- سەر لەبەیانی ئەمڕۆ، هۆشیار عەبدوڵڵا، بەڕێوەبەری گشتی کەناڵی KNN و کاندید بۆ هەڵبژاردنی ئەنجومەنی نوێنەرانی عیراق بەهۆی تۆمارکردنی سکاڵایەکی یاساییەوە لەسەر بڵاوکردنەوەی هەواڵێک لە کەناڵەکە، لە بنکەی پۆلیسی سەرچنار دەستبەسەرکرا.
- لەبەردەم پەرلەمانی کوردستان گردبونەوەیەکی ناڕەزایی لە بەرامبەر دواکەوتنی پێکهێنانی حکومەت و دەست بەکارنەبوونی سەرۆکایەتی پەرلەمان بەڕێوەچوو.
- ئۆتۆمبیلێک بە بازگەیەکی هاوبەشدا لە نێوان ئاسایش و پۆلیسی ناوخۆیی دوزخورماتوو، لەسەر ڕێگای سەرەکی دوز_ بەغدا تەقێنرایەوەو بەوهۆیەوە دوو پۆلیس کوژران و 13 کەسیش برینداربوون کە ئاسایشیان تێدایە.
- لەئەنجامی تەقینەوەی دوو بۆمبی چێنراو لە شاری کەرکووک پێنج کەس بریندار دەبن.