چرا هەڵبڕە گوی تێدا ماوە
مەگەر گوی تێدا مابێت، هەردوو ئيديۆم لە گوزارشتدا بەيەک دەچن بەڵام ئيديۆمی يەکەم نەرمترە و ئيديۆمی دووەم هەندێک توندترە، بۆ نمونە لەکارێکدا سەرکەوتوو نەبيت و کات و بواری سەرکەوتن زۆر کەم مابێتەوە پێت بووترێت هەولێکی تری بۆ بدە له و حاڵەتە دەوترێت چرا هەڵبڕە گوی تێدا ماوەتەوە واتە فريای هيچ ناکەويت و هيچ نەماوەتەوە، بەڵام لەحاڵەتی دووەم مەگەر گوی تێدا مابێت، بۆ پەيوەنديەک لەنێوان دوو کەس کە هيچ بواری برادەرێتی و هاوڕێيەتی تێدا نەمابێت، يان بۆ چاککردنەوەی بارێک يان کارێک يان هاوڕێيەتيەک يان بەرهەمێک پێت بڵێن ئه و کارە بکە بۆ تۆ باشترە تۆش بڵێی بەخوا بابە هيچی تێدا نەماوەتەوە مەگەر گوی تێدا بێت.