روونکردنەوەیەک لە هێزەکانی 70 ی پێشمەرگەوە مستەفای سەید قادر کاندیدی گۆڕان بۆ پۆستی وەزیری پێشمەرگە لە ئاخاوتنێکیدا هەڕەشەی سزادان و نانبڕینی لە فەرماندەو پێشمەرگەکانی سەربە وەزارەتی پێشمەرگە کردووە، ئێمە لە هێزەکانی 70 بەو کاندیدەی گۆڕان بۆ پۆستی وەزیری پێشمەرگە دەڵێن لەکاتی دەستبەکاربوونیدا بڕیارەکانی چەند لە سەر هێزەکانی 80 و زێرەڤانی لەهەولێرو دهۆک جێبەجێ دەکرێ، ئێمەش لە سلێمانی و کەرکووک و گەرمیان و شارەزوور و ڕاپەرین دوو ئەوەندە جێبەجێی دەکەین. بەداخەوە ئێمە وامانزانی کاندیدی گۆڕان بۆ پۆستی وەزیری پێشمەرگە پڕۆژەیەکی نوێی پێ یە بۆ بەهاوچەرخکردنی وەزارەتی پێشمەرگەو پڕچەک کردنی هێزەکانی پێشمەرگەو مەشق پێکردن و ڕاهێنانیان لەسەر شێوازی نوێ سەربازی و باشترکردنی ژیان و گوزەرانیان، نەک لەئێستاوە هێَشتا کە سوێندی یاسایی نەخواردووەو لەپۆستەکەی دەستبەکارنەبووە هەڕەشەی سزای سیاسی و نانبڕین لە فەرماندەو پێشمەرگەکانی سەربە وەزارەتی پێشمەرگە دەکات.
لیوا مەردان چاوشین، یاریدەدەری بەڕێوەبردنی هێزەکانی (70)