ساڵی (1922 ز.) لە گوندی پریس لە ناوچەی #هەڵەبجە# لەدایک بووە، لای باوکی و مەلا ساڵحی گەورە خوێندویەتی و ئیجازەی زانستی وەرگرتووە، موفەسیر و زانایەکی لێهاتوو خاوەن هەڵوێست و ناسراوی کوردستان و جیهانی ئیسلامییە، چەند بەرهەمی نووسراوی هەیە، بەناوبانگترینیان تەفسیری قورئانی پیرۆزە کە لە دوتوێی پانزە بەرگ و (5400) لاپەڕەدا چاپی کردووە، دەیان زانا لەسەردەستی ئەو ئیجازەی زانستیان وەرگرتووە، چەند جارێک لەسەر هەڵوێستی بوێرانەی لەلایەن حکومەتە یەک لە دوای یەکەکانی ئێراقەوە دەستبەسەر کراوە، لە ساڵی (1987) ەوە ڕابەری #بزووتنەوەی ئیسلامی#ی بووە، لە (12-05-1999) لە شاری دیمەشق کۆچی دوایی کرد. [1]