ناو: عەبدوڵڵا
نازناو: عەبدوڵڵا سلێمان مەشخەڵ
ناوی باوک: سلێمان محەمەدئەمین
ساڵی لەدایکبوون: 1964
شوێنی لەدایکبوون: #کەرکووک#

$ژیاننامە$
عەبدوڵڵا سڵێمان محەمەدئەمین یان عەبدوڵڵا سلێمان (مەشخەڵ) لە ساڵی 1964 لە شاری کەرکووک لەدایکبووە.
خوێندنی سەرەتایی و ناوەندی و ئامادەیی و پاشان پەیمانگای تەکنیکی لە ساڵی 1986 هەر لە کەرکووک تەواوکردووە.
لە سەرەتای هەشتاکانی سەدەی ڕابردووەوە شیعر دەنووسێت و لە زۆربەی گۆڤار و ڕۆژنامەکانی کوردستان و دەرەوەی کوردستان و سایتە ئەلەکترۆنییەکان شیعر و وتاری ڕەخنەیی ئەدەبی و سیاسی و جەماوەری بڵاو کردۆتەوە. بەشداری چەندین کۆڕی شیعری کردووە لە شاری هەولێر لە ساڵی (1983) و لە شاری کەرکووک لە ساڵی (1985) .
دوو کۆڕی شیعری تایبەتیی کردووە لە شاری ڤانکۆڤەر لە کەنەدا لە ساڵی 2001 و لە ساڵی 2010.
هەروەها دوو کۆڕی تری تایبەتیی شیعر لە کەرکووک لە ساڵی2012 و 2019 ساز کردووە.
لە ساڵی 1987 لەگەڵ جەمال کۆشش و نەوزاد ئەحمەد ئەسوەد (هۆشەنگ) حەلقەی ئەدیبانی کۆمۆنیست دادەمەزرینن و بۆ ماوەی سێ ساڵ 11 ژمارە لە گۆڤاری ڕابەر دەردەکەن.
یەکێک بووە لە دامەزرێنەرانی یەکێتیی بێکاران لە کوردستان لە ساڵی1992.
یەکێک بووە لەو پەنجا ئیمزاکەرانەی وەک دامەزرێنەرانی حیزبی کۆمۆنیستی کرێکاری ئێراق لە ساڵی 1993 حیزبی کۆمۆنیستی کرێکاری ئێراقیان دامەزراند.
یەکێک بووە لە کادرە دامەزرێنەرەکانی بزووتنەوەی بنیادنانی حیزبی کرێکارانی کۆمۆنیست-ئێراق لە ساڵی 1998.
سەرنووسەری چەندین ژمارەی ڕۆژنامەی دەنگی بێکاران-زمانحاڵی ڕێکخراوی یەکێتیی بێکاران لە کوردستان بووە لەنێوان ساڵانی 1992-1994 کە لە شاری هەولێر دەردەچوو.
ئەندامی دەستەی نووسەرانی گۆڤاری هانا خوولی یەکەم و دووەم بووە لەنێوان ساڵانی 1997-2000 و 2017-تا ئێستا 2023 کە لە وڵاتی سوید دەردەچوو و دەردەچێت.
جێی ئاماژەیە لە ساڵی 2019 وە لەگەڵ جەمال کۆشش سەرپەرشتی چوار لاپەڕەی بانیژەی ئەدەب و کلتوور دەکەن لە ڕۆژنامەی ڕەوت کە ڕۆژنامەی ڕێکخراوی بەدیلی کۆمۆنیستییە لە ئێراق.
عەبدوڵڵا سڵێمان (مەشخەڵ) زیاتر لە (10) پەرتووکی ئامادەن بۆ چاپ و ئێستاش نزیک بە (30) ساڵە لە وڵاتی کەنەدا دەژێت.[1]

$پەرتووکە بڵاوکراوەکانی نووسەر$
1- چرای شۆڕش؛ شیعر؛ لەبڵاوکراوەکانی گۆڤاری ڕابەر؛ هەولێر 1989
2- دیوارەکان ئەڕوخێنین؛ وەرگێڕانی بەشێک لە شیعرەکانی برێخت لەژێر ناوی (دلاوەر حسێن) وەرگێڕان لە عەرەبییەوە؛ لەبڵاوکراوەکانی گۆڤاری ڕابەر؛ هەولێر 1990
3- چاوم لێیە؛ شیعر؛ هەولێر 1992
4- چەند گۆرانی یەک لە جەنگەڵستانی ژیانەوە؛ شیعر؛ هەولێر 1992
5- نامیلکەی (دەربارەی قانونی جەمعیاتی حکومەتی هەرێم) ؛ لێکۆڵینەوە-دیداری سیاسی؛ هەولێر 1993
6- نامیلکەی (با ئاوڕێک بۆ دواوە تەکانێک بێت بۆ پێشەوە) لەژێر ناوی (مارف عوسمان) ؛ مێژوویی-سیاسی؛ لەبڵاوکراوەکانی دەزگای چاپ و بڵاوکردنەوەی حیزبی کۆمۆنیستی کرێکاری ئێراق؛ سلێمانی 1993
