بەگوێرەی ئەنجامە بەراییە ناڕەسمیەکانی هەڵبژاردنە سەرۆکایەتی و پەرلەمانیەکەی تورکیا ڕێژەی بەشداری خەڵک 90%ی تێپەڕاندووە وئەکەپە لەگەڵ پارتی بزوتنەوەی نەتەوەیی کە هاوپەیمانێتیان هەیە دەتوانن زۆرینەی کورسیەکانی پەرلەمان مسۆگەر بکەن.
ئەنجامە ناڕەسمیەکان ئەوەش دەردەخەن کە ڕەجەب تەیب ئەردۆغان، کاندیدی سەرکۆمار توانیوێتی 52%ی دەنگەکان بەدەست بێنێت و بەوەش دەبێتەوە بە سەرۆکی تورکیا و پارتەکەشی توانیوێتی زیاتر لە 42%ی دەنگەکانی هەڵبژاردنە پەرلەمانیەکە بەدەست بێنێت و پێکەوە لەگەڵ پارتی بزوتنەوەی نەتەوەیی (مەهەپە) کە هاوپەیمانێتیان هەیە دەتوانن زۆرینەی کورسیەکانی پەرلەمان مسۆگەر بکەن.
هاوکات پارتی دیموکراتی گەلان (#هەدەپە#) بە مسۆگەرکردنی زیاتر لە 11%ی دەنگەکان توانیوێتی 67 کورسی پەرلەمان بەدەست بێنێت و ببێتە سێیەم گەورەترین پارت لەناو پەرلەماندا.
لەیەکەم لێدوانیدا دوای ڕاگەیاندنی ئەنجامە بەراییەکان، ئەردۆغان لەلێدوانێکیدا ڕایگەیاند کە لە پەیامی خەڵک تێگەیشتوە و لەگەڵ پارتی بزوتنەوەی نەتەوەی لە پەرلەمان کاردەکەن.
وەرگێڕانی: کامەران ئەحمەد[1]
#25-06-2018#