19-03-2018
باکووری کوردستان
- هێزەکانی پۆلیسی تورک لە شارۆچکەی ئەبەخی سەر بە وانوان، هەڵیانکوتایە سەر ماڵی چەند سیاسەتمەدارێکی پارتی دیموکراتی گەلان - هەدەپەهەدەپە و هەشت کەسیان دەستگیرکرد.[3]
- عوسمان بایدەمیرعوسمان بایدەمیر، پەرلەمانتاری هەدەپە و نوێنەری شاری (رحا) لە پەرلەمانی تورکیا ڕەخنەی توندی لە دەسەڵاتدارانی تورکیا گرت و ڕایگەیاند ئێوە جگە لە ترازان هیچ بژاردەیەکی دیکە بۆ کورد ناهێڵنەوە.[1]
- سەفەر چاغلەرسەفەر چاغلەر، لە زیندانیانی سیاسیی پەکەکە لە زیندانیی وان، بۆ شەرمەزارکردنی داگیرکردنی عەفرین لەلایەن حکومەتی تورکەوە ئاگری لە جەستەی خۆی بەردا و شەهیدبوو.[3]
رۆژهەڵاتی کوردستان
- ئیدارەی ئیتلاعاتی شاری سنەسنە، پێنج چالاکی مەدەنیی خەڵکی ئەو شارەیان بە ناوەکانی موحسێن مورادی، ئاریوان شاکری، مێهران محەممەدی، عێرفان ساعدپەنا و سالار کازمی بانگهێشت و لێکۆڵینەوەیان لەگەڵ کرا. چوار کەس لەو چالاکانە پاش لێپرسینەوە لە لایەن هێزە ئیتلاعاتییەکانەوە ئازاد کران، بەڵام عیرفان ساعدپەنا دەسبەسەر و لە چارەنووسی هیچ زانیارییەک لە بەردەستدا نییە.[5]
باشووری کوردستان
- سەرەڕای ناڕەزایی حکومەتی هەرێم، ئیدارەی گەرمیانگەرمیانیش ماتەمینیی فەڕمیی بۆ عەفرین ڕاگەیاند.[2]
- لە هەولێرهەولێر، ئاساییش ڕێگری کرد لە گردبوونەوەیەکی ناڕەزایی لەبەردەم کونسوڵخانەی تورکدا.[2]
- هەڤاڵ ئەبوبەکرهەڤاڵ ئەبوبەکر، پارێزگاری سلێمانیسلێمانی لە لێدوانێکی ڕۆژنامەوانیدا ئەمڕۆ ڕایگەیاند ئاگری نەورۆزنەورۆز لە چوارچێوەی چالاکییەکی ڕەسمیدا لە گردی مامەیارە دەکرێتەوە، بەڵام سەرجەم ئاهەنگ و خۆشییەکان لەو بۆنەیەدا بۆ ماتەمینی عەفرین ڕادەگیرێت.[1]
- دژی سیستەمی پاشەکەوتی مووچە، کارمەندانی تەندروستی لە دەڤەری ڕاپەڕین بایکۆتی دەوامی ناوەندە تەندروستیەکانیان کرد.[1]
- دوو بومەلەرزەی یەک لە دوای یەک شارۆچکەی کەلارکەلار و ناوچەکانی دەوروبەری هەژاند.[2]
- بەڕێوەبەرایەتی هاتووچۆی هەولێر ڕایدەگەیەنێت، بۆ ڕێکخستنی باری شەقام و کەمکردنەوەی ڕووداوەکانی هاتووچۆ لە ڕۆژانی نەورۆزدا هەزار و 320 کارمەند لە ئەرکدا دەبن.[1]
- هێزێکی دژە تیرۆری یەکێتی گەیشتنە کەرکووککەرکووک و بەپێی زانیاریەکانیش بۆ پاراستنی ئاسایشی ئاهەنگەکانی ڕاپەڕین و نەورۆز لە شارەکە دەبن.[3]
- دەستەی پیشتوانی لە عەفرین بە بەشداری چالاکوانان و ڕۆژنامەنووسان خۆپیشاندانێکیان بۆ بەردەم کونسڵخانەی ڕوسیا لە شاری هەولێر ئەنجامدا.[3]
- سەندیکا و ڕێکخراوە تەندروستیەکان لە سلێمانی ڕایدەگەیەنن وەرگرتنی نەخۆشیان لە نەخۆشخانەکان ڕاگرتووە و ڕاشیدەگەیەنن، لەمڕۆوە مانگرتنیان لە کار دەستپێکردووە.[1]
- لە گوندی حلەواتی ڕۆژئاوای کەرکووک، بەهۆی هێرشێکی چەتەکانی داعشداعشەوە دوو هاوڵاتیی کوژران و سێ کەسی دیکەش برینداربوون.[3]
رۆژئاوای کوردستان
- دەیان هەزار ئاوارەی عەفرینی لە گوند و شوێنە چۆڵەکانی باکووری پارێزگای حەڵەب نیشتەجێ بوون، کارەساتێکی مرۆڤییانەی لێکەوتووەتەوە. نە خۆراکی پێویست و نە دەرمان و نە هیچ شتێکی پێویستیان نییە.[2]
- باڵەخانەیەکی چوار نهۆمی بۆمبڕێژکراو لەنێو شاری عەفرینعەفرین تەقییەوە، بەهۆیەوە 11 کەس کوژران، زۆربەی کوژراوەکانیش چەکدارانی ئۆپۆزیسیۆنی سووریان.[2]
دەرەوەی کوردستان
- بەبۆمبی مۆلۆتۆف هێرش کرایە سەر باڵیۆزخانەی تورکیا لە کۆپنهاگنی پایتەختی دانیمارک.[1]
- مەراڵ ئاکشەنەر هاوسەرۆکی حزبی باش لە تورکیا ڕایگەیاند، 726 سەربازی سوپای تورکیا لە هێرشکردنە سەر عەفریندا کوژراون.[4]
- پاتریک کۆکبۆرن، نووسەری بەشی سیاسیی ڕۆژنامەی ئیندیپێندێنت لە وتارێکدا ئاشکرای کرد، کە ئەوانەی چوونەتە ناو عەفرینەوە هەمان چەتەکانی داعشن.[3]
- سەرۆک کۆماری تورکیا ڕایدەگەیەنێت، پاش عەفرین دەچینە منبج و کۆبانێکۆبانێ و قامیشلۆقامیشلۆ و دەشڵێت، شەوێک لەناکاو دەچینە شەنگالشەنگال و پەکەکەپەکەکە دەردەکەین.[1]
- وەزارەتی دەرەوەی سووریا ڕاگەیەندراوێکی بڵاوکردەوە و داگیرکردنی عەفرین لە لایەن تورکیا و ئه و تاوانانەی کردوونی ئیدانە دەکات.[4]
- ژان ئاسێلبۆرگ، وەزیری دەرەوەی لوکزامبورگ دەڵێت، کە پێویستە ناتۆ بە شێوەی ڕاستەوخۆ لێپرسینەوە لە ئەنقەرە بکات.[3]
- وەزارەتی دەرەوەی میسر، ئیدانەی داگیرکردنی عەفرین لەلایەن سوپای تورکیاوە دەکات و دەڵێت: پێشێلکاریی سەروەریی سوریا جێگای قبوڵ نییە.[3]