7- ڕژانی دڵۆپەکانی مەنفا؛ شیعر؛ دەزگای ئاراس؛ 2005
8- بیابانێکی پڕ لە دووکەڵ؛ شیعر؛ وەرگێڕان لە ئینگلیزییەوە؛ دەزگای ئاراس 2006
9- گوڵە مۆرەکان منداڵان؛ چیرۆک؛ وەرگێڕان لە ئینگلیزییەوە؛ دەزگای ئاراس 2006
10- ئەڵاس؛ شیعر؛ وەرگێڕان لە ئینگلیزییەوە؛ دەزگای ئاراس 2007
11- ئاکشن شانۆگەری؛ وەرگێڕان لە ئینگلیزییەوە؛ دەزگای ئاراس 2008
12- لولا و سەگەکەی منداڵان؛ چیرۆک؛ وەرگێڕان لە ئینگلیزییەوە؛ 2009
13- دڵی سەرباز؛ شانۆگەری؛ وەرگێڕان لە ئینگلیزییەوە؛ دەزگای ئاراس 2009
14- ڕاکشان لە تەنیشت تارمایی نیشتمانەوە؛ شانۆگەری؛ یەکێتیی نووسەرانی کورد لقی کەرکووک 2011
15- چواردە شانۆنامە و هەشت چاوپێکەوتن شانۆگەری وچاوپێکەوتن؛ وەرگێڕان لەئینگلیزییەوە؛ دەزگای چاپ و پەخشی سەردەم 2012
16- بەباوەشێک لەفەناوە نیشتمانی زویر ماچ ئەکەم؛ شیعر؛ یەکێتیی نووسەرانی کورد لقی کەرکووک 2012
17- لە کەرکووکەوە بۆ ڤێستەرۆش بەدەم پیاسەوە لەگەڵ سەلام محەمەدی شاعیر؛ بەڕێوەبەرێتی چاپ و بڵاوکردنەوەی سلێمانی 2013
18- باغی ئەزموون و گوڵی فێربوون سەنتەری لێکۆڵینەوەی فیکریی و ئەدەبیی نما 2013
19- پشکۆکانی نێو ئاگردانی یاخیبوون؛ شیعر؛ 2016
20- جەمیل ڕەنجبەر ئەو شاعیرەی ڕۆژێ بێ تێکۆشان نەژیا؛ لێکۆڵینەوە؛ 2018
21- خۆرنشینان بارانی وشە سوورەکان تەڕم دەکا؛ شیعر؛ 2019
22- ئەنتۆلۆجیای شیعری کرێکاریی ناوەندی هونەر و ئەدەبی کرێکاری هانا 2020
23- حەمەزەکی شاعیرێکی عاشق و تێکۆشەرێکی یاخی؛ لێکۆڵینەوە؛ 2020
24- لەودیو پەنجەرەی ڕۆژەکانەوە ڕاوەستاوم و دەڕوانم؛ بیرەوەری؛ 2021
25- نیولیبڕالیزم و ئەدەبی پڕۆڵیتاری کوردی؛ لێکۆڵینەوە؛ لەبڵاوکراوەکانی پڕۆژەی ڕێگە 2021
26- پانزە چرکە شانۆگەری؛ وەرگێڕان؛ لەبڵاوکراوەکانی ماڵی پەرتووک 2021
27- لەخۆراواوە چەند باسێک دەربارەی ئەدب و هونەری خۆراوا بەرگی یەکەم؛ لەبڵاوکراوەکانی ناوەندی هونەر و ئەدەبی کرێکاری هانا 2022
28- دەرباری کار و تێکۆشانی حەلقەی ئەدیبانی کۆمۆنیست و گۆڤاری ڕابەر 1987-1991 لێکۆڵینەوە لەبڵاوکراوەکانی ڕۆژنامەی ڕەوت 2022
29- دوو شانۆنامەی ماریا ئێرینا فۆرنێس؛ وەرگێڕان؛ لەبڵاوکراوەکانی دەزگای چاپ و پەخشی سەردەم 2022
30- مەرکانەیەک خۆشەویستی و ئینجانەیەک لەبۆنی تۆ؛ شیعر؛ 2022
31- سێبەرە بەجێماوەکان شارایەک لە شیعری بیانیی کۆمەڵی شاعیر وەرگێڕان لە ئینگلیزییەوە
32- چەند لاپەڕەیەکی تیکەڵاو کۆمەڵێ نووسەر وەرگێڕان لە ئینگلیزییەوە
33- خوێندنەوە و نیگایەک لە دەق لێکۆڵینەوەی ڕەخنەیی
34- پرسیارەکان بەدوای وەڵامدا دەگەڕێن دیدار و گفتوگۆ
35- پاسارییەک گشت سبەینان ئەڵێت سڵاو چیرۆک بۆ منداڵان وەرگێڕان لە ئینگلیزییەوە
36- پشوو لە بناری گڕکاندا مەری پۆپ ئۆزبۆرن چیرۆک بۆ منداڵان وەرگێڕان لە ئینگلیزییەوە
37- زایەڵەی خەونێکی گەورە پێنج دەقی شانۆیی
38- ڕوانین لە ئیستاتیکای ئەدەب و نووسین فیکری-ئەدەبی
39- پابلۆ نیرۆدا لە بەردەم پرسیارە هەستیارەکاندا وەرگێڕان و ئامادەکردن لە ئینگلیزییەوە.