19-05-2018
باکووری کوردستان
- دەوڵەتی تورکیا لە گوندی ئەفشێئەفشێ لە ناوچەی میدیاتی سەر بە مێردینمێردین، پەرسەخانەی هاووڵاتییانی ئێزدیی ئەو گوندەی ڕووخاند.[3]
- دەستەی بەڕێوەبەریی هەڵبژاردنەکانی هەدەپەهەدەپە ڕایگەیاند، بۆ ئەوەی نەخشەڕێگای هەدەپە لە هەڵبژاردنەکانی 24ی حوزەیراندا بە باشی بۆ هاووڵاتییان ڕوون بکرێتەوە، ملیۆنێک برۆشۆر و بڵاوکراوەی کوردیان چاپ کردووە.[3]
- هاوسەرۆکایەتیی کۆنسەی بەڕێوبەریی کەجەکەکەجەکە لە پەیامێکدا کە بەبۆنەی کۆچی دوایی عادل مورادعادل مورادەوە بڵاوکردووەتەوە، ڕادەگەیەنێت:گەلەکەمان بە کۆچی دوایی عادل موراد بەهایەکی گەورەیان لە دەستدا.[2]
رۆژهەڵاتی کوردستان
- لە سەر سنوورەکانی شاری پیرانشارپیرانشاری سەربە پارێزگای ورمێورمێ، هێزە چەکدارەکانی حکومەت دەستڕێژی گوللەیان لە دەستەیەک کۆڵبەرکردووە، لە ئەنجامدا کۆڵبەرک بەسەختی برینداربووە. ئەو کۆڵبەرە ناو عەلی حەسەنزادەیە، تەمەنی 45 ساڵە و خەڵکی گوندی باڵاگیری سەربە پیرانشارە.[2]
- هێزە نیزامییەکان لە سنووری شاری شنۆشنۆ، دەستیان بە سەر زیاتر لە 350 سەر ئەسپی کاسبکارانی ئەو شارەدا گرت و دەیان سەر لە ئەسپی کاسبکارانیان کوشت.[5]
باشووری کوردستان
- بەرەبەیانی ئەمڕۆ کاتژمێر 02:00، دەربارەی ئەنجامی کۆتایی هەڵبژاردنەکانی عێراق، کۆمسیۆنی باڵای هەڵبژاردنەکان عێراق کۆنگرەیەکی ڕۆژنامەنووسی بەڕێوەبرد و بەپێی ئەنجامەکان،لیستی سائیرون بە سەرۆکایەتی موقتەدا سەدر بە بەدەستهێنانی 54 کورسی لە کۆی 329 کورسی پەرلەمان براوەی یەکەم بووەو لە هەرێمی کوردستانیش پارتی و یەکێتی و گۆڕان و نەوەی نوێ براوەی یەکەم تا چوارەمن.[2]
- بەرپرسی لقی یەکگرتووی ئیسلامییەکگرتووی ئیسلامی لە شارۆچکەی خورماتووخورماتووی سەر بە پارێزگای سەلاحەدین ڕایگەیاند، کادیرێکی حیزبەکەیان کە وەک کاندیدێکی سەربەخۆ لە لیستەکەی عەبادی لە خورماتوو خۆی پاڵاوتبوو، لەلایەن کۆمیسیۆنە وەک پەرلەمانتار ناسێندرا، بەڵام دواتر ژنێک خرایە شوێنەکەی.[1]
- سەرلەبەیانی ئەمڕۆ لە گەڕەکی قولە ڕەیسی لە شاری سلێمانیسلێمانی، باوکێک لەلایەن کوڕە دوانزە ساڵانەکەیەوە دەکوژرێت.[1]
- وەزارەتی کشتوکاڵوەزارەتی کشتوکاڵی هەرێم بڕیاریدا لەمەودوا جوتیاران لەکاتی فرۆشتنی بەروبوومەکانیان هیچ بڕە پارەیەک وەک عمولە نەدەنە خاوەنی عەلوەکان و بەمەش بڕەپارەیەک دەگەڕێتەوە بۆ جوتیاران کە پێشتر لە عەلوەکاندا لێیان وەردەگیرا.[4]
- ئه و شەش حزبە ناڕازییەی کە داوایان دەکرد ئەنجامی بەرایی هەڵبژاردنەکان بەدەست هەژماربکرێتەوە، ئەمڕۆ وازیان له و داواکاریەیان هێناوه و داوادەکەن هەڵبژاردن لە هەرێمی کوردستان و بەشێکی ناوچە جێناکۆکەکان ئەنجامبدرێتەوە.[4]
رۆژئاوای کوردستان
- شاندێک لە فەرماندەکان و دیپلۆماتکارانی هاوپەیمانی نێودەوڵەتیی لەگەڵ فەرماندەکانی ئەنجومەنی سەربازیی منبجدا کۆبوونەوە.[3]
دەرەوەی کوردستان
- سەرلەبەیانیی ئەمڕۆ هاوڵاتیانی شاری کازرونی سەربە پارێزگای شیرازی ئێران ڕژانەوە سەر سەقامەکان و خۆپیشاندانییان دەستپێکردەوە، لەکاتێکدا کە دوو ڕۆژ بوو بەهۆی بەسەربازیکردنی شارەکە لەلایەن حکومەتەوە سەر شەقامیان چۆڵکردبوو.[2]
- عەلی ئەکبەر ساڵی، سەرۆکی دامەزراوەی وزەی ئەتۆمی ئێران لە کۆنگرەیەکی ڕۆژنامەوانیدا ڕایگەیاند، ئەگەر وڵاتانی ئەوروپاش وەک ئەمریکا پابەندی ڕێککەوتنەکە نەبن ئەوا دەستبەجێ دەستدەکەنەوە بە پیتاندنی یۆرانیۆم و مادەکانی تری ئەتۆمی بە ڕێژەی 20%. [4]