بۆ بەڕێزان لە تۆڕی میدیایی ڕووداو
نامەکەتانم بەدەستگەیشت، کە تایبەت بوو بەو ڕاپرسییەی کە لەلایەن تۆڕی میدیایی ڕووداو ئەنجامدرابوو لەسەر "کەسایەتی ساڵ "، بەپێی ئەو ڕاپرسییە من بوومەتە کەسایەتی یەکەم. لەو ڕۆژە سەخت و دژوارانەی تێکۆشاندا، ئەو خەڵاتە زۆر پڕمانایە بۆ من، کە گەلەکەمان منی بە شایستەی ئەو خەڵاتە بینیوە، ئەوە شانازی و شەرەفێکی زۆر گەورەیە بۆ من. ئەم شانازییە زیاتر لە من، بۆ گەلە تێکۆشەر و خۆڕاگرەکەمانە.
ئەو نازناوەی ئێوە بۆ کەسایەتی من، زیاتر نازناوێکە بۆ گەلە بێوێنەکەمان.
لەسەر ئامادەکردن و ئەنجامدانی ئەو ڕاپرسییە، زۆر سوپاسی هەموو خەباتکارانی تۆڕی میدیایی ڕووداو دەکەم، هەروەها سوپاسی هەموو کەسانی بەشدار و ئەوانەش دەکەم کە دەنگیانداوەتە من و سوپاسی گەلەکەمان دەکەم لە هەر چوار پارچەی کوردستان.
سەڵاحەددین دەمیرتاش
هاوسەرۆکی گشتیی پارتی دیموکراتی گەلان HDP
- 07-01-2016