بِسْمِ الڵّهِ الرَّحْمَنِ الرَّحِیمِ
الحمد لله ڕب العالمین والصلاە و السلام علی ڕسوله اڵامین محمد وعلی اله وصحبه اجمعین.
(ۆتِلْکَ الْقُرَی أَهْڵکْنَاهُمْ ڵمَّا ڤَڵمُوا ۆجَعَلْنَا لِمَهْلِکِهِم مَّوْعِدًا) الکهف/59
بۆ هێژا مەسعوود بارزانی سەرۆکی پارتی دیموکراتی کوردستان/ عێراق.. بەڕێز
لە کرێکار ئەمیری (رەوتی شاخ)ی کوردستانەوە.
بە سینەفراوانییەکی دیندارانەو بە گیانێکی بەرپرسێتی واقیعناسیی کوردستانیانەوە زیاتر لە سێزدە ساڵە چاوەڕوانی کەمکردنەوەی تین و فشاری دەزگا حزبی و حکومەتەکانتانین لەسەر گەنجی دینداری ژێر دەسەڵاتی پارتەکەتان، کە لە دوای ئیحتیلالەوە زۆر زیادی کرد، بە تایبەتی لەسەر زیندانیانی بێ مافی زیندانە حزبی و (حکومیی)ەکانتان، لە پێش هەمووشیانەوە ئەمیری زیندانیانی فیکر لە کوردستان کاک وەلید زاخۆیی (ئەبو خوبەیب) کە لە ساڵی 1999 وە لە نزیکی سایلۆی هەولێر دەزگای پاراستنتان فڕاندیی و تا ئێستاش بێ تاوانبارکردن و دادگایی کردن هەر زیندانەو ئێستا وەزنی لەشی سی و هەشت کیلۆگرامی ماوەتەوە! ئەمە لە زیندانیانی نازییەکان و سربییەکان دەچێت.. هەروەها مامۆستای موجاهید ئاسۆ هەولێریی کە بە بێ تۆمەتبارکردن و دادگاییکردن زیاتر لە دە ساڵە لە زیندانەکانتاندایە.. دایکی بەوەفای بە سەکتەی دەماغ کۆچی دواییکرد، نەتانهێشت بۆ سەعاتێک بێتە دەرێ مەیتی مەرحوومەتان بۆ بردە زیندان بیبینێت! وا پێرێش کوڕی جوانەمەرگی (ئومێد) هەر بە سەکتەی دەماغ گیانی سپاردو نەتانهێشت بۆ سەعاتێکیش بێت بێتە دەرەوەو مەیتەکەیتان بۆ بردە زیندان تا بۆ دواجار چاوی پێبکەوێت!! ئەمانە نموونەی ئەو هەموو زوڵم و ستەمەن کە لەسەر ئەهلی ئیسلامتان کەڵەکە کردووە..
زیاتر لە بیست ساڵە ئێوە حاکمی موتڵەقی ناوچەکانی ژێر دەسەڵاتتانن، کەچی ئەوەی زیاد دەکات سیماو سیفاتی گەندەڵیی فیکرو مەغروورێتی حوکمڕانی و دیکتاتۆرێتی سیاسەت و شاردنەوەی سامانی بەیتولمال و برسیکردنی خەڵکی و پووکانەوەی قیەم و شیرازەپسانی خێزان و غەریب کەوتنی کۆمەڵگەی کوردستانییە! ئەمە جگە لە زیادبوونی گیانی شەقاوەیەتی خەڵک کوشتن و ئەشکەنجەی سادیزمیی و ئیعدامی بێ دادگایی..
کۆمەڵگەی کوردیی لە ژێر سایەی عەلەمانیەتی ئێوەو یەکێتییدا بووە بە باخی بێ پەرژین و ساحەی ساغکردنەوەی ململانێی هێزی دەرەکیی، گەنجی کورد کراوە بە (جنود بلا حدود)..
هەموو ئەمانە لە کاتێکدایە کە نابینا سۆزدارانە بە گوێی خەڵکییدا دەدەن کە گوایە زۆرتان نەماوە بۆ دامەزراندنی دەوڵەتی کوردیی!! هەموو ڕۆشنبیرێکی کوردییش - هەر دیدو ئایدیایەکی هەبێت - دەزانێت ئەمە دیدی لێڵی ڕێبواری دەشتی بێروون و سەرابی ماندووی تینووە! دەوڵەت لەسەر چ بنەمایەک دادەمەزرێنن کە حکومەتێکتان پێ دانەمەزرا تەلەفزیۆنێکی هاوبەشی هەبێت؟!!
جەنابی کاک مەسعوودی بەڕێز
فەرمانێکی بەرپرسانەی مێژوویی بۆ ئیدارەی ژێر دەسەڵاتی حزبەکەت دەرکە با چیدیی مامۆستایانی ئایینی و داعیانی ئیسلام نەچەوسێننەوە، چونکە شەڕی ئیسلام بە دەسەڵاتدارانی ڕقنی مێژوو - وەکو کۆمۆنیزم و کەمالیزم و ناسریزم و هاوشێوەیان- نەکرا، بە تەئکید بە عەلەمانیەتی داماوی کوردییش ناکرێت..
سیاسەتمەدارو خاوەن بنەماڵەی بەڕیز
ئەم شەڕە بێ ئامانە دژی ئەهلی ئیسلام لە هەولێرو ناوچەکانی ژێر دەسەڵاتتدا بوەستێنە.. زیندانیانی سیاسیی ئازاد کەو بوارێکی تەواو بۆ ئازادی بیرو ڕا دەربڕین بڕەخسێنە.. ڕێ لە دزیی و گزیی بگرەو نان و ئەمان بۆ دانیشتوان دەستەبەر کە، گوێ لە ڕای جیاواز بگرەو بزانە کە پێکەوەنانی دەوڵەتی کوردیی دیدو ڕەنج و ووزەی هەمووانی دەوێت..
خوای گەورە ڕێی ڕاست و ڕای دروستتان نیشاندات و ڕێنمایی خێرخوازیتان بکات.. ئامین
والسلام علیکم ورحمە الله وبرکاته
کرێکار
هەینی/ شەعبانی 1437ک
13-05-2016