خەندان ڕەڤەند گوهەرزی
بەڕێوبەرایەتی گشتیی هاتوچۆی پارێزگای #دهۆک# ئاماری هەشت مانگی ڕابردووی ڕووداوەکانی هاتوچۆی ڕایگەیاند و تێیدا هاتووە کە 831 ڕووداوی هاتوچۆ، بووەتەهۆی کوژران و برینداربوونی نزیکەی سێ هەزار کەس.
ئازاد تاها بەرپرسی بەشی ڕاگەیاندن لە بەڕێوبەرایەتیی گشتیی هاتوچۆی پارێزگای دهۆک تایبەت بەخەندانی ڕاگەیاند : لە هەشت مانگی ڕابردووی ئەم ساڵدا لە سنووری پارێزگای دهۆک 831 ڕووداوی هاتوچۆ ڕویداروە و دوو هەزار و 998 کەسیش بوونەتە قوربانی.
ئازاد تاها ئاماژەی بەوەشکرد کە زۆربەی ئەو ڕووداوانە لە (دهۆک و #زاخۆ# و شێخان و #ئامێدی# و فیشخابوور) ڕویانداوە و لە ئەنجامیشدا 171 کەس گیانیان لەدەست داوە و 2827 کەسیش برینداربوونە.
بەرپرسی بەشی ڕاگەیاندن لە بەڕێوبەرایەتیی گشتیی هاتوچۆی دهۆک ئاماژە بەوەشکرد کە هۆکاری سەرەکیی ئەو ڕووداوانە، خراپیی ڕێگای هاتوچۆ و لاوازی ئاستی هۆشیاری شوفێراو بووە لە کاتی لێ خورینی ئوتومبێلەکانیان. [1]
#09-10-2013#