- ئەمڕۆ بەشێک لە فەرمانبەرانی دادگای چەمچەماڵ بەهۆی پێنەدانی موچەکانیان مانگرتنیان ڕاگەیاند. لە هەڵەبجەش مانگرتن هەر بەردەوامە.
- سکرتێری یەکێتی مامۆستایانی کوردستان بە خەندانی ڕاگەیاند: هیچ زانیارییەکیان نییە لەبارەی وادەی دابەشکردنی مووچەی مامۆستایان، دەشڵێت ئەوە تەنها مامۆستا نییە کەمووچەی دواکەوتووە بەڵکو ئەو دواکەوتنە سەرجەم فەرمانبەران و چین و توێژەکانی حکومەتی هەرێمی کوردستانی گرتۆتەوە.
- لەسەر داواکردنی داگرتنی ئاڵای کوردستان لە لایەن یەکێک لە مامۆستا میسرییەکان کە لە پشتی خوێندکارێکی کوردەوە لە کاتی گفتوگۆی نامەی ماستەرەکەی هەڵیواسیبوو، وەزارەتی خوێندنی باڵا داوای ڕوونکردنەوە لە کونسوڵخانەی میسر دەکات.