ژیاننامە
من لە جەلەولاجەلەولا لەدایک بووم و گەورەش بووم لەخێزانێکی گەرمیانگەرمیانی. باوکم کەسایەتیەک بووە لەکەسایەتیە بەناوبانگەکانی هۆزی زەنگنەزەنگنە لە ناوچەکە. دایکم لەدایکبووی خانەقینخانەقینە، کچی مەلاسەعد حەکیمی خانەقینییە کەیەکێک بووە لە دامەزرێنەرانی پارتی هیواپارتی هیوای ئەوکات. باوکم، (ئیبراهیم فەتاح قادر زەنگەنەئیبراهیم فەتاح قادر زەنگەنە) شیوعیشیوعی بووە و لەسەر سیاسەت 5 ساڵ زیندانی بووە. ئیدی بیری نەتەوەیی و چەپ لەگەڵ پەروەردەکردماندا هەمیشە بوونی هەبووە. بۆ نموونە، ئێمە کە لە ناوچەی تەعریبتەعریب بووین، دوو جار ڕاگوێزراوین بۆ ناوچە عەرەبییەکان، سەرباری ئەوەش 11 خوشک و براین هەر هەموومان ناومان کوردییە و بەدەست عەرەبەوە کە گاڵتەیان پێ دەکردین ناڵە ناڵمان بوو، کەچی شانازیمان دەکرد بەوەی ناومان کوردییە. واتا، ڕەگی هزری چەپ و ناسیوناڵیزم لە دایک و باوکمەوە بۆهاتووە.
لە 1986-1987 ناوم لەهەولێرهەولێر دەرچوو لە زانکۆی سەڵاحەدینزانکۆی سەڵاحەدین کولیژی پەروەردە بەشی بایۆلۆژی. نەمزانیبوو، ئەو ساڵە سەرەتای وەرچەرخانێکی مێژوویی دەبێت لەژیاندا و تاکو ئیمڕۆ شوێنم دەبێت بە هەولێر و گەرمیانی ئازیز بەجێ دێڵم. لە سەرەتای ساڵی 1986 باوکم گیانی لەدەستدا و ئیدی گەورەترین پشتیوان و نزیکترین کەسم لەدەستدا. ئەم ڕووداوە کاریگەریی زۆری هەبوو لەسەر دوارۆژ و کەسایەتیی من. چونکە ئەو پشتیوانییەی باوکم دەیکردم چیتر نەما و وەک هەر کچێکی ئەم کۆمەڵگەیە، زۆر دەرفەت و دەرگام لێداخرا، بۆ نموونە، دووجار دەرفەتی خوێندنم لە ئەورپا بۆ ڕێککەوت نەیانهێشت بچم و گوتیان عەیبە و حەیامان دەچێت.
لە ساڵی 1993 ژیانی هاوسەرگیریم پێکهێنا لەگەڵ کوڕێکی هەولێری خەڵکی گوندێکی لای قوشتەپەقوشتەپە بەناوی (خالید عەبدوڵڵا ئیسماعیلخالید عەبدوڵڵا ئیسماعیل). ئەو کۆلیژی زانستی هەمان زانکۆی خوێندبوو، هەر لەزانکۆش یەکترمان ناسی و یەکترمان خۆشویست.
سەرەتای 1994 کوردییەکەم زۆر خراپ بوو بەهۆی تەعریبەوە بەڵام کە هاتمە هەولێر، وردە وردە تێکەڵاوی سیاسەت و چالاکی کۆمەڵایەتی دەبووم و کوردییەکەشم باشتر بوو. هاوسەرم زۆر هانی دەدام و لەباوکم زیاتر پشتیوانی دەکردم. ئەو کات پارتی کاری سەربەخۆیی کوردستانپارتی کاری سەربەخۆیی کوردستان لە حیزبی شیوعی کوردستانحیزبی شیوعی کوردستان جودابوونەوە. خالید لەگەڵ ئەوان بوو منیشی هاندەدا تا بچمە ڕیزەکانیانەوە و هەر لەوێوە بزاوتێکی ژنانیشمان دەمەزراند.

