ئەردەوان عەلی محەمەد کو ب ئەردەوان زاخویی هاتبوو ناسین، ل سالا 1957 ل باژێرێ #زاخو# و تاخێ جوهیا ژ دایک بویە، هەر ژ زاروکینیێ حەژ ل ستران گوتنێ کریە، بەشداریا هن ئاهەنگێن نەورزێ ل زاخو کریە. ل سالا 1979 ل زاخو ژیانا هەڤژینیێ پێک ئینایە و چوویە د ناڤ رێزیێن پێشمەرگێ کوردستانێ دا و ستران ب وەلات و دەردە سەریا مللەتێ خوە گوتیە.
ئەردەوان زاخویی دوو زاروک هەنە ب ناڤێن هوزان و کوڤان، ئێکەم ستران ل سالا 1978 ب ناڤێ دچمە هەوارا خابیری تۆمار کریە، هەر هەمان سالا ئێکەم کاسێت بەلافکرینە.
سترانبێژێ ناڤبری هەتاکو بێ سەرو شوین بویێ (300) ستران هەنە، ل دەمێ کو #پێشمەرگە# بیە و لسەر چایێن کوردستانێ بویە، سترانا چومە چیا، چیا بلندن جانا من تۆمار کریە.
ئەردەوان زاخوی سترانیێن وی سیاسی، شورەشگێریێ و ئەڤینێ بوینە، ل شەڤا 28 ل سەر 29 مەها کانونا دووهەم یا ساڵا 1986 ل ئاهەنگەکێ ل هوتێلا ئەغادیر یا باژێڕێ بەغدا هاتە دەستەسەر کرن و هەتا نها ژی یێ بێ سەروشوینە.
باژێرێ زاخو وەکە رێزگرتن ل ئەردەوان زاخویی، پەیکەرەک ل بەرامبەری پرا دەلال بو چێکری.
هوزان و ئاوازیێن سترانبێژی ژ لایێ (عەبدولعەزیز سلێمان، سەمیر زاخویی، عیسا بەنستانی، خالس خەلیل، شاکر ئاکرەیی، حەبیب کەلەش، سەبڕی بوتانی، نەزیر ڕەمەزان، #حکمەت مەلا یاسین# و #سەباح زاخۆیی#) هاتینە دانان، سەباح زاخویی موزیکڤان و لێدەرێ عودێ د گەلەک ئاهەنگ و ڕونشتناندە دگەل ئەردوان زاخویی کار کریە.