شاعیرو نووسەری بواری منداڵان وپەروەردە (مامۆستا ڕەزا شوان) نزیکە نیو سەدەیە لە بواری منداڵان چ بەنووسینی شیعر و چیرۆکی منداڵانە و چ بە ئامادەکردنی بەرنامەی تەلەفزیۆنی و دەرکردنی کتێب و گۆڤاری تایبەت بە منداڵان کە ئەمەش کارێکی ئاسان نییە و بوارێکی سەختە مامۆستا ڕەزا شانی داوەتە بەری وتەنانەت ئێستاش کە لە وڵاتی نەرویژ دەژیت، کۆمەڵەیەکی تایبەتی بەمنداڵان دامەزراندووە و گۆڤارێکی تایبەتیش بەمنداڵانی کورد دەردەکات بەناوی کوردیلەکان بۆیە لێرەدا ڕووی پێنووسەکەم ئاراستەی پەروەردە کەرکووک بەشی زمانی کوردی دەکەم و وێڕای دەسخۆشیم لێیان بۆ دانانی ناوی ناودارانی شاری کەرکووک لەسەر قوتابخانەو خوێندگەکانی کەکوک، هیوادارم ناوی (مامۆستا ڕەزا شوان) لەبیر نەکەن چونکە شایانی ئەوەیە ناوی قوتابخانەیەک یاخود هەر هیچ نەبێ باخچەیەکی ساوایانی بەناوەوە بکرێت...بۆ ئەوەی هەموو لایەک قەناعەت بەوە بێنین ئەو مامۆستایە شایانیەتی لەخوارە هەندێ لەکارو چالاکییەکانی دەخەمە بەردەستی ئێوەو خوێنەرانی ئازیز با کارەکانی سەنگی مەحەک بن..
ئەمەش گوڵبژێریکە لەکارو چالاکییەکانی شاعیرو نووسەر مامۆستا ڕەزا ساڵح عەلی,ناسراوبە (رەزا شوان)
لە ساڵی1946لە دێی (گۆگجە)لەناوچەی (شوان)ی سەربەپارێزگای کەرکووک لەدایک بووە.لە ساڵی1968پەیمانگەی ئامادەیی مامۆساتیان لە (بەعقوبە) تەواو دەکات.کەرکووک.لەساڵی1969تاکو1995مامۆستابووە لەشاری کەرکووک.
.لەساڵی1967تا1995لەرۆژنامەو گۆڤارە کوردییەکان بەردەوام نووسینی هەمەچەشنی بڵاوکردۆتەوە,بەتایبەتی بۆ مناڵان.
.لە ساڵی1970نامیلکەی (هەڵەشەیی)کەکۆمەڵە چیرۆکێکە بۆ منداڵان,بەچاپ گەیاندووە.لە ساڵی1970تاساڵی1973دەبێتەپەیامنێری کەرکووکی هەفتەنامەی (هاوکاری)بەناوی (هیواو شوان).
لە ساڵی1971دەبێتە ئەندامی دەستەی دامەزرێنەری یەکێتی نووسەرانی کورد.
لە ساڵی 1996روو لەهەندەران دەکات ولە ووڵاتی نەرویژ دەگیرسێتەوە.
لە ساڵی
2004 تا
2005 لەشاری (بێرگن)لەنەرویژ ڕادیۆی کوردستان دەکاتەوەو هەرخۆشی هەموو پرۆگرامەکانی ئەو ڕادیۆیە ئامادە ئەکات.
.لە 25 -10-2006 (کۆمەڵەی مناڵانی کورد) لە نەرویژ دادەمەزرێنێت و لەهەمان کاتدا گۆڤاری (کوردیلەکان)دەردەکات و دەبێتە سەرنووسەری گۆڤاری ناوبراو.
لە ساڵی2007لەپێشبرکێی ئەدەبی منداڵان لەلایەن وەزارەتی ڕۆشنبیری حکومەتی هەرێمی کوردستان دووخەڵاتی یەکەمی (چیرۆک و هۆنراوە)ی منداڵان وەردەگرێت.
ئەم کتێبانەشی بەچاپ گەیاندووە (پەندی گەلان)و (بەراوردێک لەنێوان پەندی کوردی دا)
ئا: عەبدولستار جەباری