ناونیشانی پەڕتووک: میرنامە
نووسەر: #جان دۆست#
وەرگێر: #سەباح ئیسماعیل#
2013
ڕۆمانی (میرنامە) وەکو درامایەک وایە کە لە بیست و سێ ئەڵقە پێکهاتووە، لە فەزایەکی سۆفی گەریدا ئاشنامان دەکات بە ڕابردووی خۆمان، بەلۆژیکەوە باسی ئەوە خەمە هەمیشەیی زانا و ڕۆشنبیرەکانی کورد دەکات لە بەرامبەر فەرمانڕەوا و سەرۆک دەسەڵات دارەکان، کە هەمیشە شیری ماڵەوە ڕێوی دەرەوەبوون، (جان دۆست) پێماندەڵێت کە هەر لە دێرزەمانەوە سەرۆکەکانی کورد هەمیشە لەبەرامبەر بێگانەدا ملکەچ بوون لە پێناوی کورسی و ساماندا، دەیان جار چانسی سەربەخۆ بوون هاتۆتە پێشەوە بەڵام ئەوان خۆیان لێدزیوەتەوە بە پاساوی جۆراو و جۆر لە ڕاستیدا ئەم گرفتە هەتا ئێستاش بەردەوامی هەیە. زانا و شاعیر (ئەحمەدی خانی) وەکو پاڵەوانی سەرەکی ڕۆمانەکەیە، هەروەها (جان دۆست) پێماندەڵێت هەر لە دێرزەمانەوە سەرکردەکانی کورد دژی ئەوە بوون خەڵکی هوشیار بێت ویستوویانە هاوڵاتی وەکو کۆیلە مامەڵی لەگەڵ بکرێت و بخەسێرێن لەبەردەم میر و فەرمانڕەواکان. فەزای ڕۆمانەکە زۆر نایابە دەیان چیرۆکی بەتام دێتە ڕێت، وە هەستی بەردەوامی خوێندنەوە هەمیشە ئەتبزوێنێ چونکە بە تەکنیکێکی زۆر نایاب نوسراوە و گرێدانی ڕوداو کارەکتەرەکان زۆر بە لۆژیک کراوە، بە ئاشکرا هەست دەکەیت کە نوسەر زۆر بە سەلیقەوە ئەم بەرهەمەی خولقاندووە و بە جوانی ڕۆچۆتە ناو ناوەڕۆک و پەیامی سەرەکی ڕۆمانەکە. لەسەروو هەموو ئەمانەش توانا و لێهاتووی وەرگێر (سەباح ئیسماعیل) ئەوەندەی تر ڕۆمانەکەی ڕازاندۆتەوە، ئەم شاکارەی وا لێکردووە کە تامی خواردنەوەی ئاوی سارد دەدات لە جامی فافۆندا لە چلەی هاویندا.