- شەوی ڕابردوو کاتژمێر 12:36 خولەکی شەو بوومەلەرزەیەک لە پارێزگای هەڵەبجەی دا، لێپرسراوی هۆبەی بوومەلەرزەش لە کەشناسی سلێمانی ڕایدەگەیەنێت بوومەلەرزەکە بە گوڕی 3.4 پلە بە پێوەری ڕێختەر بووە.
- لیژنەی لێکۆڵینەوە لەرووداوی هێرشکردنە سەر پەرلەمانتار عەلی حەمەساڵح لە لایەن دوو پەرلەمانتاری پارتییەوە ڕایگەیاند، ڕاپۆرتێک لەبارەی ڕووداوەکەوە دەدەنە سەرۆکی پەرلەمان و ئەو بڕیاری کۆتایی لەبارەی ڕووداوەکەوە دەدات.
- دەیەمین پێشانگای نێودەوڵەتی کتێب، لەلایەن مەسعود بارزانی سەرۆکی هەرێمی کوردستانەوە کرایەوەو لە پێشانگاکەشدا زیاتر لە 700 هەزار ناونیشانی کتێب نمایشکران.
- کرێکارێکی خەڵکی وڵاتی سوریا، لەکاتی کارکردندا لە بینایەکی شاری هەولێر، کەوتە خوارەوە و بەو هۆیەشەوە گیانی لەدەستدا.