ساڵی 1983 لە #قەلادزێ# لەبنەماڵەیەکی کوردپەروەر چاوە گەشەکانی بەدنیا هەڵهێناوە، لەساڵی 1997 لەفەرماندەیی (5)ی #دوکان# بووە بە پێشمەرگە و پاشان گواستراوەتەوە بۆ هێزی تایبەتی فەرماندەیی (1)ی #سۆران#، لەبەر لێهاتوویی خۆی دەکرێتە جێگری کەرت، پاشان لەگەڵ دەستەیەک لە هاوڕێکانی دەگوازرێتەوە بۆ فەوجی (2)ی نیزامی، لەڕۆژی 01-09-2000 وەک سەربازێکی خۆبەخش دەبێتە سەربازی یەکەم و دواتر دەبێتە نائیب عەریف، بەلام مەرگ ڕێگەی پێنەدا پلەکانی سەربازی ببڕێت، بەشداری چەندان داستانی کردووە وەکو (#باڵەکایەتی#، ناوچەی #وەرتێ#، بناری #قەندیل#، ناوچەی #هەڵەبجە# و #هەورامان# بەگشیی).
وەکو لاوێکی خوێن گەرم لەڕێکخستنەکانی پێشمەرگە دەوری بینیوە، شەوی 28\29-03-2003 لەشاخی شەرامی بچکۆلە لەناوچەی هەورامان لەشەڕێکی دەستەویەخەدا بەدەستی تیرۆریستان شەهیدکرا لەگەڵ پۆلێک لەهاوسەنگەرانی گەیشتنە کاروانی نەمران و بوو بەدووەم شەهیدی بنەماڵەکەی.