵی ژیر 1977، کووپە 1978، پردی ئارتا 1978، چراوگ 1978، ناپلیون 1979، دوو ڕەگ 1979، جوولەکەی ماڵتا 1980، ئۆپەریتی ڕوبار 1980، کەللە سەر، مانگی ئاوابوو، منداڵە بچکۆلەکەو گەشتی چارەنووس، پۆنتیلاو ماتی، کۆشک، دەروێشەکان، سۆناتای مەرگ، دوژمنی گەل، ئۆپەریتی هێلانە، ڕۆژمێری براکان..
لەگەڵ بەرهەمە شانۆیەکانی تیپی نواندنی سلێمانی کە ئەمانە بوون، ،
(گیسک نییە بزنە ساڵی 1969. سەرینی باداری 1969، بلیمەت، گۆڕ هەڵکەن، کاوەی ئاسنگەر، لە سێبەری دڕک دا، لە شێتخانەدا، مەکری ژنان، قڵیشایەوە، نرخی ئازادی، داوی مەرگ، پیری ئاخر شەڕ، ئابلووقە، ماڵی شێتی، دکتۆر پاڵمی، هەڵهاتنی مانگ، سێتای ئاسنین، ئەو پیاوەی خۆی بە بارمتە دانا، قەرەج، کۆشک، شالێر، مەسیح سەر لە نۆێ لە خاچ دەدرێتەوە، سەمایەکی بێ ناونیشان، دایک، مەرگی کورسییەک، کەرنەڤاڵی دەمامکەکان، چیرۆکی خۆشەویستی، پاسەوان، دیڤز... دیڤز، گۆڕستانێکی نۆێ، دەروازە داخراوەکان، جەنابی وەزیر.
بەرهەمە تەلەفیزێۆنیەکان (دەوەن بە ئاشە 1970، خوا لە سوڵتان مەحمود گەورەترە، مشتەی ناو هەمانەکە، مەکری ژنان، لە چایخانەدا، دڵۆپێ خۆێن، تاوان، قەیسەرت لە بیر نەچێ، نرخی ئازادی، بازرگانی شەڕ، هاوڕێ و نیو، ئافرەتی داوین پاک، من کێم، پیری ئاخر شەڕ، دزی زۆرزان، کۆتایی زۆردار، فیلەکەی خاوەن شکۆ، فەچلەی گریق، شەمامەو خاڵ خاڵ، زنجیرە درامای ژاڵە، چارەنووسی ئادەمیزاد، زنجیرەی ڕۆشنا، شۆڕشی گەل، زیندانی ژمارە 13)
سەرجەمی بەرهەمەکانم لە شانۆدا زیاتر لە حەفتاو پێنچ بەرهەمە لە ساڵی 1957 وە دەست پێدەکات تا ئەم سەردەمە، جگە زیاتر لە بیست پێنج بەرهەمی تەلەفیزێۆنی کە لە ساڵی1970 وە دەستمان بە تۆمار کردنی کردووە زۆربەی بەرهەمی تیپی نواندنی سلێمانی یە لە تەلەفزێۆنی بەغدا بەشی کوردی و تەلەفیزێۆنی کەرکووک تۆمار کراوە، جگە لە بەرهەمی درامی نهێنی و وەسێتنامە و شیلەمۆ کە لە کوردستان بۆ کەناڵی ئاسمانی کوردسات تۆمار کراوە. هەروەها کارکردنم لە هەندێک فیلم دا، ئەم بەرهەمانە ڕەنج و ماندوبوونمە لە ماوەی تەمەنی هونەریمدا کە زیاتر لە پەنجا ساڵە، زۆربەی ئەم کارانەشم لە چالاکی قوتابخانەکان و تیپی نواندنی سلێمانی چەندین تیپ و دام دەزگای هونەری تر ئەنجام داوە وەک ئەکتەر یانووسەر یائامادەکەر یا سێنارێۆ نووس و ڕاپەڕێنەری کارە هونەریەکان لەگەڵ ئەم دەرهێنەرانەش بەشداریم کردووە وەک (عومەر عەلی ئەمین، ئەحمەد دەنگ گەورە، ئەنوەر توفی، فەتاح کەریم کاوە، برهان تێچوون، غازی بامەڕنی، سمکۆ عەزیز، عومەر دڵپاک، فازل قەساب، فازل جاف، جهاد دڵپاک
، کەریم عوسمان، جەلیل زەنگنە، ڕزگار کەریم، حسێن میسڕی، بەکر ڕەشید، زاهیر عەبدوڵڵا ڕەش، گەزیزە عومەر عەلی ئەمین، کامەران ڕەئوف، ئازاد حەمە بچکۆل، حسێن نەسڕوڵڵااوی، جەمال محەمەد، بەدیعە دارتاش، بهنام میخایل، ناسر حەسەن، میران عەلی، گە بابان، ڕەفیق چالاک، گە خەلیل) .