ناو: ئەحمەد
ناوی باوک: محەمەد
ساڵی لەدایکبوون: 1967
شوێنی لەدایکبوون: سلێمانیسلێمانی
ژیاننامە
ئەحمەد محەمەدی شاعیر، ساڵی 1967 لە گەڕەکی کانێسکانی شاری سلێمانی لەدایک بووە، قۆناغەکانی خوێندنی سەرەتایی و ناوەندیی لە‌ سلێمانی تەواوکردووە.
لە سەرەتای ژیانی گەنجییەوە خولیای دنیای شیعر بووە، لە کۆتایی هەشتاکاندا شیعرەکانی بڵاو کردووەتەوە. خاوەنی چەندین نامیلکەی شیعرییە لەوانە: (عەشقباران، ئەستێرەباران، حۆزگەی وەریو، دەشتی نێرگز، وەرزی گۆچان، هەتاوی سارد).
ئەحمەد محەمەد شاعیرێکی ناوداری کوردستانە، ئەو ڕێچکەیەکی تایبەتی لە شیعر نووسیندا گرتۆتەبەر، ئەویش نووسینی شیعری گۆرانییە، زۆرترین شیعری جوان‌ و ناسکی ڕۆمانسی بۆ گۆرانی نووسیوە. لەم بوارەدا شاسوارێکی بێ‌ هاوتایە. ئەو زیاتر لە 300 تێکستی شیعری لە سەرانسەری کوردستانی گەورەدا کراوە بە گۆرانی، چەندین هونەرمەندی ناودار شیعرەکانیان کردووە بە گۆرانی و ئاوێزانی موزیکیان کردووە و سەدایەکی سیحراویان پێ بەخشیوە.
هونەرمەندانی وەک (کەریم کابانکەریم کابان، ناسری ڕەزازیناسری ڕەزازی، عەدنان کەریمعەدنان کەریم، ئاڤان جەمالئاڤان جەمال، کەمال محەمەدکەمال محەمەد، دیاری قەرەداغیدیاری قەرەداغی، دانا غەنیدانا غەنی، لەیلا فەریقیلەیلا فەریقی، ڕێبوار بەنگینە، هانی موجتەهیدیهانی موجتەهیدی) و چەندانی تر شیعرەکانی ئەویان کردووە بە گۆرانی.
شیعرە جوان و بەرزرەکانی ئەحمەد محەمەد جێگەی سەرنجی شاعیران و هونەمەندانی ناسراوی کوردستان بووە. هەریەک لە (شێرکۆ بێکەسشێرکۆ بێکەس، ئەنوەر قەرەداغیئەنوەر قەرەداغی، بێژەن کامکاربێژەن کامکار، ناسری ڕەزازی، نامدار قەرەداغینامدار قەرەداغی) لە گۆشەنیگایەکی جیاوازەوە، تیشک دەخەنە سەر شیعرەکانی ئەحمەد محەمەد و وەک شاعیرێکی بەتوانا و تایبەتمەندی بواری شیعری گۆرانیی کەم وێنە بۆی دەڕوانن، کە خاوەنی زۆرترین شیعری ئەو بوارە و بێ‌ ڕکابەرە.
شێرکۆ بێکەس بەئارامی شیعری گۆرانی کوردی وەسفی کردووە.
زۆربەی شیعرەکانی ناو ئەو نامیلکانەی کۆکردووەتەوە و لە دوو توێی دیوانێکدا بەناوی (تەمەنتەمەن) چاپ و بڵاوی کردووەتەوە.
چەند ئەلبومێکی شیعرەکانی بە دەنگی خۆی و باست حەمەغەریبباست حەمەغەریب و د. دڵشاد مستەفا و شوان عەتوفشوان عەتوف و ناھد حسێنی و چەندانی تر لەگەڵ موزیکدا بڵاوکراوەتەوە.
چەندین کۆڕی شیعر خوێندنەوەی لە شارەکانی کوردستان و دەرەوەی وڵات سازداوە، جەماوەرێکی زۆر بەشداری کۆڕەکانیان کردووە.
لەپای ئەو خزمەتە زۆرەی لەڕێی شیعرەکانییەوە پێشکەشی کردووە، چەندین خەڵاتی ڕێزلێنانی لەلایەن ناوەندە ڕۆشنبیری و میدیایی و هونەری و زانستییەکانەوە پێ بەخشراوە.
لەلایەن نووسەران و توێژەرانەوە لێکۆڵینەوە لەسەر شیعرەکانی نووسراوە و بەسەرسامی لە جوانی شیعرەکانی ڕاماون! [1]