- جەماوەری وڵاتپارێزی کوردستان...
- کەس و کارو بنەماڵەی سەربەرزی شەهیدانی کوردستان...
پاشنیوەڕۆی ڕۆژی دووشەممە ڕێکەوتی 22-1-2018، ئێمە ئەو حزب و لایەنە سیاسييانەی کوردستان کەوا لە خوارەوە ناومان هاتووە سەبارەت بە هەڕەشەو هێرشەکانی تورکیا بۆسەر شاری #عەفرین# و ڕۆژئاوای کوردستان و هاتنەپێشی ئەگەر و پێشهاتەکان، لە شاری #هەولێر# لە بارەگای مەکتەبی سیاسیی یەکێتی نەتەوەیی دیموکراتی کوردستان YNDK کۆبووینەوە، لە کۆبوونەوەکەدا بەوردی هەڵوەستە لەسەر ئەم پرسە کرا و شرۆڤەکرا.
بە باوەڕی ئێمە؛ هەڕەشەو هێرشی ڕژێمی تورکیا بۆ سەر شاری عفرین و ڕۆژئاوای کوردستان، ڕۆژئاوای کوردستانی خستۆتە ڕەوشێکی زۆر دژوار، بەتایبەت ئەوەی ئێستا کەوا بەرامبەر کانتۆنی عفرين دەگوزەرێ لە جینۆسایدێکی دیکە نزیکدەبێتەوە، تاوانێکە بەرامبەر تەواوی پێکهاتەکانی ڕۆژئاوای کوردستان ئەنجامدەدرێت، بۆیە ناکرێ لە ئاست ئەو کارەساتە چاوەڕوانکراوەدا بێدەنگ بین، ئەو هێرش و موشەکبارانکردنە دڕندانەیەی کەوا لەلایەن تورکیاوە دەکرێتە سەر هاوڵاتیانی سڤیلی عفرين پیلانێکی داڕێژراوەو درێژکراوەی ئەو پیلانەیە کەوا بەرامبەر باشووری کوردستان ئەنجامدرا، ئێمە لە کاتێکدا ئەو هەڕەشەو هێرشانە بەتوندی ئیدانە و مەحکووم دەکەین، لەهەمان کاتدا پشتیوانی تەواوی خۆمان بۆ خەباتی ڕەوای گەلی ڕۆژئاوای کوردستان و بەرخودانی دلێرانەی یەکینەکانی پاراستنی گەل YPG و یەکینەکانی پاراستنی ژن YPJ ڕادەگەیەنین و، بەهەموو لایەکی ڕادەگەیەنین کەوا بێدەنگ نامێنین و هەموو هەولێکمان دەخەینە گەڕ و هەموو ڕێگایەک دەگرینەبەر بۆئەوەی فشاری مەدەنییانە دروست بکەین تا کۆمەڵگای نێودەوڵەتی بەهانای خەڵکی (عفرين)ەوە بێن و لەو مەرگەساتە چاوەڕوانکراوەدا ڕزگاریان بکەن.
لێرەوە بانگ لە کۆمەڵگای نێودەوڵەتی و نەتەوە یەکگرتووەکان UN و ئەنجوومەنی ئاسایشی نێودەوڵەتی و تەواوی ڕێکخراوە نێودەوڵەتییەکان و، بەتایبەت ڕێکخراوەکانی مافی مرۆڤ دەکەین کەوا بە هانای خەڵکی (عفرین)ەوە بێن و بێدەنگ نەمێنن، ناکرێ لەوێ شارێک وێران بکرێت و خەڵکەکەی جینۆساید بکرێت و کۆمەڵگای نێودەوڵەتیش بێهەڵوێست بێت، هەروەها داوا لە وڵاتانی زلهیزو کۆمەڵگای نیودەوڵەتی دەکەین کەوا بەپیر داوای فەرەنساوە بێن بۆ کۆبوونەوەی ئەنجوومەنی ئاسایشی نێودەوڵەتی، بۆئەوەی سنوورێک بۆ دەستدرێژییەکانی تورکیا گەلی ڕۆژئاوای کوردستان دابنرێت، بێگومان بێدەنگبوونی نەتەوە یەکگرتووەکان UN و کۆمەڵگای نێودەوڵەتی بەرامبەر هەڕەشەو هێرشەکانی سەر گەلی کوردستان دژی بنەماکانی پەیماننامەی نەتەوە یەکگرتووەکان و جاڕنامەی جیهانی مافی مرۆڤ و تەواوی پرەنسیپ و بەها دیموکراتییەکانه، ڕیز لەو پەیماننامەو جاڕنامە نیودەوڵەتییانە بگرن کەوا خۆیان ئیمزایان کردووە، بۆیە ئەگەر کۆمەڵگای نێودەوڵەتی ڕێز لە مرۆڤ دەگرێت پێویستە مرۆڤی کوردستان لەو هەڕەشەو هێرش و مەترسییانە بپارێزێت کەوا ڕووبەڕوویان بۆتەوە.
