یەکێکە لە ئێلە گەورەکانی ئیلامی ڕۆژهەڵاتی کوردستان. لە ناوچەی ئەرکەواز یا مەلەکشاهی لە شاری مێهران نیشتەجێن. مەلەکشاهییەکان لە خەڵکە هەرە کۆنەکانی ئەو ناوچەیەن و لە سەردەمانی پێشوودا خۆیان کاروباری خۆیان بەڕێوەبردووە و خودموختاربوون.
خەڵکەکەی بەشێوەیەکی سادە دەژین و پەیوەندی نێوان ئەندامانی ئەم ئێلە پەیوەندییەکی بەهێزە و کەسێک سەرکردایەتیان دەکات، کە پێی دەگوترێ (توشمال) کە دەبێتە کوێخا یاخود خان. داهاتی ئەم ئێلە لە ڕێگەی بەخێوکردنی مەروماڵات و ئاژەڵداریی و کشتوکاڵەوە بەرهەم دێت.
هەروەها کاری دەستیان هەیە و فەرش و لباد و جاجم درووست دەکەن.