- هێزە ئەمنییەکانی تورکیا بەرەبەیانی ئەمڕۆ ئۆپەراسیۆنێکیان بۆ سەر بارەگایەکی پارتی دیموکراتی گەل هەدەپە لە شاری ئەستەنبوڵ ئەنجامدا.
- تۆپخانەکانی کۆماری ئیسلامی ئێران ئەمڕۆ دەستیانکردەوە بە تۆپبارانکردنی ناوچە سنورییەکانی هەرێمی کوردستان لەسنوری شارەدێی سیدەکان سەر بە پارێزگای هەولێر.
- یەکێتی مامۆستایانی کوردستان بە کۆی دەنگ بڕیاریدا ساڵی نوێی خوێندن دەستپێنەکات تا دەستکاری لە پاشەکەوتی موچەی مامۆستایان نەکرێت، یەکی مانگی داهاتووشی وەک دوا مۆڵەت بۆ حکومەت دیاریکرد تا وەڵامیان بداتەوە.
- پەرلەمانی عیراق ئەمڕۆ لەکۆبونەوەیەکدا بڕیاریدا لەسەر قەرەبووکردنەوەی دانیشتوانی شارۆچکەی خورماتوو، بەهۆی ئەو ڕوودانەوەکە لەماوەی نۆ مانگی ڕابردوودا لەو شارۆچکەیەدا ڕوویاندا.