1981 لەشاری کەرکووک لەدایکبووە، لەتەمەنی پێنج ساڵییەوە خولیای شیعر نوسینی هەبوەو باوکی بەشیعری شاعیرانی گەورەی کوردی ناساندوە، دەڵێت “خولیای شیعر نوسینم دەگەڕێتەوە بۆ تەمەنی پێنج ساڵی باوکم لەرێی دیوانەکانی نالی و مەحوی و گۆران و سالم، لەڕێی کتێبخانە بچوکەکەیەوە فێری نوسین و خوێندنەوەی کردم”.
مامۆستا عەبدولکەریمی مودەڕیس پەیامی شاعیربونی داوە بەئاوێزان نوری، هاوڕێیەکی هۆنراوەکانی ئاوێزانی بۆ بردووە، ئەویش مژدەی شاعیر بونی داوەتێ، ئاوێزان وتی “لەساڵی 2002 هاوڕێیەکەم شیعرەکانی بردم بۆ مامۆستا عەبدولکەریمی مودەڕیس، ئەویش شەن و کەوی دەکردن و پاش هەڵسەگاندن مژدەی شاعیربونی داوەتێ، دایکیشی هاوشێوەی مامۆستا مودەڕیس پاڵپشتم بوە بۆ شاعیربونم”.
ئاوێزان خاوەنی چوار بەرهەمی ئەدەبییە، سیان لەوانە شیعرن و ڕۆمانێکیشی نوسیوە بەناوی نامەکانی نامۆ، لەسەرەتای پرۆسەی ئازادییەوە ئاوێزانیش ئازاد بوە لەشیعر نوسین، بەجۆرێک هەریەک لە(پیاسەیەک بەکوچەکانی قەدەر)و (بەرسیلە عەشقێک بۆ خودا)و (لەجەستەی گەڵایەکدا دەمرم) بونە بەرهەمە شیعرییەکانی ئاوێزان و کەوتنە بەردیدەی خوێنەرانی.
=KTML_Link_External_Begin=https://www.facebook.com/awezan.nury=KTML_Link_External_Between=facebook/awezan.nury=KTML_Link_External_End=