دواڕۆژ، عەلی حەمە سەعید
جێگری پارێزگاری #هەڵەبجە# ئاشکرایدەکات، بەمەبەستی ئاگاداربوون له و داهاتەی کە لە خاڵە سنورییەکانی پارێزگای هەڵەبجەوە بەدەستدەێت، چەند بازگەیەک لە خاڵە سنورییەکان دەکەینەوە و بەڕێوەبەری ناحیەی بیارەش ئەوە دەخاتەڕوو لەمەودوا داهاتی هەڵەبجە ئاشکرا دەبێت و تەنها لە شەش مانگی ئەمساڵیشدا 18 هەزار و 500 تۆن کاڵاوشمەک لە مەرزی شۆشمێ هاوردەکراوە.
کاوە عەلی، جێگری پارێزگاری هەڵەبجە بە دواڕۆژی ڕاگەیاند: هەرچەندە تا ئێستا لە سنوری پارێزگای هەڵەبجە بەڕێوەبەرایەتی گومرگ نەکراوەتەوە بەوهۆشەوە نازانرێت داهاتی پارێزگاکە چەندە، لە هەوڵی ئەوەداین بۆ دانانی چەند بازگەیەکی گومرگی و کردنەوەی بەڕێوەبەرایەتی گومرگ.
ئاماژەی بەوەشکرد، لەگەڵ وەزارەتی ناوخۆی حکومەتی هەرێم کۆبوینەتەوە و گفتوگۆمانکردووە لەبارەی کردنەوەی چەند بنکەیەکی تایبەت بە گومرگ لە سنورەکەدا بۆ ئەومەبەستەش لای خۆمانەوە شوێنی دانانی ئه و بنکانەمان دیاریکردووە کە دەکەونە خاڵە سنورییەکانەوە بەتایبەت مەرزی بازرگانی شۆشمێ لە ناوچەی هەورامان و مەرزی سازان ئەوەشمان بە نوسراوێکی فەر ئاڕاستەی بەڕێوەبەرایەتی گشتی گومرگ کردووە.
هاوکات حەمید بارام، بەڕێوەبەری ناحیەی بیارە، کە مەرزی شۆشمێ ی تیادایە بە دواڕۆژی ڕاگەیاند، تا ئێستا هەرچی داهاتی مەرزە سنورییەکانی هەڵەبجە هەیە ڕاستەوخۆ دەگڕێته و سەر بەڕێوەبەرایەتی گشتی گومرگی پارێزگای سلێمانی، به و هۆیشەوە نازانرێت داهاتی ڕاستەقینەی هەڵەبجە چەندە، بەڵام دەکرێت لەمەودوا داهاتی ڕاستەقینەی خۆمان بزانین.
ئاماژەی بەوەشکرد، ڕۆژانە بە دەیان ئۆتۆمبیلی بارهەڵگر لە مەری شۆشمێ هاتوچۆی ئێران دەکەن و کاڵای ئێرانی هاوردە دەکەن، هاوکات وەرگرتنی باج و گومریکش پەیوەندی به و بازگانەوە هەیە کە ڕاستەوخۆ سەربە بەڕێوەبەرایەتی گشتی گومرگی سلێمانین بۆیە تا ئێستا نازانین داهاتی خاڵە سنورییەکانی هەڵەبجە چەندە بووە.
لای خۆیەوە نەوزاد هادی، لێپرسراوی هۆبەی کەرەنتینەی کشتوکاڵی مەرزی شۆشمێ، بۆ دواڕۆژی ڕونیکردەوە، لەمساڵدا ڕێژەیەکی بەرچاو هاوردەکردن زیادی کردووە، بەجۆرێک لە شەش مانگی سەرەتای ئەمساڵدا زیاتر لە 18 هەزار و 500 تۆن کاڵا لە ئێرانەوە هاوردە کراوە، لە کاتێکدا لەشەش مانگی سەرەتای ساڵی ڕابردوودا تەنها دوو هەزار و 121 تۆن هاوردە کرابوو.
ئاماژەی بەوەشکرد، لە مەرزی شۆشمێ هیچ کاڵایەک هەناردەی ئێران ناکرێت و ئه و کاڵایانەشی کە هاوردە دەکرێن بەگوێرەی جۆر و بڕی کاڵاکان لەلایەن بنکەی گومرگی تەویڵەوە باجییان لێوەر دەگیرێت و ڕاستەوخۆش ڕەوانەی خەزێنەی حکومەت دەکرێتەوە.[1]
14-09-2017