23-09-2017
باشووری کوردستان
- کوردستانییانی دەرەوەی باشووری کوردستان دەتوانن بەشێوەیەکی ئەلەکترۆنی لە ماڵپەڕی: https://www.e-voting.krd دەنگ بدەن.
- شەوی ڕابردوو لە کەناراوەکانی نێوان تورکیا و ڕۆمانیا یەختێکی پەنابەرپەنابەرانی باشوری کوردستان بە 70 سەرنشینەوە ژێر ئاو کەوت کە زۆرینەیان هاوڵاتیانی هەرێمی کوردستان بوون، بەگوێرەی زانیارییەکانیش تائێستا 40 کەس ڕزگارکراون 21 کەسی تر خنکاون.[1]
- شاندی باڵای هەرێمی کوردستان گەیشتە شاری بەغدا.[2]
- لە پەڕڵەمانی کوردستان دەستلەکارکێشانەوەی بیار تاهر سەعید دوسکیبیار تاهر سەعید دوسکی لەفراکسیۆنی پارتی دیموکراتی کوردستان خرایە دەنگدانەوە و دەستلەکارکێشانەوەکەی بە زۆرینەی دەنگی ئامادەبوان پەسەندکرا.[3]
- سوپاسالاری عێراق گەیشتە تورکیا و لەگەڵ سوپاسالاری ئەو وڵاتەدا کۆدەبێتەوە.[2]
- بینالی یڵدرم، سەرۆکوەزیرانی تورکیا سەبارەت بە هەڵوێستی وڵاتەکەی لەبەرامبەر هەرێمی کوردستان لەکاتی بەڕێوەچوونی ڕیفراندۆمڕیفراندۆم گوتی: چوار بژاردە لە دژی بەڕێوەچوونی گشتپرسی لە باکووری عێراق دەگرینەبەر و گوتی: لەڕووی دیپلۆماسی، سیاسی، ئەمنی و ئابووری وەڵامی بەڕێوەچوونی گشتپرسی لە باکووری عێراق دەدەینەوە.[5]
- بەپێی میدیاکانی یەکێتی، بافڵ تاڵەبانی لەپەیامێکدا ئاماژەی بەوەکردووە، کە یەکێتیی نیشتمانیی کوردستان و پارتی دیموکراتی کوردستان، ڕێککەوتون. کە ئایندەی سیاسی کوردستان و گەلەکەيان پێویستی بە دانوستانی جدی هەیە لەگەڵ بەغدا. ئەوە لەکاتێکدایە میدیاکانی پارتی دەڵێن، تائێستا هیچ ڕێککەوتنێک نەکراوە بۆ دواخستنی ڕیفراندۆم.[3]
- سوپای پاسدارانی ئێران تۆپبارانی گوندەکانی سنوری باڵەکایەتیباڵەکایەتی دەکات.[2]
- ئەمڕۆ لە بینای بەڕێوەبەرایەتی گشتی کاروباری شەهیدان و ئەنفالکراوانی هەڵەبجەهەڵەبجە، بۆنەی تێپەڕبوونی 16ساڵ بەسەر شەهیدکردنی 43 پێشمەرگەی یەکێتیی نیشتمانیی کوردستانیەکێتیی نیشتمانیی کوردستان لەلایەن تیرۆریستانی جوندولئیسلامجوندولئیسلامەوە لە گوندی خێڵی حەمەخێڵی حەمەی سەر بەپارێزگای هەڵەبجە، مەراسیمێکی تایبەت به و بۆنەیەوە بەڕێوە چوو.[4]
- ئێوارەی ئەمڕۆ کاتژمێر 4:00 لە شەقامی سالم (سەهۆڵەکەسەهۆڵەکە)ی شاری سلێمانی، بە دەستپێشخەریی ڕێکخراوی ژنانی گەنجی تێکۆشەر و بە بەشداریی تەڤگەری ئازادیتەڤگەری ئازادیی کۆمەڵگای کوردستان و ڕێکخراوی ژانانی ئازادی کوردستان (ڕژاکڕژاک) و ژمارەیەک لە کەسایەتی و چین و تویژە جیاوازەکان، گردبوونەوەیەک بۆ شەرمەزارکردنی کۆمەڵکویی شیلادزێشیلادزێ لەلایەن دەوڵەتی تورکەوە، ئەنجامدا.[4]
- ناوەندی سەربەخۆیی کوردستان لە سلێمانی، دژ بە بریارێکی ئەنجومەنی ئاسایش و هەڕەشەکانی حکوومەتی عەبادی بۆ پڕۆسەی ڕیفراندۆمی سەربەخۆیی کوردستان، خۆپیشاندانێکی ناڕەزایەتیان ئەنجام دا.[6]
- دوای کۆتاییهاتنی کۆبوونەوەکانیان لەگەڵ شاندی کوردستان، نوێنەری شاندی هاوپەیمانی نیشتمانی (شیعەشیعەکان) لە کۆنگرەیەکی ڕۆژنامەڤانیدا ڕایگەیاند بەداخەوە گفتوگۆکانمان لەگەڵ هەرێمی کوردستان هیچ ئەنجامێکیان نەبوو.. ئەگەر هەرێمی کوردستان گشتپرسی هەڵنەوەشێنێتەوە ئێمە ئامادەنین جارێکی دیکە گفتوگۆیان لەگەڵ بکەین.[5]
رۆژئاوای کوردستان
- ئۆپەراسیۆنی گەردەلوولی جزیرەجزیرە بۆ ڕزگارکردنی ڕۆژهەڵاتی دێرەزۆر بەردەوامە و شەڕڤانشەڕڤانانی ئەنجومەنی سەربازی دێرەزۆر زەبری قورس لە چەتەکانی داعشداعش دەدەن، کاتژمێر 09:50 خولەکی سەرلەبەیانی کۆمپانیای عەزبە و کۆنیکۆ لە چنگی چەتەکان ڕزگار کرا.[4]