یەکێکە له و موزیسیانانەی کە ماوەیەکی زۆرە سەرقاڵی کاری موزیکە، هەروەها ئەم موزیسیانە چەندین بابەتی دەربارەی موزیک لەڕۆژنامه و گۆڤارەکاندا بڵاوکردۆتەوه و ساڵانێکی زۆریشە پەیمانگەیەکی بۆ فێربوونی موزیک داناوە. ئێستاش هەر لەم بوارەدا چەند بەرنامەیەکی هەیە کە تایبەتن بەموزیک.
سەرەتای چوونە نێو دنیای هونەری موزیکی دەگەڕێتەوە بۆ قۆناغی سەرەتایی کە ئه و کات لەخوێندنگەی خالدییە بووە، هەر لەوێ‌ لەڕێگەی مامۆستا محەمەد فەتاح ناسراو بە حەمەی فەتاحی وەرزشکار خراوەت گروپی دیدەوانی و لەسەر ئامێری تەپڵ-ی دیدەوانی بەردەوام بووە، دوای ماوەیەک ئامێری بوق-یان داوەتێ‌‌، تائێستا لەبوارەکەدا بەردەوامە.
لەساڵی 1982ەوە بەردەوام وانەی موزیکی وتۆتەوه و ساڵی 1990 پەیمانگەی ئۆرکێسترای سلێمانی بۆ فێربوونی موزیک دامەزراند. جگە لەوانەش لەئێستادا ئامادەکارو پێشکەشکاری چەندین بەرنامەی ڕادیۆیی بووە، کە بریتین لە(بەرنامەی جیهانی موزیک- دەنگی خاک. بەرنامەی موزیک و کۆمەڵ- دەنگی گەلی کوردستان. بەرنامەی موزیک لەنێو ڕەهەندەوە- ڕادیۆی نەورۆز). ئەمە جگەلەبڵاوکردنەوەی چەندین لێکۆڵینەوە تایبەت بەهونەری موزیک لەئەدەب و هونەری کوردستانی نوێ‌‌ و چەند ڕۆژنامه و گۆڤارێکی تر کە هەمووی لەبواری پراکتیکی و تیۆری و دەرونزانی و زمانەوانی و مێژوویی و فەلسەفیدان. هەروەها بەخۆبەخش‌ و لەدەرەوەی سلێمانی وانەی موزیک لەچەندین خوێندنگە دەڵیمەوە.