جەمال حامید ئەسعەد ناسراو بە (جەمال بەختیار )، لە ساڵی 1927ز. لە #سلێمانی# لە دایک بووە، لە ساڵی 1946ز. لەکۆماری #مەهاباد# بەشداری کردووە و پێشەوا #قازی محەمەد# نازناوی بەختیاری داوەتێ، لە ساڵی 1957ز. دا ئەندامی دەستەی بەڕێوەبەرایەتی کۆمەڵی هونەرە جوانەکانی سلێمانی بووە، نیگار کێشێکی ڕیالیست و خۆشنووسێکی بە توانا بووە لە سەرەتای 1940ز. دەستی داوەتە وێنە کێشان، خۆی دەڵێت: من لە تەمەنی 7-8 ساڵییەوە خولیای نیگار کێشان بووم، لە ساڵی 1975ز. کوردستان جێ دەهێلێت بەرەو ئەمریکا و لەوێ سەرۆکی کۆمەڵی هونەرە جوانەکانی کوردە و بەدرێژایی ئەو ماوەیە لە چالاکی نەکەوتووە، وێنەکانی زیاتر دیمەنی سرووشت و ژیانی کوردەواری بە شێوەیەکی ساکار و فۆتۆگرافی کێشاوە.
جەمال بەختیار، دەڵێت: #ڕەفیق حیلمی# بە پیر کارەکانمەوە دەهات و پێشانگای بۆ ساز دەکردین (وێنەیەکی سەڵاحەدینی ئەیوبیی و پێشەوا قازی محەمەدم پێکەوە کردبووە.بارزانی بە تابلۆکەوە منی بردە لای پێشەوای سەرەک کۆمار ئەویش پێی وتم ساڵی داهاتوو، واتە 1947ز. کۆمەڵێک قوتابی بۆ زانکۆی باکۆ ڕەوانە دەکەین، تۆش بچۆ....) ‬
یەکەمین هونەرمەندی کوردە تابلۆکانی وەکوو پۆستەر چاپ کراوە و بووەتە میوانی زۆربەی ماڵی هاووڵاتییانی کورد.
-لە تابلۆ ناودارەکانی (کاوەی ئاسنگەر، ڕزگاری، شۆڕشی دەرسیم، کچە هەورامی، شۆڕشی کورد، گڵکۆی تازەی لەیل، ڕاپەڕینی 1948ز. و #مەم و زین#، کوردستان، جوانیی لادێ‌، بەرەو ڕووناکی- کارەساتی بۆمبابارانی شاری قەڵادزێ، مانگەشەو، بۆردومانی ناوچە ئازادکراوەکان، تابلۆی کچە شۆخ و شەنگی شاری سلێمانی- تابلۆی شیرین تەشی دەڕێسێ.
- ساڵی 1974ز.، کە شۆڕشی کورد دژ بە بەعسی داگیرکەر هەڵگیرسایەوە، ئەم وەکوو پێشمەرگەیەکی هونەرمەند ڕووی کردە شاخ.
- لە ساڵی 1975ز. لەگەڵ خێزانەکەیاندا ڕوویان کردووەتە ئەمریکا.
- لە ئەمریکا بەشداری زۆرێک لە چالاکییە هونەرییەکانی کوردی کردووە و دوو جار تابلۆی تایبەتیی بەخشیوەتە سەرۆکی ئەمریکا.لە ڕێکەوتی #16-10-2020# کۆچی دوایی کردووە.
[1]