ڕێوی گەزيزە خواردوو تولەک دەردەکات
گەزيزە، گوڵێکی جوانی کوێستانيە و تولەکيش واتە گەنجی تازە پێگەيشتووی بێ موو، هەندێجاريش لە باڵندە دا واتە پەڕی بێچوەيی و گەندە پەڕە پێگەيشتوەکانی لێ بۆتەوە و تازە تولەکی داوە واتە دەچێتە قۆناغێکی جوانترەوە، بە تەوسەوە بەکەسێکی نابوت و ڕيويلە و تاژيلەيی و لاواز و ڕەقەڵە دەوترێت کەتازە هەست دەکەيت وەک گەنجە بێ مووەکە و کۆترە تولەکەکە قرێش وکرێش و لاوازی نەماوە و ڕەنگی تازەی هاتۆتەوە بەر و جوان بووە، دەبێت کەوتبێتە ناز و نيعمەتێکيشەوە چونکە ڕێوی گوڵە گەزيزەی بەدەست کەوتووە وەک چۆن ووتراوە هەنگوينی بەدارەوەی دۆزيوەتەوە.