یەدەگی نەوتی باشوور و ڕۆژئاوای کوردستان پێکەوە، ڕێژەی لە %3ی یەدەگی نەوتی جیهان پێکدەهێنێت، کە بە 58 ملیار بەرمیل و 6 تریلیۆن مەتر سێجا مەزەندە دەکرێت.
رێکخراوی دۆر کە گرنگی بە کەرتی سامانە سروشتییەکان دەدات لە ڕاپۆرتێکیدا ئاماژە بەوە دەکات کە باشوور و ڕۆژئاوای کوردستان بە کەرکووکیشەوە خاوەنی 58 ملیار بەرمیل نەوت و 6 تریلیۆن مەتر سێجا گازی سروشتین، ئەمەش دەکاتە ڕێژەی %3ی یەدەگی جیهان.
بەپێی ڕاپۆرتەکە نیوەی یەدەگی نەوتی سوریا دەکەوێتە ڕۆژئاوای کوردستان، کە لە 7 کێڵگە پێکهاتوون و خاوەنی یەک هەزار و 270 بیری نەوتن، لەگەڵ 25 بیری گازی سروشتی.
لە ڕاپۆرتەکەدا ئاماژە بەوە کراوە گەر باشوور و ڕۆژئاوای کوردستان بەیەکەوە نەوت هەناردە بکەن، لە کۆتایی ساڵی 2015 دەتوانن ملیۆنێک و 310 هەزار بەرمیل نەوت هەناردە بکەن.
25-02-2015