- سەرکەوێ ئیرادەی هەقخوازانەی گەلی کوردستان.
- نەمری و سەربەرزی بۆ تەواوی شەهیدانی ڕێی سەرخۆبوون و ئازادی کوردستان.
- مردن و ڕووڕەشی بۆ داگیرکەرانی کوردستان.
حیزب و لایەنە سیاسییەکانی بەشداربووی کۆبوونەوە:
１- یەکێتی نیششتمانی کوردستان
２- بزووتنەوەی گۆڕان
３- حزبی شیوعی کوردستان
４- یەکێتی نەتەوەیی دیموکراتی کوردستان YNDK
５- حزبی زەحمەتکێشانی کوردستان
６- حزبی سۆسیالیست دیموکراتی کوردستان
７- پارتی کرێکاران و ڕەنجدەرانی کوردستان
８- بزووتنەوەی دیموکراتی گەلی کوردستان
９- کۆما جڤاکێن کوردستان KCK
１０- پارتی یەکێتی دیموکراتی کورد لە سوریا (یەکێتی)
１１- حزبی پێشڤەڕۆی دیموکراتی کورد لە سوریا
１２- پارتی یەکێتی دیموکرات PYD
１３- کۆمەڵەی زەحمەتکێشانی کوردستان
１４- هەڤبەندی نیشتیمانی کورد لە سوریا (HEVBENDI)
１５- کۆمەڵە – ڕێکخراوی کوردستانی حزبی کۆمۆنیستی ئێران
１６- حزبی دیموکراتی بێت نەهرێن
１７- حزبی دیموکراتی کوردستانی ئێران
１８- ئەنجوومەنی گەلی کلدانی سریانی ئاشووری
１９- پارتی ئازادی کوردستان PAK
２０- حزبی دیموکراتی کوردستان
２１- پارتی ویفاقی دیموکراتی کورد لە سوریا
２２- پارتی دیموکراتی کورد لە سوریا (الپارتی)
２３- سازمانی خەباتی کوردستانی ئێران
２４- پارتی دیموکراتی گەلان HDP
２５- پارتی گەلی تورکمان
２６- کۆمەڵەی لیبرالی تورکمان
２７- تەڤگەری ئازادی کوردستان
２８- تەڤگەری کۆمەڵگای دیموکرات TEVDEM
２９- حزبی پێشکەوتنخوازی دیموکراتی کوردستان
３０- بزووتنەوەی ئاشتیخوازانی کوردستان
３１- بزووتنەوەی ڕزگاری دیموکراتی کوردستان
３２- پارتی نەتەوەیی کوردستان
３３- پارتی برایەتی کوردستان PBK
34 – پارتی ئازادی کوردستان لە سوریا PAK.S
35 – حزبی ڕزگاری کوردستان
36 – پارتی سەربەخۆیی کوردستان
37 – تەڤگەری نوژەنی کوردستان – سوریا
38 – دەستەی سەرۆکایەتی حزبی ڕزگاری کوردستان
39 – پارتی کۆماری کوردستان
40 - پارتی سەربەستی کوردستان
هەولێر - کوردستان
#22-01-2018#