خوێندن و کار
1994 وەک مامۆستای زیندەوەرزانی لە دارەتوو دامەزرام و ماوەی 5 ساڵ مامۆستا بووم. بەڵام لە1998 ئیدی نەمدەتوانی وەک مامۆستا بەردەوام بم و هەستم دەکرد شوێنی من لەو سیستمەدا نییە بۆیە وازم هێنا و دوو ساڵ لەماڵەوە دانیشتم، خزمەتی کوڕەکەم هاوسەر و خۆمم دەکرد و ڕۆژانە 5-7 کاتژمێرم بۆ خوێندنەوە هەبوو. لەو ساڵانە هاوسەرەکەم کۆلیژی یاسای ئێوارانی تەواو کرد و منیش جگە لەوەی لەمنداڵیەوە حەزم بەخوێندنەوە بوو، باگراوندی مەعریفیم خراپ نەبوو، بەڵام لەو دووساڵەدا، بنەماکانی کۆمەڵناسیکۆمەڵناسی و مێژووی ئیسلام و فکر و فەلسەفە و ئیسلامی سیاسیم خوێندەوە. هەر لەوکاتەوە دەستم بە نووسینی وتار کرد. وردە وردە لە نووسیدا سەرکەوتوو بووم، و شوێنی خۆمم (وەک ناو نەک پلەو پایە) لەراگەیاندنی کوردی بەتایبەت لە هەولێر کردەوە. دوای 2000 ئیتر وازم لەکاری سیاسی و حیزبی هێنا و پتر تێگەیشتم کەمن ناتوانم لەسنووری حیزبێکدا قەتیس بم. ئەوکات زانیم من کەسێکی ئازادیخوازی لیبراڵم و کارم بەحیزب نیە، بەڵام تادەهات ژیان سەختتر دەبوو.
ژیانی تەعریب و توانا و سەلیقەی خۆم وایکرد عەرەبییەکی باش بزانم، سەرەتای نووسینم بە عەرەبی بوو و بۆیان دەکردم بە کوردی، پاشان ماوەی چەند مانگێک لە ڕۆژنامەی خەباتخەبات (ئەوکات عەرەبی بوو) ستوونێکم دەنووسی.
هەر لە 2002دا کۆلیژی ئەدەبیاتی زانکۆی سەڵاحەدین / ئێواران، بەشی کۆمەڵناسیی کردەوە.
لە ساڵی 2010 بڕوانامەی ماستەرم لە زانکۆی کوردستان-هەولێر بەشی کۆمەڵناسی وەرگرت.
ئێستا لە زانکۆی سەلاحەدین بەناونیشانی مامۆستای یاریدەدەر کار دەکەم و لە ڕۆژنامەی باس هەفتانە ستونێک دەنووسم.

کاری ڕاگەیاندن
لە ناوەڕاستی نەوەدەکانەوە تا ئێستا کاری ڕاگەیاندن وەکو پیشەی دوەم دەکەم. لە ڕۆژنامەکانی خەبات (کوردی و عەرەبی)، کوردستانی نوێ، هەواڵ، چاودێر، باس، ستونم نووسیوە. هەروەها لە تیڤی و ڕادیۆش بەرنامەم ئامادەو پێشکەش کردوە.
پسپۆڕییەکان
- جێندەر و فێمینیزمفێمینیزم
- بزووتنەوە کۆمەڵایەتیەکان
- سۆسیۆلۆژیای ئاین.
- ئەندامی کارای ڕێکخراوی کوردیپێدیاڕێکخراوی کوردیپێدیام.
- ناونیشانی لێکۆڵینەوەکەم: بەشداریکردنی ژنان لە بزووتنەوە ئیسلامییەکانی هەرێمی کوردستان. دیراسەیەکی نەقدی بۆ ڕێکخراوەکانی ژنانی سەربە حیزبە ئیسلامیەکان.