سنوری کارکردنی لەگەڵ تورکیا و سوریاو ئوردنو ئێراندایە، بەرپرسە لە نەوتی هەشت پارێزگای عێراق و زیاتر لەیانزە هەزار فەرمانبەری هەیەو هەشت وێستگەی بەرهەمهێنانی نەوتی هەیە، کێڵگەکانی بای حەسەن و باباگوڕگوڕ و جمبورو کەرکوک و ئیسماعیل و خەباز دەگرێتەوە. تائێستا دەیان کارمەندی کوژراوە و نۆ کەسیان رفێنراون، لە (2003) بەدواوە تائێستا زیاتر لە (300) هێرشی تیرۆریستی کراوەتە سەر پرۆژەکانیان.
کارمەندانی کۆمپانیاکە بە (10.500) کەس دەخەمڵێنێت، بەڵام رێژەی نەتەوەکانی بەدیاریکراوی لانییە، چونکە لەدوای روخانی رژێمەوە ئەو کارمەندانەی بەهۆی سیاسی دەرکرابوون، گەڕێنراونەتەوەو ژمارەیەک کارمەندیش کە بەزۆری لەنەتەوەی کورد بوون، بەهەماهەنگی لەگەڵ پارێزگارو ئەنجومەنی پارێزگا دامەزراون، لە ئێستاشدا بەڕێوەبەری سێ دەستەی کۆمپانیاکە کوردن.