دواڕۆژ، کۆچەر عەلی
پۆلیسی هەولێر ڕایدەگەیەنێت، لەماوەی چوار مانگی ڕابردوودا 21 تاوانی دزی و کوشتن لە سنوری پارێزگاکەیاندا ڕوویانداوە و بەهۆیەوە 27 کەس دەستگیرکراون.
هۆگر عەزیز، وتەبێژی پۆلیسی هەولێر ئەمڕۆ شەممە 13ی ئایاری2017 لە کۆنگرەیەکی ڕۆژنامەوانیدا ڕایگەیاند، لە سەرەتای مانگی کانوونی دووەمی
2017 تاوەکو ئەمڕۆ لە سنوری پارێزگای هەولێر 21 تاوانی دزی و کوشتن ڕوویانداوە و بەوهۆیەوە 27 کەسی تۆمەتبار دەستگیرکراون.
هۆگر وتیشی، تاوانەکان بەمشێوەیە ئەنجام دراون، تاوانبار (ز.ع.ع) 31 ساڵ پیشە کاسب 41 بتڵی غازی ماڵانی دزیوە، تاوانبار (ح.ع.ش) تەمەن 32 ساڵ، پیشە کاسب 22 هەزار و 700 دۆلاری ئەمەریکی و 12 ملیۆن دینار و 35 مسقال زێری لەپیرمام دزیوە، (ا.ل.ع) تەمەن 20 ساڵ و پیشە کاسب جامی 11 پاسی گواستنەوەی نەفەری شکاندووە و بڕی 4 ملیۆن و دەمانچەیەکی لەناو ئه و پاسانە دزیوە، تاوانبار (م.ش.م) تەمەن 28 ساڵ پیشە کاسب ئۆتۆمبێلێکی لەجۆری ڤیکترا لە قەزای خەبات دزیوە، لەکانی قرژاڵەش کەسێکی تر بەناوی (ا.ن.ص) تەمەن 27 ساڵ کاسب بڕی دوو هەزار و 400 دۆلاری ئەمەریکی و زێری دزیوە و هەروەها تاوانبارێکی تر بەناوی (ه.ی.ا) تەمەن 25 ساڵ پیشە کاسب هەستاوە بە دزینی بڕی 550 هەزار دۆلار و بڕێک زێر لە قەزای خەبات.
ئەوەشی خستەڕوو، تاوانبارێکی تر بەناوی (ی.ه.ج) تەمەن 24 ساڵ پیشە کاسب ژمارەیەک مۆبایلی لەقەزای بنەسڵاوە دزیوە، تاوانبار (م.ب.ع) تەمەن 23 ساڵ پیشە کاسب بڕی 20 هەزار دۆلاری لەشاری زەیتون دزیوە، تاوانبار (ا.س.ص) تەمەن 26 ساڵ پیشە کاسب هەستاوە دزینی کۆتری گرانبەها و 19 سەر ئاژەڵ لە گەڕەکی 55ی ماردین، (س.ع.ح) تەمەن 22 ساڵ کاسب بەهاوکاری (ا.ا.م) دزینی 66 ئامێر مۆبایل و سێ ئایپاد لەکۆڕی، (ا.ه.م) پیشە کاسب هەستاوە بە دزینی 3 قاسە کە 60 هەزار دۆلاری ئەمریکی تێدابووە لەشەقامی 30 مەتری، (ش.ب.ع) تەمەن 21 ساڵ پیشە کاسب هەستاوە بەدزینی ئۆتۆمێبلی هایلۆکس و دێر لەناو چەند پێشانگایەک لەدریم ستی، (ر.ه.ع)یش هەستاوە بەدزینی 12 ملیۆن دینار لەگەڵ ئۆتۆمبێلێک لەجۆری ڤیکترا لەچەند شوێنێکی جیا، تاوانبار (ا.ا.ح) لەگەڵ تاوانبارێکی تر 60 مسقال زێر و 60 هەزار دۆلاریان دزیوە، تاوانبار (س.ع.ق) تەمەن 22 ساڵ پیشە کاسب هەستاوە بەدزینی سەرە مەنهۆل، و (ق.م.م) 36 ساڵ کاسب، (ف.ع.ح) 33 ساڵ کاسب 10 تەلەفزیۆن و عامود و موەلیدە لەمەزرعەکان بردووە.
وتەبێژی پۆلیسی هەولێر وتیشی، سێ کەسی تریش بەهۆی تەقەکردن و دزینی کەلوپەلی تر و تەقەکردن بەسەرخۆشی دەستگیرکراون.
13-05-2017