کراست جاو بێت مێردت جوان بێت
قوماشی خام و جاو پارچە پەڕۆيەکی سپیيە و ڕەنگدەکرا هەرزانترين جلوبەرگ بوو، مێردی جوان مەبەست شێوە و ڕووخساری جوان نەبوو بەڵکو واتە گەنج و لاو و خورت بێت، ئينجا ئەم قسە و ئيديۆمە زياتر لە زاری ئەو ژنانەوە دەهاتە دەر کە مێردەکانيان هەبوو و خاوەن مێگەڵ و مەڕ و ماڵات و دەوڵەمەند بوون کەچی تەمەنيان ڕۆيشتبوو واتە بەساڵاچووبوون هيچ سوديان لەو دەوڵەمەنديیە وەرنەگرتووە مادامەکی پياوەکانيان پير و هەمڕازيان پشمين و کۆکە بووە نەيانتوانيووە ئەوديو ئەمديويان بکەن. [1]